$باکووری کوردستان$
- موسا ئورهان ئەو سەربازەی سوپای فاشیستی تورک کە لە شاری #ئێلح# دەستدرێژی کردە سەر ژنێکی کوردی 18 ساڵان، دوای ئەوەی لەسەر داوای خانەوادەی ژنەکە، دەستگیر کرا، بە بڕیاری دادگا ئازاد کرا.[4]
- لە شاری #مووش# عەبدولباری یغید هاوسەرۆکی #هەدەپە#ی شارەکە و دوو کەس بە ناوەکانی شەعبان ئاتلگان و گولەر بینگۆل کە 15ی ئاب دەستگیرکرابوون و ئازادکرابوون، بە فەرمانی داواکاری کۆماری دەستگیرکران. سێ کەسەکە بۆ داگای مووش گواسترانەوە و دادگا بڕیاریدا هەرسێ کەسەکە ڕەوانەی زیندان بکات.[4]=KTML_Photo_Begin=https://www.kurdipedia.org/files/relatedfiles/2020/385286/0012.JPG=KTML_Photo_Alt=0012.JPG=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2020/385286/0012.JPG=KTML_Photo_End=
- لە شاری #وان# دوو کەس کە یەکێکیان ئەفسەرێکی تورکدە دەستدرێژیان کردە سەر کچێکی 17 ساڵ بەناوی (ن.ئا). دوای تۆمارکردنی سکاڵا بڕیاری دەستگیرکردنی هەردوو کەسەکە درا.[4]
$رۆژهەڵاتی کوردستان$
- بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، لە ماوەی ڕۆژانی ڕابردوودا چوار هاووڵاتیی خەڵکی #سەردەشت# بە ناوەکانی ”ئاکام حەسەن زادە“، ”ڕەحمان ئادری“، ”خوسرەو جەهان ئارا“ و ”سەردار مەلا“ لەلایەن هێزەکانی ئیدارەی ئیتلاعاتی ئەو شارەوە دەستبەسەر کراون. بە وتەی سەرچاوەیەکی ئاگادار، ئەو چوار هاووڵاتییە بە تۆمەتی هاوکاری لەگەڵ یەکێک لە حیزبە کوردستانییەکانی دژبەری ئێران و بە بێ پیشاندانی هیچ جۆرە بەڵگەیەکی دادوەری دەستبەسەر کراون.[3]
- هێزە چەکدارەکانی ئێران لە سنوورەکانی نەوسوود تەقەیان لە پۆلێک #کۆڵبەر# کردووە و لە ئاکامی دەستڕێژی ئەو هێزانە سێ کۆڵبەر بە سەختی بریندار بوون. هەواڵنێری هەنگاو لە نەوسوود ناسنامەی ئەو سێ کۆڵبەرەی ”قانێع بەهرامی“ تەمەن 27 ساڵ و خەڵکی سەلاسی باوەجانی، عەلی ڕەنجبەر خەڵکی گوندی میانەی #مەریوان# و کۆڵبەرێک بە ناوی ”ناجی“ خەڵکی گوندی ”و#سنە#“ی مەریوان ڕاگەیاندووە.[3]
- حەسەن جەنگخا، مامۆستایی ئایینی خەڵکی ناوچەی مەرگەوەڕی #ورمێ#، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.[3]
$باشووری کوردستان$
