[1]

#بافڵ تاڵەبانی# پیرۆزبایی جەژنی چوار شەممەی سور لە ئێزدییەکان دەکات و لە پەیامێکیدا دەلێت: هەموولایەک مامەڵەیەکی بەرپرسانە لەگەڵ ئەو پێکهاتە ڕەسەنەی کوردستاندا بکەن و لەپێناو بەرژەوەندی ‌‌‌حزبی و سیاسیدا یاری بە ژیان و چارەنووسیانەوە نەکرێت.

دەقی پەیامەکە...

جەژنی سەری ساڵی ئێزدی (چارشەمبا سۆر) ، لە خوشک و برایانی ئێزدی پیرۆزبێت و هیوادارم ئەم جەژنە لە دڵخۆشی و کامەرانیدا بەڕێبکەن.
ئێزدییەکان لە ڕابردوودا ڕووبەڕووی توندوتیژی و نەهامەتی زۆر بوونەتەوە و قوربانیی زۆریان داوە، بەڵام بەداخەوە تاوەکو ئێستا #19-04-2023# هەوڵەکان بۆ قەرەبووکردنەوە و ئاوەدانکردنەوەی زێدی ڕەسەنی خۆیان، تەنیا لە چوارچێوەی دروشمدا ماوەتەوە و هەنگاوی جدی لەوبارەیەوە نەنراوە.
#یەکێتیی نیشتمانیی کوردستان# پاڵپشتی بەردەوامی ئێزدییەکان بووە، پشتیوانیی هەموو هەنگاوێکیش دەکات بۆ بونیادنانی داهاتوویەکی گەشتر و پاراستنی ژیانی ئێزدیان تاوەکو جارێکیتر ڕووبەڕووی هیچ مەترسییەک نەبنەوە. هەروەها پێویستە هەموولایەک مامەڵەیەکی بەرپرسانە لەگەڵ ئەو پێکهاتە ڕەسەنەی کوردستاندا بکەن و لەپێناو بەرژەوەندی ‌‌‌حزبی و سیاسیدا یاری بە ژیان و چارەنووسیانەوە نەکرێت. [1]
بافڵ تاڵەبانی
سەرۆکی یەکێتیی نیشتمانیی کوردستان

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەبۆنەی جەژنی چوارشەمەی سور و سەری ساڵی ئێزدی گەرمترین پیرۆزبایی لە کوردانی ئێزدی دەکەم و هیوای جەژنێکی خۆش و ساڵێکی پڕ لە ئاشتی و ئارامیان بۆ دەخوازم.
ئێزدییەکان پێکهاتەیەکی ڕەسەنی کوردستانن، سەرباری ئەوەی لە مێژوودا گەلێک ناخۆشی و کارەساتی گەورەیان بەسەرداهاتووە، بەڵام پێداگریان لەسەر شوناسی خۆیان کردوە و ئایینەکەیان و کوردبوونی خۆیان پاراستووە.
کوردستان شانازی بە هەموو پێکهاتەکانی خۆیەوە دەکات و پێویستە بە هەموو لایەکیشمانەوە هەوڵ بدەین کلتوری پێکەوەژیان کە ڕەگێکی قوڵی لە مێژووماندا هەیە بەهێزتر بکەین. [1]

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=بەبۆنەی هاتنەوەی سەری ساڵی ئێزدیی (چوارشەممەی سوور) ەوە ، گەرمترین پیرۆزبایی ئاراستەی گشت خوشک و برا ئێزدییەکان لە کوردستان وعیراق و جیهان دەکەین .=KTML_End=

