=KTML_Bold=Navenda Çand û Huner a bajarê #Amûd# ê =KTML_End=
Dîlan Mulhim\#Qamişlo#

Navenda Çand û Hunerê ya bajarê Amûdê bi armanca pêşxistina xebatên çandî û hunerî di dawiya sala 2012’an de hate avakirin û di navendê de gelek kom jî cihê xwe digrin.
Li her derê cîhanê mirov bi çand, huner û nasnameya xwe tê naskirin û xuyakirin. Lê pêkhateyên li Bakur û Rojhilatê Sûriyê jiyan dikirin, bi taybet gelê kurd ji ber qedexeya li ser çand û hunera wan, ji xebatên çandî û hunerî hatibûn dûrxistin û xebatên ku dihatin kirin jî bi rengekî veşartî dihatin meşadin. Herçiqasî zextên desthilatdaran li ser çand û hunerê hebûn jî, lê gelê kurd heta astekê hebûna çand û hunera xwe parast. Bi çiroska şoreşê re pêşketin di hemû daqan de pêkhat. Yek ji qadên herî bi bandor û xwedî rol di belavkirina ruhê şoreşgerî de qada çand û huner bû.
Di derbarê xebat û pirojeyên navenda #Çand û Huner# a bajarê Amûdê, endama koma Agirî Lîlav Mensûr ji Rojnameya me re axivî.
=KTML_Bold=Kar û xebatên navenda Çand û Huner a bajarê Amûdê=KTML_End=
Lîlav Mensûr da zanîn ku navenda Çand û huner a bajarê Amûdê bi armanca pêşxistina xebatên çandî û hunerî di dawiya sala 2012’an de hate avakirin û wiha got: “Kar û xebatên navenda Çand û Hunerê ya bajarê Amûdê di asteke baş de têne meşandin. wek navenda çand û hunera Amûdê em gelek xebatên pîroz didin meşandin û bi hemû şahiyên li bajarê Amûdê radibin û komên me piranî erkên ku dikevin ser milê wan di van şahiyan de pêktînin. Di heman demê de, gelek kom cihê xwe di nava navenda çand û huner a bajarê Amûdê de digrin.”
=KTML_Bold=Gelek kom cihê xwe di navenda Çand û Huner a bajarê Amûdê de digrin=KTML_End=
Lîlav axaftina xwe wiha berdewam kir: “Di nava navenda Çand û Huner a bajarê Amûdê de, gelek kom cihê xwe digrin, mîna koma Şehîd Rîhan a Dayîkan û di nava vê komê de nêzî 20 dayik cihê xwe digrin. Ev dayik da ku kevneşopiyên bajarê Amûdê û herêmê winda nebe, her di nava kar û xebatê de ne. Herwiha Koma şehîd Rîhan jî vê erkê pêktîne û ew komeke xweser e. Koma Agirî gelek berhemên wê hene û ew duyemîn koma ku Rêber Apo avakiriye. Beşê yekem ê koma Agirî li Helebê ye û li Amûdê jî Koma Agirî kar û xebatên xwe dide meşandin.”
Endamên koma şehîd Agirî ji destpêka şoreşê ve cihê xwe di nava kar û xebatê de digre û nêzî 13 endamên xwe hene; ev kom her û her li pêş dikeve û di heman demê de bi stranên xwe navdare. Koma Agirî di destpêka şoreşê de bi hemû rola xwe radibû, lê niha piraniya xwe di nava muzîkê de cih digirin, ji ber ku niha beş hatine berfirehkirin. Koma şehîd Delîla ya xweser jî, endamên wê di navbera 10 heyanî 15 endaman e. Koma wêne jî 20 şagirtên xwe hene. Koma şehîd Yusra ya Şano ew jî xweser e, bi kar û xebatên şanoyê ve mijûl dibe. Koma Şehîd Mizgîn a Dîlanê ya giştî jî cihê xwe di nava çand û hunera bajarê Amûdê de digir e. Ev kom jî koma govendê pêk, 6 jin û 6 mêr cihê xwe têde digrin.
Endama koma Agirî Lîlav Mensûr axaftina xwe wiha bi dawî kir: “Di vê salê de zarokên li gel me tevlî Festîvala zarokan a li bajarê Rimêlanê bûn. Herwiha koma Şehîd Rîhan a dayîkan, tevlî festîvala Şehîd Ronahî ya bajarê Qamişlo bû. Herwiha wê di meha kanûnê de festîvala Orkêş ya girêdayî koma muzîkê were lidarxistin, komên me jî wê tevlî bibin. Banga min ew e, ku civak û bi taybetî ciwan xwedî li çand û hunera xwe derkevin, ji ber ku civak bi çand û hunera xwe tê naskirin.” [1]