سەرچاوەیەکی سیاسی ئاگادار ڕەزامەندی #مەسرور بارزانی# سەرۆکی حکومەتی هەرێمی کوردستانی ئاشکرا کرد بۆ ئەنجامدانی گۆڕانکاری لە پۆستی 5 وەزیر لە ئەنجوومەنی وەزیران.
سەرچاوەکە ئاشکراشی کرد، کە گۆڕانکارییەکانی حکومەت لە دوای پشووەکانی سەری ساڵ ئەنجامدەدرێت و وەزیرەکانی #یەکێتیی نیشتمانیی کوردستان# و #پارتی دیموکراتی کوردستان#یش دەگرێتەوە.
لەنێو ئەو وەزارەتانەی گۆڕانکارییان تێدا دەکرێت وەزیری پێشمەرگە و چەند وەزیر و بریکارێکی وەزیر دەگرێتەوە و وەزیرێکیش بۆ وەزارەتی سامانە سرووشتییەکان دیاریدەکرێت، کە ماوەیەکە بە وەکالەت بەڕێوەدەبرێت.
مەسرور بارزانی ڕەزامەندی دەربڕی لەسەر پڕکردنەوەی تەواوی ئەو پۆستانەش دەربڕیووە، کە بە وەکالەت بەڕێوەدەبرێن و پشکی یەکێتی نیشتمانین، لەوانەش پۆستەکانی ئەنجوومەنی ئاساییشی هەرێم، هەروەها پۆستەکانی وەزارەتی سامانە سرووشتییەکان بە مەرجێک پێشوەخت یەکێتی کاندیدەکانی بۆ بخاتەڕوو.
هەروەها سەرچاوەکە جەختیکردووەتەوە، ئەم ڕێ و شوێنانە هەنگاوی یەکەمن بۆ کۆتایی هێنان بە ناکۆکی نێوان هەردوو لایەنەکە، کە ماوەیەکی زۆرە کێشە و ئاڵۆزی لەنێوانیان هەیە.
کێشەکانی نێوان یەکێتی نیشتمانی و پارتی دیموکرات، لە دوای ناکۆکی لەسەر هەڵوێستی سەرۆکی کۆمار و شێوازی ئیدارەدانی هەرێم و ئاڵوگۆڕی تۆمەتەکان سەبارەت بە پاوانخوازی لە حوکمڕانی، تا گەیشتە ئەو ئاستەی کە هەڕەشە لە جیاکردنەوەی #سلێمانی# و #هەڵەبجە# لە حکومەتی #هەولێر# بکرێت. [1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 777 car hatiye dîtin
Raya xwe li ser vî babetî binivîsin!