- شانەی ڕاگەیاندنی ئەمنیی عێراق ڕاگەیێندراوێک لەبارەی بۆردوومانەکانی ئێوارەی دوێنیی فڕۆکەکانی تورکیا لە #شنگال# بڵاودەکاتەوە و دەڵێت بۆردوومانەکان قوربانی لێکەوتووەتەوە و 2 کەسی سیڤیل گیانیان لەدەستداوە.[1]=KTML_Photo_Begin=https://www.kurdipedia.org/files/relatedfiles/2020/385286/0006.JPG=KTML_Photo_Alt=لە مانشێتەکانی ئەمڕۆ: 26-08-2020=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2020/385286/0006.JPG=KTML_Photo_End=
- لە مەراسیمەکەدا کە بنەماڵەکەی ئامادەبوون، پاسەوانی سنووری عێراق تاجە گوڵینەی ڕێز و وەفای لەسەر گڵکۆی شەهید زوبێر حالی فەرماندەی بەتالیۆنی سێی پاسەوانی سنوور دانا، بنەماڵەکەشی ڕایانگەیاند، “شەهید زوبێر شەهیدی ئاڵا و شەهیدی ئاشتی و شەهیدی سێگۆشەی سنوورە”.[6]
- #وەزارەتی تەندروستی#ی هەرێمی کوردستان دەڵێت، لە 24 کاژێری ڕابردوودا 463 کەس تووشی کۆرۆنا بوون و 14 کسی دیکەیش گیانیان لەدەستداوە.[1]
- ناوەندی ڕاگەیاندن و چاپەمەنیی هێزەکانی پاراستنی گەل - #هەپەگە# کوژرانی حەوت سەربازی سوپای تورکیای لە حەفتانین و سوپای تورکیاش کوژرانی دوو گەریلای لە ناوچەی زاپ ڕاگەیاند.[1]
- پارێزگای #کەرکووک# ئەمڕۆ چوارشەممە ژمارەیەک بڕیاری لە بارەی قەدەغەی هاتوچۆ و دەوامی فەرمانبەران دەرکرد و ڕایگەیاند، ڕۆژانی پێنجشەممە دەکرێتە پشوی فەرمی وبەرێژەی 50% فەرمانبەرانی فەرمانگەکان کەمدەکرێنەوە.[5]
- وەزیری کارەبای هەرێمی کوردستان ڕایگەیاند، ئەو بەڵێنەیان بردووەتەسەر ‏کە بۆ باشبوونی کارەبا بە هاونیشتمانیان دابوو، بۆ وەرزی زستانیش پلانیان هەیە ‏کارەبایەکی باش دابین بکەن و دەشڵێت مانگێکە 500مێگاوات کارەبا ‏بە عێراق دەفرۆشن، لەو یەکانەی پێشتر هیچ سوودمان لێوەرنەدەگرتن.‏[1]
- عەلی حەمەساڵح، سەرۆکی فراکسیۆنی گۆڕان لە پەرلەمانی کوردستان، ڕایگەیاند: پێشتر بۆ ماوەی چوار ڕۆژ قاچاخچێتی لە مەرزی باشماخ ڕاگیرا، بەڵام لە ئێستادا لە جاران خراپتر دەستی پێکردۆتەوە. دەشڵێتقازانجی قاچاخچییەکان لەیەک شەو و لەیەک خەتدا، یەک ملیۆن و 500 هەزار دۆلارە.[5]
$رۆژئاوای کوردستان$
- دەستەی تەندروستی لە بەڕێوەبەرایەتیی خۆسەر لە ڕۆژئاوای کوردستان ڕایگەیاند، لە ماوەی 24 کاژێری ڕابردوودا 31 کەسی دیکە تووشی #کۆرۆنا# بوون و کەسێکیش گیانی لەدەستداوە.[1]
- بەپرسانی ئەمریکی دەڵێن لە ئەنجامی پێکدادانەکەی ئەم هەفتەیەی ئۆتۆمبێلەکانی ڕووسیا و ئەمریکا لە ڕۆژئاوای کوردستان، ژمارەیەک سەربازی ئەمریکی برینداربوون.[2]
