$باکووری کوردستان$
- دەوڵەتی فاشیستیی ئاکەپە – مەهەپە دەستیگرت بەسەر شارەوانییەکانی #هەدەپە# لە ئێلح، #فارقین#، لیجە و ئەرخەنی دا و لە بەردەوامیی ئۆپراسیۆنی پاکتاوی سیاسیی لە دژی گەلی کورد ناشیدە تۆپراک هاوسەرۆک شارەوانیی فارقین و ئەحمەد کایا هاوسەرۆک شارەوانیی ئەرخەنیی دەستگیرکرد. پۆلیسەکانی دەوڵەتی تورک بینای شارەوانییە دەستبەسەردا گیراوەکانی هەدەپەیان گەمارۆداوە و ڕێگا بە هیچ کەس نادەن بچێتە ناو بینای شارەوانییەکانەوە.[1]=KTML_Quote_Begin==KTML_Style=width:35%;float:right;=KTML_Quote_Icon=🦠=KTML_Quote_Content==KTML_Bold==KTML_Red=هەموو دنیا لە خەمی ڕێگریی ڤایرۆسی کۆڕۆنایە، تەنها تورکەکان نەبێت خەریکی بۆردوومانی کورد و لە خەمی گرتنی ئەندامانی هەدەپە-دان!=KTML_End==KTML_End==KTML_Quote_End=
- لە ئێلح هێزەکانی پۆلیس هەڵیانکوتایە سەر ماڵی سەرهات بایک کە ڕۆژنامەی یەنی یاشامی بڵاودەکردەوە. لە ئۆپەراسیۆنی قڕکردنی سیاسیدا کۆمپیتەری بایک دەستیبەسەرداگیرا. سەرهات بایک بۆ بەڕێوەبەرایەتی پۆلیسی ئێلح گواسترایەوە.[1]
- دەستەی بەڕێوەبەرایەتی ناوەندی هەدەپە لەبارەی دەستگیرکردنی هاوسەرۆکی شارەوانیەکان و ئۆپەڕاسیۆنی قڕکردنی سیاسی ڕاگەیەنراوێکی بڵاوکردەوە. لە ڕاگەیەنراوەکەدا ئاماژە بەوەکرا، ئێمە ئەو هەوڵە نامەردانانە شەرمەزار دەکەین کە لە کاتێکدا هەموو جیهان لەدژی نەخۆشیەک تێدەکۆشێت، بەڵام دژایەتی گەلی کورد دەکرێت. هەدەپە داوای لە گەل کرد، بە هێزی خۆیان و بە شێوەیەکی دیموکراسیانە هەموو ڕۆژێک کاتژمێر 20:00 لە پەنجەرە و باڵەکۆنەکانیان چالاکی شەرمەزارکردن ئەنجام بدەن.[1]
- بە بیانۆی ئەندامێتی ڕێکخستنی #پەکەکە# پۆلیسی تورک هەڵیانکوتایە سەر ماڵی #بەلگین دیکەن# هاوسەرۆکی شارەوانی یەنیشەهیری #ئامەد# و دەستگیریان کرد و بۆ بەڕێوەبەرایەتی پۆلیسی ئامەد گواسترایەوە.[1]
- #وەزارەتی ناوخۆ#ی دەوڵەتی تورک قەیومی لە پۆستی هاوسەرۆکی شارەوانی ناوچەی نۆرشینی بەدلیس جێگیر کرد. هێزەکانی پۆلیسی ڕژێمەکەی ئاکەپە باڵەخانەی شارەوانیەکەیان گەمارۆدا و هەڵیانکوتایە سەری و دەستیان بە گەڕان پشکنین کرد. محمد فورکان سانجاکتار قائیمەقامی قەزاکە، لە پۆستی حیکمەت تاشدەمیر و دیلەک ئۆزان هەر دوو هاوسەرۆکی شارەوانی نۆرشین جێگیر کرا. هاوکات ڕژێمی ئاکەپە دەستی بەسەر شارەوانی شارۆچکەی گوکچەباخی سەر بە پارێزگای سێرتیشدا گرت. سەرحاد چیچەک هاوسەرۆکی شارۆچکەی گوکچەباخی هەدەپەش دەستگیر کرا و ئیحسان ئەمرە ئایدن قەیمەقامی ناوچەی مسرجە لە پۆستەکەی جێگیر کرا.[1]
$رۆژهەڵاتی کوردستان$
- سەرۆکی زانکۆی پزیشکی پارێزگای #ورمێ# ڕایگەیاند: 27 کەس بەهۆی ڤایرۆسی کۆرۆنا له و پارێزگایە گیانیان لەدەستداوە.[3]
- سەرۆکی زانکۆی پزیشکی #سنە# ڕایگەیاند: تا ئێستا 28 کەس لە پارێزگای سنە بە هۆی ڤایرۆسی کۆرۆناوە گیانیان لەدەستداوە.[3]
- مامۆستا حشمەت مەنسووری شاعیر، تەنزپەرداز، نەقاش و پەیکەرتاشی شاری #ئیلام# لە تەمەنی 84ساڵیدا کۆچی دوایی کرد.[6]
$باشووری کوردستان$
- ئەمڕۆ فڕۆکە جەنگییەکانی دەوڵەتی تورک 3 جار دەڤەری نێروە و ڕێکان'یان بۆردوومان کردووە، کە دەکەوێتە سنووری پارێزگای #دهۆک#ەوە.[5]=KTML_Quote_Begin==KTML_Style=width:35%;float:right;=KTML_Quote_Icon=🦠=KTML_Quote_Content=📌 12 تووشبوو لە هەولێر و 10 تووشبووی تری کۆڕۆنا لە سلێمانی ڕاگەیەندرا!
