$Helbestvan û çîroknivîs Nêrgiz Ismayîl$
Li taxa Hilêliyê ya bajarê Qamişlo hatiye dinê. Xwendina xwe li dibistana erebî hetanî refa nehê qedandiye. Ji temenke biçûk de xwedî hestên nazik, germ û bi coş bû. Li beramberî jiyanê bi hûrgulî dimeyzand. Nêrgiz Ismayîl ji temenê piçûkaniyê de, bi dapîr û bapîrên xwe bandor bûye; gava li şevbuhêrkên wan rûdinişt û guhdarî stranên dengbêjî û çîrokên wan dikir.
Di temenê piçûk de tevlî komên çand û hunerê li bajarê Qamişlo dibe. Destpêkê koma zarokan a bi navê Kulîlkên Kurdistanê û paşî tevlî Koma Botan dibe. Di rojên taybet de helbest di heman demê de, di gurupa govendê de, cih digirt û pêşkêş dikir. Her weha şanogera ser dika çandê bû.
Di salên temenê xwe de her xwestiye ku li ser cewhera jinê nivîsan binivîsîne. Di qada wêjeyê de, jê re mijara herî sereke bûye. Her weha di qada ragihandinê de jî cih girtiye. Nêrgiz Ismayîl yekemîn jina ku Koavara Asoya Jinê ya bi zimanê Kurdî xwedî kede ku damezirandiye. Di sala 2015an de, berga yekemîn çap kiriye. Li kêleka wê Kovara Sewt El -Heyat ku ew jî bi zimanê erebî bû mehane diweşand. Ne tenê ev hetanî di xebtên bihîstî de ku xwedî ezmîne di damezirandina radiyoyên li ser asta rojavayê Kurdistanê de lîstiye. Taybet radiyoyên FM. Li kêleka xebatên xwe yên çapemenî di gelek qadan de waneyên DENG Û DÛBLAJÊ DAYE û hîna jî dide. Gelek nifşên delal pêşxistine. Li kêleka van xebatan jî xwedî berhemên dewlemend e ku hetanî niha jî mîna ava emekî diherike û nasekine. Hestên nazenînî, hestiyarbûneke li beramberî xweza, civak, jin û jiyanê pir xurt e.
Berhemên wê jî ev in:
1 – Xelata Xewna Min – Helbest/ 2003/ Çapxaneya Ronahî/ Qendîlê
2 – Hisret – Helbest/ 2004/ Çapxaneya Azadî Qendîlê
3 – Mêşîn – Helbest/2008/Çapa yekemîn Qendîlê/ Çapa duymîn Weşanxaneya Aram Amedê 2020
4 – Stêrvana – Pexşan/ Weşanên Akademiya Ziman, Dîrok û Wêjeya Kurdî ya Celadet Bedirxan /2015/ Qamişlo Çapxaneya Sîmav
5 – Guliyên Eşqê – Helbest/ Weşanxaneya Şilêr – Qamişlo/ 2019
6 – Rûpelên Jînê – Cilda – 1 /Çîrok/Qamişlo/ Weşanxaneya Şilêr 2018
7 - Rûpelên Jînê – Cilda – 2 /Çîrok/ Qamişlo/ Weşanxaneya Şilêr 2021
8 - Rûpelên Jînê – Cilda –3 /Çîrok/ Qamişlo/ Weşanxaneya Şilêr 2022
9 - Rûpelên Jînê – Cilda – 4 /Çîrok/ Qamişlo/ Weşanxaneya Şilêr 2022
10 – Gustîlka Pencereyê/ Çîrok/ Weşanxaneya Şilêr – Qamişlo/ 2021
11 – Çirrik – Roman/ Weşanxaneya Şilêr – Qamişlo/ Rojavayê Kurdistanê 2019
[1]