دواڕۆژ، بورهان یەحیا
رێڤەبەرییا گەشتوگوزارا پارێزگەها #دهۆک# راگەهاند؛ پێشبینی دکەن بۆ رۆژانێن جەژنێ نێزیکی 70 هزار گەشتیار قەستا پارێزگەهێ بکەن.
شەمال جەعفەر بەرپرسێ پلاندانانێ ل رێڤەبەرییا گشتییا گەشتوگوزارێ بۆ دواڕۆژ رۆهنکر پلان وەسایە کو بۆ وەرگرتنا ئامارێ هەر ژ رۆژا 18هەتا28/8/2018ێ بهێتە هەژمارتن کو دبنە 11 رۆژ و ب گۆرەی پێشبینییا دێ نێزیکی 70 هزار گەشتیار قەستا پارێزگەهێ کەن کو پترییا وان گرۆپن و ب گۆرەی بەرنامەیێ وان دێ بۆ هەموو دەڤەرداریێن سەر ب پارێزگەهێ چن.
دیارکر پترییا گشەتیاران کو دبنە 80% یێن ناڤەراست و ژۆرییا ئیراقێنە و 20% تورک و ئیرانی و یێن دی لێ چونکو نوکە بهایێ لیرەیێ تورکی بەرامبەر دۆلاری هاتییە خوارێ پێشبینی دهێتەکرن رێژەیا هاتنا گەشتیارێن تورک بۆ دهۆک کێم ببیت.
خویاکر ب گۆرەی داتایێن پێشتر هەر گەشتیارەک بۆ نڤستن و خوارن و پێدڤیێن دی رۆژانە دێ 100 دۆلاران مەزێخیت و ب ڤی رەنگی ئابوورێ دەڤەرێ دێ پێشڤەچۆنەکێ بخۆڤە بینیت و وەلاتیێن ئاکنجیێن دهۆک دێ مفادار بن.
راگەهاند تیمێن تایبەتێن گەشتوگوزارێ دووڤچۆنا پاقژیێ ل پترییا جهێن گوزاری دێ کەن لێ جارێ دووڤچۆنا بهای ناهێتەکرن.[1]
#14-08-2018#
Ev babet bi zimana (کرمانجی) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانێ (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
Ev babet 2,372 car hatiye dîtin
Raya xwe li ser vî babetî binivîsin!