📌 شارۆچکەی دەربەندیخان و گوندی سێبیران لە سنووری پارێزگای هەولێر کەرەنتینە دەکرێن!=KTML_Quote_End=
- #وەزارەتی تەندروستی#ی هەرێمی کوردستان نوێترین ئاماری تووشبووانی لە هەرێمی کوردستان بڵاوکردەوە و 12 تووشبووی نوێی لە شاری #هەولێر# بە ڤایرۆسی کۆرۆنا ڕاگەیاند.[2]
- #وەزارەتی تەندروستی#ی هەرێمی کوردستان دەرئەنجامێکی نوێی پشکنینی بۆ گومانلێکراوانی کۆرۆنا ڕاگەیاند، لە دەرئەنجامەکەی وەزارەتی تەندروستیدا ئاماژە بەوەکراوە، کە 10 توشبووی تریان لە پارێزگای #سلێمانی# دەستنیشان کردوە. دوو کەسیان دانیشتوی شاری سلێمانین و 7 کەسی تریشیان دانیشتوی شارۆچکەی #دەربەندیخان#ن و یەک کەسیشیان دانیشتوی شارۆچکەی #چەمچەماڵ#ە.[1]=KTML_Photo_Begin=https://www.kurdipedia.org/files/relatedfiles/2020/378317/0009.JPG=KTML_Photo_Alt=لە تۆڕە کۆمەڵایەتییەکانەوە: 23-03-2020=KTML_Style=width:25%;height:20%;float:left;=KTML_Photo_Target_Link=https://www.kurdipedia.org/files/relatedfiles/2020/378317/0009.JPG=KTML_Photo_End=
- گوتەبێژی پۆلیسی سلێمانی ڕایگەیاند، تاوەکو ئێستا شەش تووشبووی کۆرۆنا دەستگیرکراون کە ئامادەنەبوون بچنە کەرەنتینە. تەندروستیی سلێمانیش دەڵێت: ژمارەیەک تووشبووی کۆرۆنا لە ئێرانەوە گەڕاونەتەوە و ئێستا دەسووڕێنەوە.[2]
- بەپێی دوایین ئامار، کە وەزارەتی تەندروستی بڵاویکردووەتەوە، ژمارەی توشبوانی ڤایرۆسی کۆرنا لە هەرێمی کوردستان بۆ 76 حاڵەت بەرز بووەتەوە.[1]
- وەزیری تەندروستیی هەرێمی کوردستان داوا لە هاونیشتمانییانی شارۆچکەی دەربەندیخان و گوندی سێبیران لە سنووری پارێزگای هەولێر دەکات لە ماڵەکانیان نەیەنەدەرەوە و هەر کەسێکیش بەرکەوتنی لەگەڵ تووشبووەکان هەبووە خۆیان بدەنە دەست تیمەکانی تەندروستی بۆ پشکنینی تاقیگە.[2]
- بەگوێرەی ئامارێکی فەرمی بەڕێوەبەرایەتی گشتی هاتووچۆی هەرێم، لەماوەی هەشت ڕۆژی ڕابردوودا لە شار و شارۆچکەکانی هەرێمی کوردستان زیاتر لە هەشت هەزار بەڵگەنامەی شۆفێری دەستی بەسەردا گیراوە و پتر لە 2 هەزار سەرپێچی تۆمارکراوە و نزیکەی 400 ئۆتۆمبێلیش دەستی بەسەردا گیراوە.[4]
- وەزیری کشتوکاڵ داوا داوا لە خاوەنکاران و جوتیاران و خاوەن پرۆژە کشتوکاڵیەکان و کۆمپانیاکانی کشتوکاڵی دەکات بۆ ئەوەی فۆڕمی ڕێگە پێدانیان بۆ پڕبکرێتەوە بەڕێوبەرایەتییەکانیان لەهەموو شارو شارۆچکەکان لە ئەرکدان بۆ کارئاسانی و هاوکاریان و دەتوانن پەیوەندیان پێوە بکەن تاکو کارەکانتان نەوەستێت.[3]
