#23-01-2018#

ناوی شوانێم
ناوی شوانێم عەلی یه
دەسکی خەنجە ڕێی ماهی یه
مەڕ بەردە دۆرێ به بی یه
بێریوان ناوی ڕابی یه
ناری شوانێم عەزیزە
دەسکی خەنجەرێی به زریزه
مەڕ بەردە دۆرێ به فریزه
بێریوان ناوی مامزە
ناوی شوانێم حەمەدە
دەسکی خەنجەرێی مەورەدە
مەڕ بەردە دۆرێ به بەردە
بێریوان ناوی ئەسمەرە[1]

ناوی شوانێم ئەحمەدە
ناوی شوانێم ئەحمەدە، دەسکی خەنجەرێی مەورەدە
مارت به گۆزينگێ وە دا، دەست له دەلالێ بەرمەدە
ناوی شوانێم خدره، دەسکی خەنجەرێی دار گورە
مەڕ بە ڕبوو دۆرێ کفره، ڕێ له دوو دران مەگرە
ناوی شوانێم ڕەحمانە، خە نجەرێ پشتی دەبانە
مەڕ بەربووە دۆرێ به ڕێحانە، دڵخوازی بێری خانه[1]

هۆز و ناوچەی شوان
هۆزو ناوچەی شوان، لێکۆڵینەوە، نوسەر پرۆفیسۆر دکتۆر ڕەفیق شوانی، ساڵی چاپ 2016، ژمارەی چاپ300دانە، چاپخانە ڕؤی للطباعة والنشر/العراق.[1]

کابرایەکی ئەو ناو «شوان»ە لە قنگی شێخ و مەلا گەورە بووبوو، ناوی سووڕەتەکانی قورئانی هەموو ئەزانی. شەوێک چەند بارێک خەڵووزی بردبوو بۆ کەرکووک بۆ فرۆشتن. دەمەو بەیان ئەگاتە کەرکووک، بە بەر مزگەوتەکەی مەلا ناسحدا تێ ئەپەڕێ، لا ئەدا بۆ نوێژکردن، مەلا ناسح خۆی پێش نوێژەکەی ئەکرد، سووڕەتی «البقرە»ی لە نوێژەکەدا خوێند تا لێ بووەوەوە هەتاو کەوت و بازاڕی هەڕمێنی خەڵووز فرۆشتن نەما. پاش نوێژ لە مزگەوت دەرچوو بە هەر حاڵ و جۆر بوو خەڵووزەی فرۆشت و هەندێ ئیش و کاری ناوشاری هەبوو، تا جێبەجێی کرد ڕۆژ درەنگ بوو فریانی گەرانەوە نەکەوت. وتی تازە ناگەمەوە ماڵ، ئیمشەو لە کەرکووک ئەمێنمەوە لەو سەرەوە زوو هەڵئەستم و ئەڕۆم. ئەو شەوە مایەوە بەیانی زوو وڵاغی دایە پێش و ڕۆیشت، ڕێگاکەی هەر بە بەر مزگەوتەکەی مەلا ناسحدا بوو. وتی با یەکجاری نوێژەکەشم بکەم. مەلا ناسێح ئەم جارە سوورەتی «الفیل»ی خوێند، کابرا کە گوێی لە «الفیل» بوو نوێژی بڕی و کردی بە پێڵاوەکانیا و بۆی دەرپەڕی. وتی مەلا بۆ چی من نازانم «بەقەر» بە مەعنای «گا»یە و «فیل» یش فیلە، دوێنێ سوورەتی گات خوێند هەموو ئیشێکت لە دەست دەرکردم، ئیمڕۆ فیل ئەخوێنی، فیل دە ئەوەندەی گا ئەبێ، تا بانگی خەوتنان ناگەمەوە ماڵەوە، گوو بە ڕیشی باوک ئەو کەسە لە پشت سەرتەوە نوێژ ئەکا. [1]

=KTML_Bold=‌تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!=KTML_End=