ناڤ: کاوس
ناسناڤ: د. کاوس قەفتان
ناڤێ بابێ: نووری
ساڵا ژ دایکبوونێ: 1934
ڕوژا مرنێ: #22-03-2009#
جهێ ژ دایکبوونێ: #سلێمانی#
جهێ مرنێ: #سلێمانێ#
$ژیاننامە$
کاوس نوری عەبدولڕەحمان قەفتان ل مەها شوباتا ساڵا 1934ێ ل باژێرێ سلێمانی ژدایک بوویە. ل ساڵا 1953 ل کۆلێجا دار المعلمین العالیة یا کۆلیجا پەروەردە یا زانینگەها بەغدایا پایتەختێ ئیراقێ ناڤێ وی ڤەگەڕیایە و د ساڵا 1957 خوێندنا خوە تمام کرییە و وەکە ماموستا لە ناڤەندا باژێڕێ سلێمانیێ هاتییە دامەزراندن و مژیولی خزمەتێ ژبو خوەندەکارێن دەڤەرێ بوویە و هزرا نەتەوەی هەردەم د ناخا وی دە یا هشیار بوویە.
ساڵا 1958 بویە ئەندامێ #پارتییا دەموکراتا کوردستان#ێ و ساڵەکێ پشتی ڤێ تێکهەل بوونێ و ل ساڵا 1959ێ پشکدارییا کۆنگرەیا لاوێن جیهانی ل وەڵاتێ ڕۆمانیایێ کرییە.
ساڵا 1960ئان دە ژبۆ بدەست ڤە ئانینا باوەڕناما دکتۆرایێ، دێ بەرەف ئێکەتییا سۆڤیەتا بەرێ کۆچ بکەت و ل ساڵی 1961ئان دە بوویە ئەندانێ مەکتەبا سکرتاریەتا کۆمەڵەیا خوەندەکارێن کورد ل ئەوروپایێ.
د. کاوس قەفتان ل ساڵا 1962ئان دە ژیانا هەڤژینیێ پێک دهینیت و ل ساڵا 1963 ل پشکا کوردی یا پەیمانگەها ڕۆژهەڵات ناسی یا لینینگرادێ بوویە ڤەکوولەرێ زانستی.
ل ساڵا 1966 ڤەگەڕیایە ئیراقێ و ل کۆلێژا پەروەردەیا زانینگەها ناژێڕێ بەغدایێ وەکە ماموستا دامەزرایە.
ئەندامەکێ کارایێ #کۆڕا زانیارییا کورد# بوویە ل بەغدایێ کوو ژبو خزمەت کرن و پێشڤە برنا زمانێ کوردی کوو ئەو ژی ل نیڤییا دوویێ یا ساڵێن حەفتێیان یا سەدەیا بووهری هاتبوو دامەزراندن بوویە.
ل ساڵا 1971 هەتا ساڵا 2000 ل کۆلیجا پەروەردە و کۆلیجا ئاداب یا زانینگەها بەغدایێ ماموستا بوویە و پشتڕە ل ساڵا 2000 ڤەگەڕیایە باژێڕێ سلێمانیێ و ل پشکا مێژوو ئان کوو دیروک یا کۆلیجا زانستێن مرۆڤایەتی یا زانینگەها سلێمانیێ هاتییە دامەزراندن، لسەر دەستێ قەفتان و هندەک ماموستاێن دن خوەندنا بلند ل ڤی بەشەی ژبو هەژێکەرێن دیروکێ هاتییە دەیناندن.
د.کاوس قەفتان خوەدیێ چەند بەرهەمێن زانستی و مێژووییە و چەندین پەڕتووک و ڤەکولینێن زانستی ل زمانێ ڕووسی بوو سەر زمانێ کوردی وەرگێڕاینە.
$بەرهەمێن چاپ کریێن د.کاوس قەفتان:$
پەڕتووکا (10) چیرۆک، بەغدا 1969.، (خۆری ئاوابوو) ، سلێمانی 1970، پەڕتووکا، ڕاوەبەران، سلێمانی 1971
نیو هەنگاو دوور لەدۆزەخ، بەغدا 1975
پێنج تابلۆی شێواو، بەغدا 1985
ژووری میوان، سلێمانی 2000،
هەلبژارتییەک لە گووتنێن ب پیت، سلێمانی 2001
ئەفسانەیا نەتەوێن ئاسای، پشکا ئێکێ، بەغدا 1985 ل ڕووسی ڕە
ئەفسانەیا نەتەوێن ئاسای، پشکا ددوان، سلێمانی 2001 ل ڕووسی ڕە
ڕاپەڕینی ئاگری داغ، سلێمانی 1959
بابان سۆران بۆتان، بەغدا 1985، چاپا ددووان، سلێمانی 2006
جەلیلی جاسم، کوردەکانی ئیمپراتۆریەتی عوسمانی، بەغدا 1987 ل رووسی ڕە
جەلیلی جاسم، ڕاپەڕینی کوردەکان ساڵی 1880، بەغدا 1987 ل ڕووسی ڕە
م.س. لازاریف، کێشەی کورد، بەغدا 1989 ل رووسی ڕە، 2001
وتاری مێژوویی، سلێمانی 2001
ڕاپەڕینەکانی بارزان چەند لاپەڕەیەک لەبزووتنەوەی ڕزگاریخوازی کورد لەسەدەی بیستەمدا، سلێمانی 2002، چاپی دوویێ، هەولێر 2003
حیکایەتە جیهانییە هەرە گەورەکان، ل عەڕەبی ڕە، سلێمانی ڕۆشنبیری 2002
دیروکا نی ژبو پولا پێنجا ئەدەبی، تەڤی د. کەمال مەزهەر و هەژارێ شاعر، ل عەرەبی ڕە، بەغدا 1970
دیروکا کەڤن یا نیشتمانێن عەڕەب، ژبو پولا ئێکەما ناڤەندی، تەڤی عوسمان عەلی قادر، بەغدا 1988
ئێوارەیەک (چیرۆکێکی درێژ) تەڤی (5) کوورتە چیرۆک، سلێمانی 2003
کوورتە چیروک، لەگەڵ هەڵبژاردە لەوتەی بەپێز، سلێًمانی 2007 (15) چیرۆک
دیوانا شەعر، سلێمانی 2007. ئەخیر پەڕتووکا وی ل ژێر ناڤێ بیرەوەرەیەکانم، بوویە.
د. کاوس قەفتان، دیروک نڤیس و رووناکبیر ل ڕۆژا 22-03-2009 ل سلێمانیێ وەغەرا دوایێ کر.[1]