- بەرەبەیانی ئەمرۆ چەکدارانی #داعش# لە نزیک کێڵگە نەوتییەکانی #کەرکووک# لە باشووری ئەو شارە، هێرشیان کردووەتە سەر پۆلیسی فیدڕاڵی عێراق و شەڕ و پێکدادانێکی زۆر لە نێوانیاندا ڕوویداوە، بەڵام زیانەکان نەزاندراون. هەروەها داعش بارەگایەکی سەربە پۆلیسی فیدراڵییان لە نزیک کێڵگە نەوتی خەبازە بۆردومان کردووە، لە ئەنجامدا پۆلیسێک بریندار بووە.[4]
- دۆخی ئەمنیی #خورماتوو# نائارامە و ناوبەناو بەشێوازی جیا جیا هێرشی دەکرێتە سەر، هەندێک لە بەرپرسانی تورکمان کورد بە تێکدانی دۆخەکە تۆمەتبار دەکەن، هەروەها #حەشدی شەعبی#'یش داعش تاوانبار دەکات، بەپرسێکی کوردیش دەڵێت: ئەوەی دۆخی خورماتووی تێکداوە ململانێی گروپە چەکدارە تورکمانەکانن.[5]
$رۆژئاوای کوردستان$
- بە مەبەستی پێشگرتن لە تەشەنەسەندن و بڵاو بوونەوەی ڤایرۆسی کۆرۆنا بەرێوبەرایەتی خۆسەری باکوور و ڕۆژهەڵاتی سوریا قەدەغەی هاتوچۆی لە کاتژمێر 6 ئەم بەیانیەوە تا کاتێکی نادیار ڕاگەیاند.[1]
$دەرەوەی کوردستان$
- فەخرەدین کۆجا وەزیری تەندروستیی تورکیا ڕایگەیاند، لە 24 کاتژمێری ڕابردوودا 9 کەسی تر لە تورکیا بەهۆی ڤایرۆسی #کۆرۆنا#وە گیانیان لەدەستداوە. بەوەش ژمارەی ئەو کەسانەی بەهۆی ئەو ڤایرۆسەوە لە تورکیا گیانیان لەدەستداوە گەیشتە 30 کەس.[1]

ڕاگەیاندراوی وەزارەتی تەندروستی
ژمارە (27)
سەبارەت بە نەخۆشی ڤایرۆسی کۆڕۆنای نوێ COVID-19 لە هەرێمی کوردستان، تیمەکانی تەندروستی بۆ دۆزینەوە و پشکنینی گومانلێکراوانی هەڵگری ئەم ڤایرۆسە ڕۆژانە بەردەوامن بەمەش:
1. ژمارەی هاوڵاتیان کە لە کەڕەنتینەکان بوون (4671) هاوڵاتین لە (26) شوێنی جیاواز، لەئێستادا تەنها (1573) هاوڵاتی لە کەرەنتین ماونەتەوە (787) لە #هەولێر#، (339) لە #سلێمانی#، (298) لە #دهۆک#، (38) لە هەلەبجە، (32) لە #گەرمیان#، (54) لە ڕاپەرین، (25) لە کۆیە وە (3098) هاوڵاتی لە کەرەنتین دەرچوونە و گەڕانەوە ناو خانەوادەکانیان دوای تەواو بوونی ماوەی دوو هەفتە لەگەڵ کەڕەنتین کردنی ژمارەیەکی تری ئەمڕۆی کەرەنتین کراو کە کۆی گشتی بریتی بوو (78) هاوڵاتی.
2. لەماوەی 24 کاتژمێری ڕابردوو (327) پشکنین وەرگیڕا، کە (203) لە شاری هەولێر و (96) لە شاری سلێمانی و (28) شاری دهۆک.
دەرەنجام (9) تووشبووی نوێ تۆمارکرا بەم شێوەیەی خوارەوە:-
• پارێزگای هەولێر لە کۆی (203) پشکنین (72) نیگەتیڤ بوو وە (131) پشکنین ماوە لە کاتژمێرەکانی داهاتوو دەردەچێت.
• سنووری پارێزگای سلێمانی (8) پۆزەتیڤ، کە(5) پیاو و (3) ئافرەت، لە نێویاندا پیاوێک بەهۆی نەخۆشیەکی کوشندەی درێژخایەن دوای گیانسپاردنی پشکنینەکەی پۆزەتیڤ دەرچوو.
