Halîl Uysal
Halîl Ibrahîm Uysal ( 01.12.1973-1.Nîsan 2008) (bi kurdî: Xelîl Uysal) rojnamevan û derhênerekî sînemayê bû, bi giranî li ser ragîhandina tevgera rizgariya kurd rawestiya bû. Paşê paşnavê xwe guhert û kir Halîl Daĝ.
Malbat û jiyana destpêkê
Xelîl li Elmanyayê ji bavekî bi eslê xwe tirk û diya wî kurd e hati dinê. Piştî ku dibistana seretayî li Elmanyayê qedand, çû bajarê Îzmîrê, li wê derê, li zanîngeheke taybet xwend. Piştî xwendina li Îzmîrê vegerîya Elmanyayê û dest bi kar kir û dersên din ên wênekêşiyê girt. Di vekirina televîzyona MedTV de (1995), Halil Uysal ji kesên yekem e ku weke kameraman dest bi xebatê dike.
Jiyana bi PKK’ê re
Di sala 1994 de ew û kamêrevanek bi hevre çûn Şamê, ji bo kişandina dîmena hevpeyvîna bi Abdullah Ocalan re. Lê wî piştî hevpêyvînê biryara xwe da tevli PKK ê bû.
Kamêraman jî, di Gulana 1995an de bi tena serê xwe vegerîya Med tv.
Halîl 6 mehan li kampêke, di warê îdeolojiya siyasî de hat perwerdekirin. Di dawiya sala 1995 û pê ve, ew bi giranî li Başûrê Kurdistanê bi cîh bû û di yekîneya medyayî ya PKKê de çalak bû. Dîmenên ku wî dikişandin û raportên wî ji aliyê MED tv de dihatin weşandin. Di sala 1997an de dîmenên ku, wî kişandi bû, HPG çawa helîkopterek-cobra ya Tirkan tînin xarê, bû bûyereke medyayî ya mezin ji bo Kurdan. Di vê demê de jî, ji bo çend ajansên nûçeyan ên Kurdî re jî gotar dinivîsand. Piştî derxistina Serokê PKK’ê ji Sûriyeyê û girtina A Ocalan, tevger neçar ma ku xwe li gorî şert û mercên nû biguhere. Ji ber vê li Çîya yekêm Dibistana Çand û Hunerê ya Şehîd Sefkan hate damezrandin, ew jî bû endamê wê dibistanê. Wî dest bi kişandina dîmenên fîlman kir. Di fîlmên wî de lîstikvan ne aktorên profesyonel bûn, lê şervanên HPG'ê bûn ku gelek caran, cara yêkem di fîlmekî de cîh digirtin. Bi tevayî 6 fîlmên ku di navbera 29 deqe û 162 deqeyan de hene hatin çêkirin. Hin fîlmên wî yên wekî Kilamek ji Zagrosê wekî belgefîlm têne dîtin û bal kişand ser jiyana şervanên PKK'ê ya li xwezayê. Gelek dîmenên ji nêz ve yên kulîlk û Pezkuvîyên çiyayî û panoramayên berfireh ên peyzaja çiyayî hene. Fîlmên din bêtir çîrokî ne û herî zêde bûyerên rastîn vedibêjin. Fîlma wî ya herî navdar Berîtan e, fîlmek li ser Gulnaz Karataş, şervaneke jin a PKKê ye, ku heta guleya dawîn li dijî pêşmergeyên Partiya Demokrata Kurdistanê (PDK) yên ku bi artêşa Tirkiyê re hevalbend bûne şer kir û li şûna ku bê girtin tercîh kir û xwe ji zinarekî davêje.
Projeya wî ya dawîn û mirin
Projeya wî ya dawîn, kişandina belge fîlma rêwîtiya şervanên PKK-ê ji Başûrê Kurdistanê ber bi Dersimê ve bû, rêwîtiyêk, bi gelemperî nêzîkî du mehan berdwam dikir. Di dema rêwîtiyê de, bi artêşa tirk re pevçûn derket û birîndar bû. Ji aliyê hevalekî xwe ve hat rizgarkirin û rêwîtiya xwe berdewam kir. Lê di 1'ê Nîsana 2008'an de li herema Besta yê a girêdayî Şirnexê di şerê navbera HPG û bi artêşa Tirk de, bi tevî sê hevalên xwe hat kuştin, tevli karwana Şêhîdan bû.
Fîlmnîgarî
2002 Tîrej
2002 Eyna Bejnê
2004 Dema Jin Hezbike
2006 Bêrîtan
2007 Stranek ji bo Zagros
Fîrmeskên Ava Zê
Pirtûka wî;
Rojnivîskên Botanê, Min bibaxşînin (Tirkî),
Çapxaneya Mezopotamyayê .[1][2]