کورد دلې چەرخەکا تاریخینە
هۊرگېڵنای و ئاماڎەکەرڎەی: #ئەسعەد ڕەشید#
بەشەی سەڎ و دوەمە
* ساڵەو (1676ز.): عوسمانییەکې ئەچی ساڵېنە هېرششان کەرڎەن پەی سەرو میرنشینو بەدلیسی، ئا دەمە عەبداڵ خان میر بېیەن، لەشکەرو عوسمانی کە فرېشان کوردې بیېنې، کۆتېنې تاڵانکەرڎەی ناوچەکەی.
* ساڵەو (1677ز.): بابا سڵێمان، ئەچی ساڵېنە فەرمانڕەوایی بابانییەکاش دەس گېرتەن.
* ساڵەو (1678ز.): ئەچی ساڵېنە بابانییەکې یاردی تورکەکاشان دان دژ بە ئێرانییەکا. هەر ئەچی ساڵېنە کەلبعەلی خان کوڕو سڵێمان خانو والی ئەردەڵانی کۊچی دمایینش کەرڎەن. * ئەچی ساڵېنە بابا سڵێمانو بابانی لوان پەی ئەستانەی.
* ساڵەو (1679ز.): گېڵەری بە نامبانگی تورکی ئەولیا چەلەبی ئەچی ساڵېنە کۊچی دمایینش کەرڎەن، شایانو باسین ئی دەرگېڵە تورکە دلې کتېبەکەیشەنە بە نامې (سیاحەتنامە) گەلێ * چېۋې تاریخیېش سەرو کورڎی تۊمارې کەردېنې.
* ساڵەو (1680ز.): ئەچی ساڵېنە خەسرەو خان کوڕو سڵێمان خانی بېیەن بە والی سنەی. هەر ئەچی ساڵېنە زەینلعابیدینی پاڵنگانی شاعېر بەدنیائامانوە. غەمناکی شاعېر دلې شارو کەرکوکینە ئەچی ساڵېنە بەدنیائامانوە. دیسان هەر ئەچی ساڵېنە میر ئەحمەڎ بەگی زەنگەنەی شاعېر بەدنیائامانوە.
بەشێ جە کتېبو هاوڕێنامەی، نویستەی #هاوڕێ باخەوان#، هۊرگېڵنای پەی سەرو زوانی هۆرامی: #ئەسعەد ڕەشید#. [1]