• پارێزگای دهۆک (1) ئافرەت پۆزەتیڤ.
3. کۆی گشتی هەڵگرانی ڤایرۆسی کۆڕۆنای نوێ COVID-19 لە هەرێمی کوردستان (85) تووشبووە، لەنێویاندا (2) مردن هەیە و (22) نەخۆش بەتەواوی چاکبووەتەوە، و ئەوانی تر هەموویان لەژێر چاودێری پزیشکی دان.
وێڕای دەستخۆشی بۆ تیمەکانی وەزارەتی ناوەخۆ و تیمەکانی پزیشکی کە لە کاردان وە تکا دەکەین هاوڵاتیان بە هیچ شێوەیەک نەیەنە دەرەوە لە ماڵەکانیان وە پابەندبن بە ڕێنماییەکانی تەندروستی و لە ماڵەکانیان بمێننەوە و نەیەنە دەرەوە و بەرکەوتەی کەسی تر نەبن وە لە کاتی پێویستدا پەیوەندی بکەبن بە هێڵی گەرمی ژمارە (122).
وەزارەتی تەندروستی
حکومەتی هەرێمی کوردستان
#23-03-2020#

بۆ/ هەموو یەکە کارگێڕیی و فەرمانگە پەیوەندیدارەکانی سنوری پارێزگای سلێمانی
بابەت/ گشتاندن
لیژنەی باڵای ئۆپراسیۆنەکانی پارێزگای سلێمانی بۆ بەرەنگاربوونەوەی کۆرۆنا، ئەمڕۆ دوای گفتوگۆکردن لەگەڵ لایەنە پەیوەندیدارەکاندا بڕیاریدا:
１- هەموو کۆنگرەیەکی ڕۆژنامەگەریی لە هەموو دامودەزگاکانی سنوری پارێزگای سلێمانی و یەکە کارگێڕییەکاندا لە ئەمڕۆوە قەدەغەیە، پێویستە لێدوان و ڕاگەیاندن و پەیامەکان لەڕێی ڕاگەیەندراوی نووسراوەوە بڵاوبکرێنەوەو لەکاتی زۆر پێویستیشدا، (بەپێی ڕێکەوتنی کەناڵەکان)؛ لەلایەن کەناڵی کوردساتەوە ڕاستەوخۆ بۆ هەموو کەناڵەکان (بەبێ لۆگۆ) دەگوێزرێتەوە.
2- لە سبەینێ (24/ 3/ 2020)ەوە، بازاڕی دراوی سلێمانی بۆ حەواڵەکردن دەکرێتەوە لە سەعات (11)ی بەیانی بۆ سەعات (3)ی پاش نیوەڕۆ، بەپێی ئەو بەرنامەیەی لەلایەن لایەنە پەیوەندیدارەکانەوە دیاریکراوە.
3 - دوای ڕەزامەندی نووسراوی بەڕێوەبەرایەتی گشتی کشتوکاڵ و ئاودێری پارێزگای سلێمانی، هەفتانە ماوەی (48) سەعاتی بەردەوام، دەدرێت بە هەر خاوەنی کێڵگەیەکی پلاستیکی کە ئێستا لەکاردا بێت بۆ گواستنەوەو چاندنی شەتڵەکانیان.
４ -بەپێی پلان و ڕەزامەندیی نووسراوی بەڕێوەبەرایەتی گشتی کشتوکاڵ و ئاودێری پارێزگای سلێمانی، ڕۆژانی سێشەممەو پێنجشەممەی هەر هەفتەیەک لە سەعات (11)ی بەیانی بۆ (3)ی پاش نیوەڕۆ، بەپێی لیستی دیاریکراو ڕێگا بە کردنەوەی کۆمپانیاو نووسینگە کشتوکاڵییەکان دەدرێت بەشێوەی دلیڤەری پێداویستیەکان بگەیەننە کێڵگەکان.
5- جوڵەی بازرگانیی لە دەروازە نێودەوڵەتییەکانەوە بەردەوام دەبێت و پرۆسەی دابەشکردنی خۆراک و پێداویستیەکان بەسەر مارکێت و دوکانەکاندا بەپێی ڕێنماییەکانی پێشوو بەردەوام دەبێت و چاودێری وردی نرخ و کوالێتی و قەبارەی خستنەڕوویان دەکرێت لەلایەن لیژنەی قائیمقامیەتی یەکە کارگێڕییەکانەوەو سەرپێچیکار سزا دەدرێت.
لەگەڵ ڕێزدا...
د.هەڤاڵ ئەبوبەکر
پارێزگاری سلێمانی
#23-03-2020#