کورد دلې چەرخەکا تاریخینە
بەشەی: دوەسەڎ و نەوەڎ و پەنجەمە
هۊرگېڵنای و ئاماڎەکەرڎەی: #ئەسعەد ڕەشید#
ساڵەو (1921ز.):
* مانگەو (06) ئی ساڵېنە، ئیسماعیل خانو سمکۆی بە نیازو چارەکەرڎەو گرفتو کورڎی، جە شارو شنۆی چەمش بە کیانیێوە ئینگلیزەکا کۆت.
* مانگەو (06) ئی ساڵېنە، هېزەکانو ئیتالیای ناوچەو ئەنادۆڵینە کېشیێوە.
* مانگەو (07) ئی ساڵېنە، فازیل ئەفەڼی بە فەرمانو مستەفا کەمالی کیانیا پەی شارو ڕەواندوزی، پەی هاندای کورڎی دژو ئینگلیزی.
* مانگەو (07) ئی ساڵېنە، فەیسەڵ بە پاڎشاو ئێراقی نریارە.
* مانگەو (07) ئی ساڵېنە، حاجی مستەفا پاشای یاموڵکی جە ئەستەمبووڵۆ گېڵانۆ پەی سلېمانی، جە تەرسەو زۊرداری تورکە کەمالییەکانە، چوونکوم یاموڵکی وەڵتەر فەرمانو خنیکنای مستەفا کەمالیش بەرکەرڎەبې، چا کاتەنە هەکە سەرۆکو دادگای عورفی بې جە ئەستەمبووڵ.
* تاریخو (#11-07-1921#ز.) ئەنجومەنو شالیارگاو ئېراقی فەرمانێش بەرکەرد، دلېشەنە پەشتەو فەیسەڵیش گېرتە پېسە پاڎشاو ئېراقی و هەم ئیشارەش پانەیە دابې هەکە کورد سەربەستی تەمامش هەن جە بەشداریکەرڎەی ئېراقینەو گەرەکشانەن چەنەش جییانەبۊوە.
* مانگەو (08) ئی ساڵېنە، ئیسماعیل خانو سمکۆی چەمش کۆت بە سێر برسی کۆکسی ئینگلیزی.
* مانگەو (08) ئی ساڵېنە، دلې ناوچەو ڕەواندوزی ڕاپەڕینێ خېزیا، ئەنجامەنە ئینگلیزەکې ڕەواندوزشا بۊمباۋاران کەرد.
* تاریخو (#14-08-1921#ز.) ڕزگارکەرڎەی هەردوە شارو مەندەلی و خانەقینی بە دەسو شۆڕشگېڕەکا ئیبراهیم خانو دەلۆی.
* تاریخو (#18-08-1921#ز.) یاوەرو کونسوڵو بەریتانیای جە هەمەڎان تەلەگرافێش پەی شالیارو مفەوەزو بەریتانیای جە تاران کیاست، دلېشەنە ماچۊ: تەلەگرافێ جە شارو سنەیۆ جە لاو (وارن)یۆ ئامان ماچۊ: سمکۆ نامێوەش پەی سەرخېڵە کوردەکا کیاستېنە، داواش وەنەکەردېنې کە بە گرڎیشاوە هۆڵې بڎان ڕژېمو ئێرانی ۋڕنان، هەم خېڵەکېچ وېشان پەی کۊنیشتێ ئاماڎەکەران.[1]