$باکووری کوردستان$
- دوای ئەوەی ئەمڕۆ فیلیز بولوت تەکین و جەمال ئوزدەمیر هەر دوو هاوسەرۆکی شارەوانی ناوچەی سوور ڕاپێچی بەردەم دادگا کران و بڕیاری گرتنیان بۆ دەرچوو، هەر یەک لە سالیحا ئایدەنیز هاوسەرۆکی پارتی هەرێمە دیمۆکراتەکان و زەیات جەیلان هاوسەرۆکی #هەدەپە#ی شاری #ئامەد# و ئەندامانی شارەوانی ناوچەی سوور و بەرێوەبەرانی هەدەپە ویستیان لە بەردەم دادگا لێدوانێک بۆ ڕای گشتی بڵاو بکەنەوە، بەڵام ڕووبەرووی هێرشی هێزەکانی پۆلیسی تورک بوونەوە. ئەندامانی هەدەپە کە لە لایەن هێزەکانی پۆلیسەوە گەمارۆ دران، بە دروشم و چەپڵە گەمارۆ و گرتنەکانیان شەرمەزار کرد. هەروەها هێزەکانی پۆلیس ڕێگایان نەدا ڕۆژنامەنووسان ڕووداوەکە بگوازنەوەو چالاکییەکە تۆمار بکەن و بە لێدان لە ناوچەکە دووریان خستەوە و هەتا مایکی هەندێک ڕۆژنامەنووسیش لەدەستی ئەندامانی هەدەپەدا مانەوە.[4]
$رۆژهەڵاتی کوردستان$
- مانگرتنی مامۆستایان لە ئێران و ڕۆژهەڵاتی کوردستان دژی جێبەجێ نەبوونی داخوازییەکانیان دەستیپێکرد.[3]=KTML_Photo_Begin=https://www.kurdipedia.org/files/relatedfiles/2019/374871/0007.JPG=KTML_Photo_Alt=مانگرتنی مامۆستایان دەستیپێکرد=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/374871/0007.JPG=KTML_Photo_End=
$باشووری کوردستان$
- کۆنگرەی چوارەمی #یەکێتیی نیشتمانیی کوردستان# لە سێیەم ڕۆژیدا بەردەوامە و ئەمڕۆ ئەندامانی سەرکردایەتی هەڵدەبژێردرێن و وەفدێکی باڵای کۆمیسیۆنی سەربەخۆی هەڵبژاردنەکانی عیراق چاودێری پڕۆسەی دەنگدانەکە دەکات..[1]
- مەلا یاسین ڕەئوف وتەبێژی کۆنگرەی چوارەمی یەکێتیی نیشتمانیی کوردستان لە کۆنگرەیەکی ڕۆژنامەوانیدا ڕایگەیاند، درەنگانێکی ئەمشه و پرۆسەی دەنگدانی هەڵبژاردنی ئەنجومەنی گشتی سەرکردایەتی لەناو کۆنگرە کۆتایی دێت و سبەینێ ئەنجامی دەنگدانەکە ڕادەگەیەنین. وتیشی: یەکێتی بەسەرکەتوانە هەنگاوەکانی کۆنگرەی خۆی بەڕێ کردو لەماوەی سێ ڕۆژی ڕابردوودا هیچ کێشە و گرفتێک نەهاتوەتە پێشەوه و کۆنگرە زۆر بەباشی بەڕێوەچووە.[5]
- بە ئامادەبوونی نوێنەری زانکۆکانی #هەولێر# و ڕێکخراوە مەدەنییەکان، ئەمڕۆ لە هۆتێل دیدمان لە شاری هەولێر، یەکەمین دیداری زانکۆکانی هەولێر کە لەلایەن ڕێکخراوی چاوی زانکۆ سازکرابوو بەڕێوەچوو. دیداری زانکۆکانی هەولێر، لە شاری هەولێر بە پشتیوانی سندوقی نیشتمانی ئەمریکی بۆ دیموکراسی بەڕێوەدەچێت، بڕیاریشە لە داهاتوودا دیداری هاوشێوە لە شاری #سلێمانی# بەڕێوەبچێت.[3]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/374871/0025.JPG=KTML_ImageCaption_Title=پڕۆسەی دەنگدان لە کۆنگرەی 4ەمی یەکێتی=KTML_ImageCaption_CaptionStyle=000000=KTML_ImageCaption_Caption=پڕۆسەی دەنگدان لە کۆنگرەی 4ەمی یەکێتی=KTML_ImageCaption_End=
- ئەمڕۆ لە بەردەم بەڕێوبەرایەتی پەروەردەی گشتی #گەرمیان#، لە شارۆچکەی #کەلار#ی ناوەندی ئیدارەی گەرمیان، مامۆستایانی وانەبێژ، دژی دانەمەزراندن و بە هەمیشەیی نەکردنیان گردبوونەوەیەکیان ئەنجامدا و داواکارییەکانیان خستە ڕوو.[3]
