ئاژەڵداری جە هۆرامان
ئەوەنویستەی و دەسکاریکەرڎەی: ئەسعەد ڕەشید
بەشەی یەرەمە
گەلە، کریاوە گۆڕ:
کاتێ کەش و کۊ و کەمەرەکې سەردې مەبانې، دنیا زوقم و بەستەڵەکەن، کەس بەرۆ وېش نمەگېرۊ، وەرو ئانەیە (گەلە)کەی شەوېنە مەکەران دلې گۆڕی و هەر ڕوێچ ئاو و هەوا وەشبۊ مزناشەرە.
ڕانە بێرە (گەلە بێرە):
گەلە خەریکەن بێنە (پەچەگا)و ژەنی و کناچې پەی دۊشای مەییا و بزا، ڕاگنا پەی ئاگەی.
گەلە کۆت بەر:
دەسەواچێن، کاتێنە بەکارمێ، کە ئاو و هەوا وەششکەرڎەبۊن، واران وارای کەم بیەبۊوە، گژوگیواوی فرە ڕسابۊ، پەوکەی شوانەکە گەلەکەی مزنۊرەو شەوېچەنە نمارۊشۆ، یانی بە تەمامی گەلە کۆتەن بەر.
خەڵکو هۆرامانی، جگە حەیوانی وردەی (مەی، بزە)، گاوەیچ وەیکەران، (گاوە یان کەڵەگاو) سەرەبڕیەیشان گوناحەن، بەڵکم پەی شۊتی و بەرهەمەکاش، پەی (زای، پەی بارکەرڎەی و هیت کەرڎەی) بەکارشان ماران.
هەرکەسێ جە هۆرامان، ساحیبو (جۊتێ گاوا) بۊ، ئانە بە دۊڵەمەڼ مەژماریۊن و حورمەتی فرەش مەگېریۊن. بە هیت کەرڎەی، زەمین کاڵیۊ و دانەوېڵەش چەنە شانیۊن.
هۆرامان زەمینو (خەلە)یش فرە کەمەن، وەرو ئانەیە بە فرەیی (یەوې، زەڕاتە، نوەی، میژۋی، شەوەر، زەڕاتەسوورې)ش چەنەکریۊن.[1]