(31) مین ساڵیاڎو تاوانە کەم وېنەکۍ ئەنفالی
ئارۊ، (14-04-2019) سی و یۆهەمین ساڵیاڎوو ئەنفالین. ئەنفال، ئا ژێنۆسایدە کەم وێنە بۍ کە (196) ڕوېش خواینا و هەشت قۆناخێش ویارای و (182000) زاڕۆڵێ و ژەنی و پیرێ و جوانش جە سارا چۆڵەکاو ئێراقی بە کۊمەڵ زینڎە بە چاڵ کەردێ. بکەروو ئی تاوانە گەورێ ڕژیمی فاشیتوو بەعسی بە ڕابەرایەتی سەدامی گۆڕبەگۆڕی بێ. بە پا ھەر پەنچ پێمانەکاو (Convention on the Prevention and Punishment of the Crime of Genocide) پەیماننامەو وەرگېری و بە سەزایاونای ژێنۆسایدی سەر بە نەتەوە یۆگېرتەکا (UN) ئی شاڵاوە بەڎنامۍ ملۆ چوارچېوەو تاوانەو ژێنۆسایدی. ژێنۆساید گەورەتەرین تاوانەنە کە وەراوەروو گلێرگەو مرۊڤایەتیوە کریاینە و کریۆ. جە بەشوو بە سەزایاونای بکەراو ژێنۆسایدی نە تەنیا بکەری سەرەکی ئی تاوانێ بە سەزا یاوۆ، بەڵکوو یاردیدەرێ و زەمینە وەشکەرۍ و تەنانەت کەمتەرخەمێ کە ئاگادارێ قۆمیای ئی تاوانێنێ، بەش بە حاڵوو وېشا تاوانبارێنێ و مشۊ بە سەزا یاوا. دەسەڵاتی کوردی جە ماوەو (28) ساڵێ دەسەڵاتداریشەنە نە تەنیا هەوڵێوەش پەی بە ژێنۆساید ئەشناسایی ئەنفالی جە کۊمەڵەگاو میادەوڵەتینە نەڎان، بەڵکوو بېیەن بە پەناگایەو پەی سەڎان و ھەزاران ئەنفالچیا و تەنانەت پلەو پایەی بەرزیچشا پەنە دریان. قوربانیێ و کەس وکاروو ئەنفالیچ (31) ساڵێن هەرپاسە وزیاێنی پەشتەو گۊشی و پا دەردەو گەورێوە مەناڵا. کەمێ نېیەنێ ئا تاوانبارا کە گیریاێنی و دماتەر بە دەسوروو دەسەڵاتدارە پلەبەرزە کوردیەکا ئازاڎێ کریاێنێ. پەی نموونەی تاوانبار (طارق ابراھیم ڕمضان) ھۆرفڕوانی بە ڕەگەز ترکمەن یۊ جە تاوانبارەکاو شیمیایوارانوو هەڵەبجەی کە قۆڵبەس کریا بێ، بە دەسوروو جەلال تاڵەبانی ئازاڎ کریا. ئی تاوانبارە جە لاو ئەفسەرێو سپاو ئەمریکای جە کەرکووک شناسایی کریا و دەریا بە ئاسایېشوو یەکیەتی. دماتەر ئاسایېشوو یەکیەتی جە سلێمانی بە فەرمانەو جەلال تاڵەبانی ئازاڎش کەرد و پیرۊزباییچش چەنە کەرد.
موختار کەریمی.[1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (هەورامی) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Ev babet 1,999 car hatiye dîtin
Raya xwe li ser vî babetî binivîsin!