Serhildana #gelê kurd# pilanên faşîzmê dirûxîne

Maskayên faşîzma Tirkiyê li Bakurê Kurdistanê têne rakirin û careke din rûyê rastî derdikeve holê. Li Bakurê Kurdistanê piştî serkeftina gelê kurd û destxistina şaredariyan bi îradeyab xwe, faşîzma AKP- MHP ê ji bo têkbirina vê îradeyê ji 4 ê Mijdarê ve dest datîne ser şaredariyên gel.
Zana Roj/ Şehba
Hikumeta faşîst ya AKP- MHP ê ji 4 Mijdarê ve li Bakurdê Kurdistanê dest danîne ser şaredariyên gel yên bajarê Mêrdîn, Êlih û navçeya Xelfetî ya Rihayê û qeyûm li şaredariyan feriz dikin. Bê guman ev ne care yekê ye ku faşîzma Tirkiyê van pilanan pêk tîne, ji ber ne bi sîstemên hilbijartin û ne jî bi îradeya gel Faşîzma AKP- MHP ê rêzê nagre û ger bi tundiyê be wê hewil bide serweriya xwe di nava gelê Kurd de mayînde bike. li hember vê yekê tavahî gelê Kurd bi bakurê Kurdistanê û Tirkiyê de di qadên xwepêşandanê de ne û serî li hember qeyûma dewletê rakirine û heyanî niha jî gelê welatparêz li qada ne û bi mafê îradeya gelan beng dikin. Têkildarî geşedanên ku di Bakurê Kurdistanê de têne kirin de Endamê Partiya Yekîtiya Demokrat PYD Îlham Mihemed ji rojnameya me re axivî.
Osmaniyên dîktator nayên guhartin
Îlham di destpêkê de bal kişand ser rastiya Hikumeta AKP- MHP ê û wiha got: “Her kes dizane ku dewleta Tirkiyê dewletekî faşîste û bi tu awayî nikare vê yekê feşêre. Hikumeta AKP-MHP ê ji bo vê yekê ters bidin nîşandan ji pêkhate, partiyên di nava xwe de û ji dewletên derdor re, sîstema hilbijartinê ya ku divê tê de îradeya gel bingeh be birêxistin dike. Faşîzma Tirkiyê tu carî îradeya gelan di sîstema xwe ya dîktatur de esas nagere. Ji bo mayîndebûna xwe hemû pilan û lîstûkên qirêj dide kirin. Bi taybet di herêmêm Bakurê Kurdistanê de Faşîzma Tirkiyê bi hemû rê û rêbazên şerê tabet û tundiyê tu carî rê nade ku îradeya gel di hilbijartinên herêmê de biser bikeve. Em vê bi gelemperî derbarê siyaset û armanca Erdoxan de dibêjin, Erdoxanê ku xwe li ser hebûna hukmê Osmaniyan yê dictator avakiriye, bê guman wê rê ji tu rengên demokrasiyê re veneke”.
`Maskeyên demokrasiya sexte rabûn`
Îlham anî ziman ku ji mafê gel e ku dengê xwe bide partiyên xwe û wiha got: “Di Tirkiyê de gelek partî hene ku ji mafê gel e ku dengê xwe bidin wan û wan ji xwe re esas bigrin di parlementeya Tirkiyê de jî zêdetirî %50 î ev partî cihê xwe tê de digrin. Di Hilbijartinên dawiyê de me dît ku di herêmên Kurdan de Dem Partî bi dengê gelê Kurd di gelek bajarên mezin de bi ser ket, di van hilbijartinan de faşîzma Tikiyê hêza îradeya gelê Kurd û yên azadîxwaz dît û nikarî lîstûkên xwe bixe navde. Her wiha ev hilbijartin bû wesîleya ku gelê Kurd di bakurê Kurdistanê de yekbûna îradeya gelan ji faşîzmê re îsbat bike û bi ser ketin. Em ji bîr nekin ku ji ber fêlbaziyên wan tu fayde lê nekirin çawa xwestin navenda şaredariya gel ya Wanê hedefbigrin û talankirin, lê dîsa jî gel ew têkbirin û şaredariyên xwe bi îradeya xwe birêvebirin. Niha jî di encama gelek binkeftinên ku jiyankirine de rastiya rûyê Hikumeta AKP- MHP ê derkete holê û maskeyên demokrasiya sexte rabûn.”
Destdanîna ser îradeya gelan
Îlham di berdewamiya axaftina xwe de ev anî ziman: “Faşîzma Tirkiyê ji cend rojan ve hemû navendên şaredariyên gel di Bakurê Kurdistanê de hedef digire û dixwaze wan şeradariyan ji destê gelê herêmê bigire, bê guman ev nayê qebûl kirin ji ber ev yek di encama îradeya gelan di hilbijartinan de derketiye. Faşîzma Tirkiyê me got ku di encama gelek pilanên binkeftî de van gavan pêş dixîne, yek ji wan jî hilweşîna ku di nava xwe de jiyan dike ye, her wiha banga wî ji tevlîbûna Rêber Abdullah Ocalan ji perlamanê re ya ku bi pilanên li gor xwe hatiye pêşxistin de û ev yek nehat bicih kirin. Ê divê hin siyasetên destdirêjiyê û tundiyê weke her car li ser gelê Kurd biteysîne ew jî bi destdanîna ser cihê îradeya gel navendên şaredariyan bû.”
Bi hev re xwedîderketina li hebûn û îradeya xwe
Îlham di dawiya axaftina xwe diyar kir ku sekna gel pîroz e û wê faşîzim têk biçe û wiha got: “Di van çend rojan de faşîzma Tirkiyê gelek parlementer di Bakurê Kurdistanê de binçavkirine û rê li ber xwepêşandanên gel digire. Em dibînin ku ev pêngav ne weke pêngavên din e, çawa ku gelê Kurd di hilbijartinan de biserket, niha jî careke din gelê Kurd yekbûna xwe di hemû Tirkiyê û Bakurê Kurdistanê de îsbat dike. hemû gelê me li qada ne û li hember biryarên faşîzmê derketine meydanê. Ev yek nîşaneya serkeftina îradeya gelê me yê Bakurê Kurdistanê ye. Ji lewra wê hikumeta AKP- MHP ê ji îradeya gel bitirse, Dema mafê gelan biser dikeve helbet wê faşîzim bitirse û li hember wan weke gurekî har tevbigere.
Em jî weke gelên Bakur û Rojhilatê Sûriyê serhildan û xwepêşandana gelê Kurd di Bakurê Kurdistanê de pîroz dibînin û silav dikin. Em bi wan re ne û emê li hember dijmin bibin mertal da ku îradeya xwe û hebûna xwe biparêzin. Li ser vî esasî serhildana gelê Bakurê Kurdistanê serhildana me ye û emê xwedî li vê pêngavê derkevin.”[1]