- دەرچوانی زانکۆ و پەیمانگاکان بە مەبەستی ئاشکراکردنی ناوی دامەزرێندراوەکان جارێکی دیکە لەبەردەم پەروەدەی #کەرکووک# خۆپیشاندانیان ئەنجامدا، بەڕێوبەری پەروەدەی کەرکووکیش دەڵێت: لەم هەفتەیەدا ناوەکان ئاشکرا دەکرێت.[3]
- #لاهور شێخ جەنگی# ڕایدەگەیەنێت ئێستا بەرەی سەرەکی چەکدارانی #داعش# زنجیرە چیاکانی #حەمرین#ە و شارەزاییان زیاترە و مەترسیشیان لە ڕێکخراوی قاعيدە زیاترە و ئەگەر دۆخەکەش وا بڕوات داعش لەساڵی 2020دا باشتر خۆیان ڕێکدەخەنەوە.[5]
- ئێوارەی ئەمڕۆ لە ئێوارە یادێکدا بەهاوکاری ماڵی سۆفی کەریم، ناوەندی ڕۆشنبیری سارا، کۆمەڵەی هونەرمەندانی کوردستان، دەنگی ڕەسەنی کوردی هونەرمەندی کۆچکردوو، #محەمەدی ماملێ# بەبیرهێنرایەوە.[3]
- یاداشتنامەی هەماهەنگی و هاوکاری لەنێوان دەستەی گشتی گومرگەکانی ئێران و گومرگی هەرێمی کوردستان، لە لایەن میر ئەشرەفی، بریکاری وەزیری دارایی و ئابووری و سەرۆکی گشتی گومرگەکانی ئێران و ساماڵ عەبدورەحمان، بەرێوەبەری گشتی گومرگەکانی هەرێمی کوردستان لە تارانی پایتەختی ئێران واژۆ کرا.[2]
$رۆژئاوای کوردستان$
- گروپە چەتەکانی سەمەرکان کە سەر بە دەوڵەتی تورکی داگیرکەرە، لە گوندی ئاشکان-ی سەر بە ناوچەی جندرێس، دوو هاوڵاتیان ڕفاند بە ناوەکانی محمد کەماڵ عومەر و عبدۆ کەماڵ عومەر. هەروەها لە گوندی ئانقەلی سەر بە ناوچەی شییێ-ی سەر بە #عەفرین#یش دوو هاوڵاتی دیکە ڕفێنران بە ناوەکانی ڕەشید جەرکۆ و محمد جەرکۆ.[4]
$دەرەوەی کوردستان$
- شاندێکی پێشمەرگەی کوردستان بەسەرۆکایەتی عەزیز وەیسی، فەرماندەی هێزەکانی زێرەڤانی بە فەرمی بانگهێشتی پاریس کراون و لە ڕێوڕەسمێکدا لەگەڵ هێزی سەربازیی فەرەنسا ئاگری سەرکەوتنیان لەسەر مەزاری سەربازی ون کردەوە.[6]
- بەگوێرەی هەواڵی میدیا عێراقییەکان کە لە زاری سەرچاوەیەکی سیاسی نزیک لە سەرۆکایەتی کۆمارەوە بڵاوکراوەتەوە، #بەرهەم ئەحمەد ساڵح# سەرۆک کۆماری عێراق هەڕەشەی دەست لەکارکێشانەوەی کردووە، ئەگەر گوشاری زیاتری بخرێتەسەر، بۆ ڕاسپاردنی کاندیدێکی سەرۆک وەزیران، کە دژی خواستی خۆپیشاندەران بێت.[2]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/374871/0011.JPG=KTML_ImageCaption_Title=پێشمەرگە ئاگری سەرکەوتن لەسەر مەزاری سەربازی ون لە پاریس دەکاتەوە=KTML_ImageCaption_CaptionStyle=000000=KTML_ImageCaption_Caption=پێشمەرگە ئاگری سەرکەوتن لەسەر مەزاری سەربازی ون لە پاریس دەکاتەوە=KTML_ImageCaption_End=
- کوردانی فەیلی لە گۆرەپانی تەحریر خێوەتێکیان داناوە و داوا دەکەن کە کۆتای کورسی پەرلەمانیان بۆ زیاد بکرێت لە یەک کورسیەوە بۆیان بکرێت بە سێ کورسی و دابەش بکرێت بەسەر شارەکانی بەغدا, دیالە و کوت. ئەمەش لە کاتێکدایە کە کوتلە شیعیەکان هەواڵی ئەوەیان دەدا ئەو کورسیە کۆتایەش کەم بکەنەوە و بە هاوبەشی بیدەن بە کوردانی ئێزیدی و فەیلی، فراکسیۆنە کوردیەکانیش ئەوەیان ڕەتکردەوە.[2]
- پۆلیسی یۆنان ڕایگەیاند ئوتۆمبێلێکی دیبلۆماسی تورکیا لە یۆنان سوتێنراوە، ڕووداوەکەش هاوکاتە لەگەڵ ئەو بارگژییە توندەی کەوتۆتە نێوان وڵاتی تورکیا و یۆنان، کە هەردووکیشیان ئەندامن لەپەیمانی باکووری ئەتڵەسی (#ناتۆ#).[5]
کوردیپێدیا، ڕۆژانە بێلایەنانە مێژووی کوردستان تۆماردەکات...
Kronolojiya bûyeran