Navê pirtûkê: Şairên klasîk ên kurd
Navê nivîskar: Abdulreqîb yûsuf
Navê wergêr: Elî Șêr
Wergera ji ziman: کرمانجیی ناوەڕاست
Cihê çapkirina pirtûkê: Upssala
Navê çapxaneyê: Jîna Nû
Sala çapê: 1988

Çîrokeke Dîwana Kurmancî ya balkêş heye. Ev kitêba biçûk a giranbiha yekemîn berhevoka zaravayê Kurmancî ye.Ebdurreqîb Yûsif, ev berhevok 60 salan piştî mirina Ehmedê Xanî, ji hêla kesekî nediyar ve hatiye amadekirin. Ev dîrok ji bo me xebatkarên wêjeya Kurdî, gelekî girîng e. Lewra bi vê keşkulê, qena’eta me hasil dibe ku ji bilî Elî Herîrî, Feqiyê Teyran, Melayê Cizirî, Melayê Bateyî û Ehmedê Xanî; Mîna, Macin, Sadiq û Mela Mensûrê Girgaşî jî yên pêşiya sala 1767ê miladî ne. Heke em li berhem û jiyana wan bigerin, divê xebata xwe li dor wan deman bikin. Piştî Dîwana Kurmancî, gelek pirtûkên din li ser rêgeha wê derketine. Ji bo mînak; Hozanvanêt Kurd a seyda Amêdî jî kitêbeke bêhempa ye. Lê, Dîwana Kurmancî rêya berhevkariya edebiyata Kurdî vekiriye.[1]