ئۊسا دەسڕەنگینەکەو هۆرامانی بشناسدۍ
جەهانگیر مستەفا، خەڵکو دەگاو بەڵخەینا و هەر چاگەیچ ئەرەنیشتەنا، (58) سالیما، وەرو حەزو ویم پەی هەرمانەو وەسا دیواری پەی پاریزنای سیماو زەریفو هۆرامانی و دلینە نەشیەی زەریفیەکا ناوچەکەی و نیشاندای فەرهەنگو هۆرامانی کە سەرنجو خەڵکی و گیڵیاراش پەی ناوچەکەی کیشو تاکو ئیسە بەردەوامەنا.
نزیکەو (30) ساڵان هەرمانەو دیواری بەتەوەنی کەرو هەم پیسە حەزێ و هەر پاسە پەی بەدەسئارڎەی بژیوی ژیوایم. پەنەم وەشا جوانۍ ئارۊی تاوا ئاشنای با بە فەرهەنگو قەڎیمو هۆرامانی، ئی هەرمانی جە باوایمۆ پەیم مەنەنۆ، فرە کۊششیم داینی خەڵکی تەریچ فیرو ئی هەرمانی بانی تاکو دماو ویم کلتورو فەرهەنگو ڕەسەنو هۆرامانی پیسە ویش مەنوە.
بنویسمێ بە زوانی هۆرامی، بوانمێوە بە زوانی هۆرامی کە ئاڵاو قەڵەمی نەبڕیەینە باڵاو هیچ مێللەتێویەرە.[1]