کورد دلې چەرخەکا تاریخینە
بەشەی: یەرەسەڎ و پاڼزەهەمە
هۊرگېڵنای و ئاماڎەکەرڎەی: #ئەسعەد ڕەشید#
ساڵەو (1924ز.):
* مانگەو (03) ئی ساڵېنە، تورکە کەمالیەکې خەلیفەی عوسمانیشان بە ژەن و زاروڵۆ بەرکەرد.
* تاریخو (#03-03-1924#ز.) تورکە کەمالیەکې بانگەوازو کۊمارو تورکیایشا دا.
* تاریخو (#03-03-1924#ز.) تورکە کەمالیەکې هەرچی فېرگې و یانې کورڎیې بېنې قەدەغەشان کەردې.
* تاریخو (#12-03-1924#ز.) هۊرچنیەو ئەنجومەنو پەرلەمانو ئێراقی، کە کورد جە پانیشتەنە بی بە خاوەنو کیانەرو وېش، ئینې نامې باعزێشانە: شېخ قادری بەرزنجی، ئەحمەد تۆفیق بەگ، ساڵح بەگی نەفتچی زادە و هینې تەرې.
* مانگەو (04) ئی ساڵېنە، دەستووری تازەو تورکە کەمالییەکا نریارە.
* تاریخو (#20-05-1924#ز.) چن تەیارێ ئینگلیزی ئامێ سەرو شارو سلېمانی و بڕێ بەیاڼامې هەڕەشاویېشا پەی خەڵکی، فڕەدێرە وار.
* تاریخو (#25-05-1924#ز.) ئەنجامو بۊمباوارانو تەیارەکا ئینگلیزی پەی شارو سلېمانی، خەڵکو شاری ناچاریې پەی ناوچەکانو دۆر و بەرو شاری هۊرئامێ، نزیکەو پەنجا تاکو سەڎ یانې وېرانې بېیې.
* تاریخو (#19-06-1924#ز.) ئینگلیزەکې شارو سلېمانیشان داگیر کەردۆ.
* مانگەو (07) ئی ساڵې، شېخ مەحمووڎی بەرزنجی دلې شارو سلېمانینە کېشییاوە، ڕوەش کەرڎە ناوچەکانو پېنجوېنې.
* تاریخو (#10-07-1924#ز.) کیانیاکاو پەرلەمانو ئێراقی بە فرەیی دەنگشان پەی ئانەیە دا کە پانیشتو کوردەسانی بە تەمامی بۋزیۊ سەرو ئێراقی.
* تاریخو (#19-07-1924#ز.) ئینگلیزەکې کۊتاشا بە ماوەو فەرمانڕەوایی حکومەتو پاڎشانشینی کوردەسانی ئارد.[1]