بەناوی خوای گەوره و میهرەبان
بەبۆنەی جەژنی ڕەمەزانی پیرۆز، پیرۆزبایی برایانەی خۆم لە خانەوادەی سەربەرزی شەهیدان و پێشمەرگە قارەمانەکان و کارمەندانی ئەنجوومەنی ئاسایشی هەرێمی کوردستان و پۆڵیس و موسڵمانانی کوردستان و جیهان دەکەم.
لەخوای گەوره داواکارم ڕۆژو و عیبادەتی ئەم مانگەی لەهەموو موسڵمانان قبوڵ کردبێت و گیانی پێشمەرگە قارەمانەکان و هێزە ئەمنییەکان پارێزراو بێت، کە بێ بەرانبەر بە گیانی خۆیان بەرگری لە خاک و گەلی کوردستان دەکەن.
ئومێدەوارم ئەم جەژنە هاندەر بێت بۆ قوڵترکردنەوەی پێکەوەسازان و پێکەوەهەڵکردنی نێوان هێز و پارتە نیشتمانپەروەر و دڵسۆزەکانی کوردستان بۆ ئەوەی بە پرۆژەیەکی یەکگرتووی نیشتمانی مافە سرووشتی و دەستوورییەکانی گەلەکەمان بەدیبهێنین و ویستی ڕاستەقینەی گەلی کوردستان بۆ ژیانێکی سەربەخۆی شکۆمەندانە سەربخەین.
#مەسرور بارزانی#
راوێژکاری ئەنجوومەنی ئاسایشی هەرێمی کوردستان
#14-06-2018#
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 3,340 car hatiye dîtin
Raya xwe li ser vî babetî binivîsin!