کورد دلې چەرخەکا تاریخینە
بەشەی: دوەسەڎ و نەوەڎ و نۊهەمە
هۊرگېڵنای و ئاماڎەکەرڎەی: #ئەسعەد ڕەشید#
ساڵەو (1922ز.):
* وەهارو ئی ساڵې، سمکۊ شکاکی یۊ جە کوڕەکا وېش کیاست پەی باکۆی، تاکو پېوەڼی چەنی ڕووسەکا پتەو بکەرۊن.
* ئەچی ساڵېنە، زېبارییەکې ناوچەو بادینانی هۊرخېزیێ.
* ئەچی ساڵېنە، دۋې ئەڵمانیې بە نامەکانو بەرلینەر و بورخارد لوێنې دلې کورڎەسانی، گەلێ چەمچې و کاردی و خشڵ و موورې ژەنانې و چېوې زیوېنېشان جەمې کەردێ، سەرو ئی پیشەسازییا کورڎەسانی کتېبێشان بەرکەرڎەن.
* هامنو ئی ساڵېنە، ئینگلیزەکې ناچارې بیې فرمانو گېڵایۆ شېخ مەحمووڎی بەرزنجی جە هیندستانۆ بەرکەران و گېڵناشاوە پەی بەغڎای.
* ئەچی ساڵېنە، تۆفېق وەهبی پېوەڼییش کەرد بە شۆڕشو شېخ مەحمووڎیۆ.
* بەپاو ئامارو ئێراقی، ئەچی ساڵېنە (494007) کوردې و (26257) ئێزیدیې بیېنې ، داگیرکاری ئێراقی ئامارو کوردە ئێزیدیەکاش بە جیا کەرڎەن.
* ئەچی ساڵېنە، خېزیاکەو ئیسماعیل خانو سمکۆی جە وەرکۆتو کورڎەسانی سەرش هۊردان.
* خېڵو هەمەوەڼییەکا نزیک بە شارەکڵەو چەمچەماڵی ئەچی ساڵېنە ڕاپەڕێنې، بە سەرداری کەریم فەتاح بەگو هەمەوەڼی.
* بەپاو ئاماری فەرمی داگیرکەری ئێراقی نیشتەجایا کورڎی دلې ویلایەتو موسڵی پانیشتینە (494007) کەسېنې.
* پایېزو ئی ساڵې، سمکۆ بانگشدا کە شاو کورڎەسانییەن.
* زانای ئەنترۆپۆلۆژیسی ئەڵمانی فۆن لوشان، دلې کتېبێنە جە بارەو زوان و ڕەگەزیۆ باسو کورڎیش کەرڎەن.
* ئەچی ساڵېنە، ڕامیاریمەدار نووری شاوەیس ئامان دنیا.[1]