- سەرۆکایەتی ئەنجوومەنی گەلی سووریا 9 نامەی ئاراستەی سەرۆک یەکێتییە پەرلەمانییەکانی نێودەوڵەتی و کۆمەڵە پەرلەمانییەکانی هەرێمی و عەربی کرد و تێیدا داوای کردووە فشار بخەنە سەر لایەنی تورکیا سەبارەت بە قەیرانی ئاوی #حەسەکە#.[7]
$دەرەوەی کوردستان$
- دەیڤید کوبلی جێگری یاریدەدەری وەزیری دەرەوەی ئەمریکا بۆ کاروباری عیراق ڕایگەیاند: دەیانەوێت تورکیا و عیراق سەبارەت بە بوونی پارتی کرێکارانی کوردستان لە ناوچەکانی سنوور، دانوستان بکەن و بگەنە چارەسەر.[2]
- بڕیارە لە کۆبوونەوەی ئەمڕۆی ئەنجومەنی ئاسایشی نێودەوڵەتی، جینین بلاسخارت نوێنەری #نەتەوە یەکگرتووەکان# لە عیراق ڕاپۆرتێک سەبارەت بە ڕەوشی ئه و وڵاتە بخاتە بەردەمی ئەنجومەنەکە، کە ئاماژە بۆ ڕەوشی شەش مانگی ڕابردوو دەکات، کە له و ماوەیەدا جموجۆڵەکانی تیرۆریستانی #داعش# زیادیان کردووە، هاوکات باس لە ئاڕاستەی ستراتیژی ئه و گروپە تیرۆرستییە دەکات.[2]
- لە ئێران 119 کەسی تر بە کۆرۆنا گیانیان لەدەستدا و ژمارەی گیان لەدەستدان 21 هەزار کەسی تێپەڕاند.[2]
- سەرۆکی دەزگای لوتکە بۆ کاروباری ئاوارە و پەنابەران ڕایگەیاند لە ‏یۆنان، بەلەمێکی کۆچبەران، دوای دابڕانیان، لەلایەن هێزە ئەمنییەکانی ‏ئەو وڵاتەوە ڕزگارکراون کە 50 کۆچبەری ‏کوردی تێدابووە.[1]
- ئەنجوومەنی ئاسایشی نەتەوە یەکگرتووەکان بە ئامادەبوونی نوێنەری تایبەتی سکرتێری گشتیی ڕێکخراوەکە بۆ عێراق کۆبووەوە، لە بەشێکی قسەکانیدا لەبارەی ڕێککەوتنی نێوان #هەولێر# و بەغدا گوتی بە دڵنیاییەوە ئێمە هۆشیارانە ڕێز لەو ڕێککەوتنەی دوایی نێوان بەغدا و هەولێر دەگرین، لەنێویدا خەرجکردنی مووچەی خەڵکی هەرێمی کوردستان.[1]
- ئاژانسی نێودەوڵەتی وزەی ناووکی، ئەمڕۆ ڕایگەیاند، کۆماری ئیسلامی ئێران، ڕێگەی داوە، چاودێرانی ئاژانسەکەیان بچنە ناو دوو وێستگەی ناووکی، کە پێشتر دەستنیشانیان کردبوون بۆ ئەوەی سەردانیان بکەن.[7]
- گەورە دیپلۆماتکارێکی ئیسرائیلی ڕایگەیاند، تورکیا پاسپۆڕتی وڵاتەکەی بە 12 ئەندامی بزووتنەوەی حەماس داوە و ئەمەشی بە هەنگاوێکی خەراپ ناوبرد و ئاماژەی بەوەشدا، حکومەتی وڵاتەکەی ئه و پرسە لەگەڵ بەرپرسانی تورکیا تاوتوێ دەکات.[7]
- جینین هێنیس-پلاسخارت، نوێنەری تایبەتی سکرتێری گشتی نەتەوە یەکگرتوەکان لە عێراق سەبارەت بە خۆپیشاندانەکانی ئەم دواییەو هەراسانکردن و داخستنی میدیاکان، ڕایگەیاند: بەرپەرچدانەوەی توندی دەسەڵاتدارانی هەرێم بۆ ناڕەزایەتییەکان و هەراسانکردن و داخستنی میدیاکان، ڕێگەیەن نین بۆ بەرەپێشچون.[5]