Şoreşa Rojavayê #Kurdistanê# û Cihê Wê Di Dîrokê De.
Pêşeroj Cewherî

Heke miletê Kurd, îro bixwaze xwe binase û pêşerojeke geş ji bo xwe ava bike, pêwîst e li kûrahiya dîrokê bi şêweyekî hûr û kûr li xwe bigere,ta ku rewşa xwe di dîrokê de destnîşan bike û cihê xwe bizane.
Di pêvajoya lêgerînê de dibe ku ji serboriyên gelan qezenc bike,lê tu caran nabe bi çavê kesekî din, ango ji bilî çavên xwe li xwe binêre. Ji ber ku kesek nêrîna xwe ji bo kesekî din bikar nayne.Di vê xalê de cara yekemîn gelê Kurd di şaştiyê de werbû.
Gelê Kurd di dîrokê de weke herdû çemên xwe, Dicle û Feratê bi xumxum diherikî û her kesî av jê vedixwar. Ev gel îro çima dike bimiçiqe?
Di kîjan qonaxa dirokê de me xwe radestî gêleşoka kor û enarşiyê kir?
Bi rastî tev ku nîvê pirsan bi xwe bersiv e, lê li ser pirsên navborî bersiv bi şêweyekî rasterast nayê dan, belê bi şêweyekî berfirehî û lêvekolî şîrove dibe.
Li ser xaka vî welatî, cara yekemîn şoreşa Homosabyans destpê kir û tîrêjên mirovê aqilmend şewqa xwe da cîhanê, her wiha Niyolotîk ku 12000 sal B.Z de di heman welatî dehat destpêkirin, û mirovahî ta niha ji berhemên vê şoreşê jiyana xwe didomîne, şoreşa ku li ser destê jina Kurd-Xwedawenda Star dihat birêvebirin, û bi vî awayî welatê Kurdistan bû navenda şarestaniya kevnar, mîna Ewrupa ku îro bûye navenda şaristaniya sermayedar, ku hemî cîhan êş û azaran jê dibîne bûye bela serê mirovahiyê.
Wisa xuya dike ku dîrok her dem, li pênava armancên pak û pîroz ji gelê Kurd dixwaze, li ser navê mirovahiyê şoreşan pêk bîne û gelê Kurd jî vê bangê li ser milê xwe datîne, û hem erkên xwe bi cih tîne weke mirovekî erkedar.
Dîrok îro dîsa dixwaze gelê Kurd li ser navê mirovahiyê, şoreşa sêyemîn ava bike û berê bin axê, ya pergala netewa demokrat û xweseriya demokratî li Rojavayê Kurdistan pêk tîne, bi giyan û ramanekî komînal û mirovekî azadîxwaz, ya ku di pêşerojê de dê bibe nimûne ji bo tevayî Rojhilata Navîn.
Dema ez dixwazim herim dîrokê li xwe bigerim, armanca min ne bez û rev e, belê tiştê ne li gor dilê min li ser min hate sepandin û ferzkirin. Çima me ji bo her kesî kir û her kes bûn dijminê me?
Leşkerên Sovyetê çima ji Mehabadê xwe vekişand? Û Qazî Mihemed hat darvekirin, û li ser daxwaza Kemal Ataturk gelê Kurd, herêma Nexîtşivan- Komara sor- Li Asya Navîn Stalîn ew winda kirin, endamên komela Xoyebûn li ser daxwaza, haman rayedarê Tirk Stalîn ew yek bi yek tevgera wan bê çalak kir.Çima leşkerên Rûsya qeyserî piştî gihiştin Serhed û Erzirûmê bi alîkariya hêzên Kurd, dijî dewleta Osmaniyên dagirker,lê di dawiyê de xwestin gelê Kurd li wan herêman qir bikin, li ser daxwaz û pendên amûjgarên xwe yên Ermenî di sala 1912an de.
