نامې: ئاکۆ
لەکەنامې: مارانی
نامۊ تاتەی: شەفېع محەمەڎ
نامۊ ئەڎێ: فەریدە هۊمەر مۆلووڎ
ڕۊ پېڎابېیەی: #01-07-1969#
یاگۊ پېڎابېیەی: تەۋېڵې
ھۊرگېڵن، نۋیسەر، پەیجۊریکەر
من، ساڵۊ 1969 چە دەگاو تەۋیڵې پیڎابییەنا، ساڵۊ 1975ی لۋانا فیرگەی سەرەتایی/بنەڕەتی و تاکو پۊلو پەنجەمو سەرەتایی/بنەڕەتی فیرگه و (هۆرامان)ی سەرەتایی چە دەگاو تەۋیڵې وەنەنم.
ساڵۊ 1981ی ۋەرو تۊپۋارانو کومارو ئیسلامی ئێرانی، کە ناوچەو ھۆرامانی خەڵکیۋی فرە کوشیا ، ناچار بە کوچکەردەی نەوازیای بییەیمې و لۋامې هەڵەبجه. دماو دۋې هەفتا، دیسان ۋەرو تۊپۋارانو کۆمارو ئیسلامی ئێرانی ناچار جاریۋتەر پەی شارۊچکه و قەرەداخی بارماکەرد، کە ئا کاتە یانه و برا گۆرەکەیم (عەدنان)ی چاگە بې و فەرمانبەرو ھەرمانگه و کشتوکاڵی بې و چا کاتەنە سەرباز بې، بەداخۆ جاریۋتەر ۋەرو ئانەیە کە براگۆرەکەم چە سەربازی وازشئارد و چە بەره و جەنگییەنە ڕەما و ئاماۋە سلێمانی، دماو مانگیۋی ئیمەیچ بە ئەۋەگیڵای پەی شارو سلیمانیی ناچارېبیەیمې.
دماو چند مانگا کریچییەتی، ۋەرو ئانەیە کە تاتەم (مولازم موحسین)ی بە دۆلار و تمەنی ئێرانیۆ گیریا، ۋەرو ئانەیە دماو ۋەربیه و ئاڎی، ناچار گیڵامیۋە هەڵەبجە و چە گەڕەکۊ (پیرمحەمەڎ)ی لا واری بەنزینخانەکەو (ھەڵەبجە) بە کریچییەتی نیشتەجابیەیمې.
ئی گردە کوچ و بارە، تەنیا ماۋه و یەرې مانگانە بې و پۊلو ششمەی سەرەتایی وەنەیم چە فیرگه و (سەرخیڵ)ی چە گەڕەکو (تووەوشک)و هەڵەبجەی وەن و پۊلو حۆتەمی یا یەکەمو ناوەندی لۋانی ناوەندی شارەزووری چە گەڕەکۊ کانی ئاشقانی، کە ئا کاتە ئا فیرگە بییەبې بە (المدرسة المشاغیبین)و هەڵەبجەی. ئا ساڵې چاگە وەنم و
ساڵۊ 1983ی چواردە ساڵییەنە دام کەش و چە دەگا و (کاژاو)و ناوچەو (شارباژێری) لاو تیپو پانزەو ھۆرامانو یەکێتی بییا بە پیشمەرگە، ساڵۊ 1984 سەرو داۋا و فشارو فەرماندەو کەرتەکەیما بەڕێز (حەمەو حەمەسەعیڎ)ی چەکم نیارە پەی وەنەی و دلې شاری گیڵانیۋە و چە فیرگەی میانی مۆلەوی کوڕانەی خەریکو دریژەدای بە وەنەی بییا و پۊلو یەرەمیەنە پلەی یەکەمم ئاۋرد.
هامنو ساڵو 1985ی ۋەرو بەردەۋامی ھەر ساتەو توپۋارانو کۆمارو ئیسلامی پەی سەرو (ھەڵەبجە و سیروان و خورماڵ)ی و دەگاکا دۆوروبەری کە تا ئا کاتە بارنەکریێبینی و بی بە ھۊکارو کوشیای فرە کەسا، ناچار ئیمەیچ پەی دەگاو (گردەنازې) کوچماکەرد و ئا هامنە چاگە ژیۋایمې و سەرەتاو ساڵو وەنەی گیڵامیۋە هەڵەبجە و تاکو ساڵۊ 1987بەردەوام چیرو توپۋارانییەنە بینمې و لۋامې فیرگە و وەنما و دماو تەمامناو قۊناخو وەنەی میانی/ ناوەندی، لۋانی فیرگەو ئامادەیی ھەڵەبجەی کوڕانی چە گەڕەکۊ (کانی قوڵکەی) سەرو ڕاسە ڕاو ھەڵبجە - عەنەبې.
ساڵو 1987ی ۋەرو بەشداریکەردەی چالاکانەیم چە ھۊرزتەو/ ڕاپەڕینو شاروچکه و هەلەبجەی، ناچار جاریۋتەر دامۆ کەش و لاو بنکەو شنروێ (دماتەر تیپو 11 ھۆرامانو یەکێتی) بیاۋە بە پیشمەرگە، چونکە نامیم بە دەزگه و ئاسایشو بەعسی دریێبې و ھەفتیۋ دماو ڕەماو من، ناچار جاریۋتەرخانەوادەکەم ماۋەو چڼ ھەفتا ئاۋارەو سلیمانیی بیۆ و ھەر چڼ کەسیۋشا یانەو کەسیۋیەنە وېشا شاراۋە.
ساڵۊ 1988ی دماو تاۋانو گیرته و ناوچه و هۆرامانی و هەڵەبجەی چە لایەنو لەشکرو سوپاو پاسدارا کۊمارو ئیسلامی ئێرانی و زەمینەسازی پەی کیمیاۋارانەکەی، بە یەکجاری چە پیشمەرگایەتی ۋازمئاۋرد و کۆتا ئوردوگه و سەرابی فەرشی و دماتەر ئوردووگەو گەلیارانی چە کەنگاوەر و تاکو دماو ھورستەو/ڕاپەڕینو ئازارو 1991، چاگە بە پەنابری مەناۋه.
دماو ھورستەو ئازارو 1991ی گیڵانێ پانیشتو کوردستانی/ ئۆدیم[1]