سەرۆکی #حکومەتی هەرێمی کوردستان# لەمیانی پێشوازیکردنی لە هەڵسووڕێنەری باڵیۆزخانەی ئەمەریکا لە ئێراق، جەختیان کردەوە لەسەر ئەنجامدانی هەڵبژاردنی پەڕڵەمانی کوردستان لە کاتێکی گونجاوی ئەمساڵی 2024دا.
ئێوارەی ئەمڕۆ یەکشەممە (#02-06-2024#) #مەسرور بارزانی#، سەرۆکی حکوومەتی هەرێمی کوردستان، لە شاری #دهۆک#، پێشوازی لە دەیڤد بێرگر هەڵسووڕێنەری کارباری باڵیۆزخانەی ئەمەریکا لە ئێراق کرد.
لە دیدارەکەدا کە مارک ستڕۆ کونسولی گشتیی ئەمەریکا لە هەرێم ئامادە بوو، پەرەپێدانی پەیوەندیی دوولایەنە و دۆخی گشتیی ئێراق و گرنگیی چارەسەرکردنی کێشەکانی هەرێمی کوردستان و حکومەتی فیدراڵ لەسەر بنەمای دەستوور تاوتوێ کرا.
هەردوولا هاوڕابوون لەسەر پشتیووانیکردنی هەوڵەکان بۆ چارەسەرکردنی کێشەکانی هەولێر و #بەغدا# بەشێوەیەک کە ڕێز لە سیستەمی فیدراڵی ئێراق و قەوارەی دەستووریی و ماف و شایستە داراییەکانی هەرێمی کوردستان بگیرێت. لەمبارەیەوە سەردانی هەفتەی ڕابردووی سەرۆکی حکومەت بۆ بەغدا و دیدارەکانی لەگەڵ سەرۆک وەزیران و سەرکردەی هێز و لایەنە سیاسییەکانی ئێراق ، بە هەنگاوێکی ئەرێنی بە ئاڕاستەی چارەسەرکردنی کێشەکان بە شێوەیەکی بنەڕەتی هەڵسەنگێندرا.
هەروەها جەختکردنەوە لەسەر ئەنجامدانی هەڵبژاردنی پەڕڵەمانی کوردستان لە کاتێکی گونجاوی ئەمساڵی 2024دا، تەوەرێکی دیکەی کۆبوونەوەکە بوو. [1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 443 car hatiye dîtin
Raya xwe li ser vî babetî binivîsin!