کورد دلې چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشەی یەکەمە
میللەتو کورڎی هەرچن تاریخێ کۊنش هەن سەرو ئی زەمینەیۆ، چەنی ئانەیچە ئی سەرزەمینو کوردەواریە وەڵې کورڎینە چڼین میللەتې تەرېش سەرۆ ژیوێنې، کە ڕەنگە بڕێشان وەڵینې میللەتو کورڎی بان، یانی کورد زادەو ئا میللەتە وەڵینا بۊن.
دلې مەڕ و کەش و دەشتاییەکانە چڼین شۊنەوارې کۊنې ئیزیێنێ کە تەمەنشان مەگېڵۊوە پەی چەرخە کۊنەکا وەڵې زایینی، ئانەی نیشانە مڎان سەرو ئی زەمینو کوردەواریۆ ئا میللەتې ژیوێنې و شارەسانیێ دیاریکریاشان بییەن، ئەچېگەنە بەپاو تاریخو شۊنەوارەکا کە ئیزیێنێ تۊمارېشان مەکەرمېن.
* ئېستەیۆ چڼین پارچە کەرەسە تەۋەنینا کە بەکارئامێنې پەی ڕاوەشکاری، چەنی بڕێ پېشە تەۋەنینا ئاژەڵا پېسە فیل و گاۋە و مەی و بزا، نزیک بە دوې کیلومەترا ناوچەی تەۋەنینو سەرنیشتو وەرکۆتو چەمچەماڵی، کە جە لاو کیانیێوە ئەمریکایی زانکۊ شیکاگۆی ئېزیێنێ، تەمەنشان مەگېڵۊوە پەی ساڵەکا ( 600000 - 100000) وەڵې زایینی.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید. [1]