Çima Lênîn pêşengê Şoreşa Oktober yê, ku helbestvan û rewşenbîrên Kurd ew di helbest û berhemên xwe de sermed kirin, bû sîxurê dewleta Tirk dema peyamên rayedarên Kurdan mîna Simko yê Şikakî,Tahayê Nehrî û Ebdirezaq Bedirxan û Qeyserê Rûsî radestî dewleta Tirk kir û di encama vî karê qirêj de herdu lehengê Kurd Ebdirezaq Bedirxan ûTahayê Nehrî li ser destê Tirkan hatin darvekirin, lê Simkoyê Şikakî bi tenê xwe rizgar kir û berê xwe da nav Şikakan di Rojhilatê Kurdistanê di sala1918an de.
Em ji dîrokê re hê çi bibêjin!
Çima Yonanistan û Tirkiyê dijminahiya hezarê salan, li ser dîlgirtina Rêberê gelê Kurd hemû jibîr kirin. Gelê Kurd kengî û di kîjan qonaxa dîrokê de winda bû? Ango ji hundirê dîrokê derket.
Ez bawer nakim mirov karibe vê yekê destnîşan bike lê ez di wê baweryê de me ku mirov vê yekê dikare bi şêweyekî gelemprî şirove bike.
Miletê Kurd di xwezaya xwe de ya biyolojîk, û her wiha di xwezaya xwe ya cografî de jî, miletekî demokrat sincperwer e û ev yek di her sî şorşên wî de hatiye çespandin, Niyolotîk-Homosabiyans-Netewa Demokrat.
Ji ber vê çendê û bi van berjengan, ji hêla hovên dîrokê ve nehatiya pejrandin û dijminê wî pir bûne, ji xiniz û xiyanetê di nav Kurdan de peyde bûne.Kengî xiniziyê destpê kir.
Rêberê gelê Kurdî Ebdila Ocelan dibêje:” Xiniziyê ji serdema Someriyan ji 3500 B.Z destpê kir û ji Enkîdo bi xwe dema ku wî levayî ji Gilgamêş dikir Mîrê Kurd li Mezebotamiya Jorîn bikujin, piştî welatê wî dagir kirin”.
Belê ji Enkîdo, Xorpakos, Eşref Pedlîsî û Ismet Înono û ji yekîtiya siyasî destpê kir, dema ku ew gelaciya mezin li paytexta Rojava, Amûdê lidar xist berî kongira Cinêv-2, dema xwe ji Desteya Bilind a Kurd vekişand li ser daxwaza Dewleta Tirk û hin dewletên navnetewî, ku li ser doza miletê Kurd her dem pîlandar in.
Îro gelê Kurd li Rojavayê Kurdistanê rijdekar e, ku şoreşa xwe ya sêyemîn bighîne li ser rêgez û rêbazên Ramangerê Kurd Ebdela Ocelan hatiye avakirin, di çarçoveya felsefa Netewa Demokratîk-Eykolocî û ji aboriya komînal xwedan hevsengiyeke zayende û wekheviyeke civakî, ji ber ku azadiya jinê derbirîna azadiya civakê seranser dike.
Bi vî awayî şoreşa Rojava bi ser dikeve, ji ber ku rastbîniya xwe ya civakî, dîrokî û felsefî xweş dizane bi hemî hêman û nirxên giranbuha çekdar e.
Bi kurtayî cihê şoreşa Rojava di dîroka Kurdî de, şoreşa sêyemîn e, tekoşîna xwe li ser navê mirovahiyê dike.Berovjî nûjeniya sermayedar, ku li dijî hemî nirxên civak û mirovatiyê wêranker e.
Lewma piştî van lêkolîn û şiroveyan em dikarin tekez bikin, ku ev şoreşa sêyemîn dê bi ser bikeve, çimkî ji hemî layan û ji bo hemî derfetan xwe amade kiriye.
Bi wateyeke din hevsengiya hebûn-Derfet herdû bi dest xistine. civaka Kurd li Rojavayê Kurdistanê şoreşa xwe li ser kok û rastbîneyek dîrokî daye avakirin, û rola xwe bi şêweyekî kirek dilîze, lewra em dikarin weke şoreşa sererastkirina dîroka Kurd û cîhanê bi nav bike.[1]