لەپێناو ئەو ڕۆڵەی کە ئێزدییەکان لە گشت کایە ژیاریەکانی کوردستان و لە خەباتی سیاسی دژ بە دوژمنان و داگیرکەران هەیان بوە و چەندین سەرکردە و فەرماندەیان لە ڕیزەکانی #یەکێتیی نیشتمانیی کوردستان# و شۆرشی نوێدا بە دەستی خۆفرۆشان شەهید بوون ، بۆ سڕینەوەی ئازار و مەینەتیەکانی کەلە ئابی2014دا بە پیلانێکی هاوبەشی ئیقلمی و خۆ فرۆشانی ناوخۆیی لە #شەنگال# و ناوچەکانی دەشتی #نەینەوا# بەسەریان هێنرا، لەم بۆنەیەدا جارێکی تر تەئکید لە پشتیوانی و پشتگیری گشت هەوڵێک دەکەینەوە بۆ گێرانەوەی مافە زەوتکراوەکانی ئێزدییەکان و نیشتەجێکردنەوەى ئاوارەکان لەسەر زێدی خۆیان تاکو چیتر وەک کارتێک بۆ مەرامی لایەنێک بەکارنەهێنرێن .
لە کۆتاییدا هیوادارین بە جینۆساید ناساندنی کۆمەڵکوژییەکانی شەنگال و دەوروبەری کە تاکو ئێستا 12 وڵات بەڕەسمی ناساندویانە، لەلایەن ڕێکخراوە نێودەوڵەتیەکانیشەوە بناسرێت و زیانلێکەوتوان و کەسوکاری قوربانیەکان قەرەبووی ماددی و مەعنەوی بکرێنەوە. [1]

مەکتەبی سیاسی
یەکێتیی نیشتیمانیی کوردستان

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=هێرۆ ئیبراهیم ئەحمەد لە پەیامێکدا پیرۆزبایی ڕۆژی چارشەمبا سۆر لە خوشک و برایانی ئێزدی دەکات و ڕایدەگەیەنێت: ئێزدییەکان پێکهاتەیەکی ڕەسەنی ناوچەکەن و قوربانییەکانی زۆریان لەپێناو پاراستنی شوناس و کوردایەتی خۆیان داوە و بەردەوامن لەقوربانیدان.=KTML_End=

=KTML_Bold=دەقی پەیامەکە:=KTML_End=

خوشک و برایانی ئێزدی
چارشەمبا سۆر پیرۆزبیت

بەبۆنەی هاتنەوەی سەری ساڵی ئێزدی و جەژنی (چارشەمبا سۆر) ، گەرمترین پیرۆزبایتان ئاڕاستە دەکەم و لە دڵەوە هیوادارم ئەم جەژنە و تەواوی جەژنەکانی تر لەخۆشی و کامەرانیدا بەڕێبکەن.
ئێزدییەکان پێکهاتەیەکی ڕەسەنی ناوچەکەن و قوربانییەکانی زۆریان لەپێناو پاراستنی شوناس و کوردایەتی خۆیان داوە و بەردەوامن لەقوربانیدان، نەهامەتییە یەک لەدوای یەکەکانیش ڕۆڵە قارەمانەکانی ئێزدییەکانی ساردنەکردۆتەوە لە کۆڕی خەبات و تێکۆشان.
نیگەرانم لەوەی تاوەکو ئێستا هەوڵەکان بۆ قەرەبووکردنەوە و ئاوەدانکردنەوەی ناوچەکانیان، هەنگاوی جددی بۆ نەنراوە و تائێستاش بەدەست نەبوونی خزمەتگوزاری و ئاوەدان نەکردنەوەی ناوچەکانیان دەناڵێنن.
هیواخوازم سەری ساڵی ئێزدی، جەژنێک بێت بۆ دووبارە قەرەبووکردنەوەی جددی ئێزدییەکان و دابینکردنی ژیانێکی شایستە و پڕ کامەرانی بۆ تەواوی ئەو پێکهاتە ڕەسەنەی گەلەکەمان.
هەر شاد و سەرکەوتبوون و هەم ڕۆژ لەجەژندا بن. [1]

#هێرۆ ئیبراهیم ئەحمەد#
ئەندامی ئەنجومەنی باڵای سیاسی و بەرژەوەندی ی.ن.ک

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=