کورد دلې چەرخەکا تاریخینە
بەشەی: یەرەسەڎ و شاڼزەهەمە
هۊرگېڵنای و ئاماڎەکەرڎەی: #ئەسعەد ڕەشید#
ساڵەو (1924ز.):
* تاریخو (#24-07-1924#ز.) دمای ۋڕای دۆڵەتی عوسمانی، تاریخنویسو کورڎی موحەمەد ئەمین زەکی بەگ، جە ئەستەمبوڵۆ کۊچش کەرد پەی بەغڎای، ئەچاگە بی بە وەرپەرسو ئەکادیمیای سەربازی.
* تاریخو (#18-08-1924#ز.) یەکەم ژمارەو ڕۊنامەو (ژیانەوە) جە شارو سلېمانی بەرشییەن.
* تاریخو (#30-08-1924#ز.) کۊمەڵەو گەلانی دەسش کەرد بە چەنەکۊڵیای سەرو گرفتو موسڵی.
* مانگەو (09) ئی ساڵېنە، هېرشو تورکە کەمالییەکا پەی سەرو تەمامو ناوچەکانو سەرنیشتو کورڎەسانی دەسش پەنە کەرد.
* تاریخو (#03-09-1924#ز.) پەی یاردیدای داگیرکاری ئێراقی دژو شېخ مەحمووڎی، داگیرکاری ئێرانی بە (300) سەربازې پیادې و (700) سوارې هېرششان کەرد سەرو ناوچەکانو پشدەری، دمای جەنگێ قورسی ئێرانییەکې گېڵێوەو چن سەڎ کەسێچشان چەنە کوشیێ، پاڼزە سەربازېچشان دیلې کریێ و تۊپێچشا چەنە جیامەنە.
* تاریخو (#18-09-1924#ز.) ژمارە یەکەمو ڕۊنامەو ژیونایۆ جە سلېمانی بەرشییەن.
* تاریخو (#28-09-1924#ز.)عادیلە خانمە، خانمەو وەسمان پاشاو جافی کۊچی دمایینش کەرڎەن.
* تاریخو (#30-09-1924#ز.) ئەنجومەنو کۊمەڵەو گەلا، دەسێوەش پەی گرفتو مەرزو میانو تورکیا و ئێراقی یۊئارد، دەسەکە جە یەرې ئەڼاما یۊئامابې، کە ئینې بېنې: کۆلۆنێل پاولیس، کۆنت تەلەکی، وېرسن. [1]