$باکووری کوردستان$
- ماوەی هەفتەیەکە دارستانەکانی پارێزگای #دێرسیم# دەسووتێن و ئاگرەکە بۆ حەوت ناوچەی ئەو پارێزگایە تەشەنەی کردووە. ناوچەکانی (دەیرمەن دەرە، زۆگار، زەنگە، کۆچەری، بۆزان،کۆسک ئۆزلوجا و دوندول)یشی گرتووەتەوە.[1]
- فڕۆکە جەنگییەکانی سوپای تورکیای داگیرکەر پێش نیوەڕۆی ئەمڕۆ چیای سنجاک-یان لە سنووری ناوچەی خۆزات لە پارێزگای دێرسیم بۆردومانکرد.[2]
$رۆژهەڵاتی کوردستان$
- سەرلەبەیانیی ئەمڕۆ، ئەمجەد حسێن پەناهی، برای #ڕامین حسێن پەناهی# لە تۆڕی کۆمەڵایەتیی تویتەردا ڕایگەیاند، کە شەوی ڕابردوو کاتژمێر 11:00 ڕامین گوازراوەتەوە بۆشوێنکی نادیار.[4]
- #کۆڵبەر#ێکی کورد بەناوی ئیسماعیل عەزیزی خەڵکی شاری #مەهاباد#، لە سنووری کانی زەردی #سەردەشت# بەهۆی تەقەی ڕاستەوخۆی هێزە نیزامییەکان گیانی لەدەستدا.[6]
- دوو کۆڵبەری کورد بە ناوەکانی محەممەد حەمزە پوور خەڵکی گوندی باساوێ و ڕێبوار خزرپوور خەڵکی گوندی میر شێخ حەیدەر لەلایەن هێزە نیزامییەکانی حکوومەتییەوە تەقەیان لێکرا و بە سەختی بریندار بوون.[6]
- کاتژمێر 21:30 خولەک، یەکێک لە مەئموورانی هێزە نیزامییەکانی حکوومەتی بە ناوی سەرگورد حەسەن مەلەکی، لە شاری #ڕوانسەر#، لە لایەن کەسانێکی نەناسراوەوە کوژرا.[6]
$باشووری کوردستان$
- یەکەم و دووەمەکانی زانکۆ و پەیمانگاکانی سەر ئاستی زانکۆکانی هەرێم لەبەردەم ئەنجومەنی وەزیران خۆپیشاندانیان ئەنجامدا و داوا دەکەن دابمەزرێن، چونکە حکومەتی هەرێم پێشتر ئه و بڕیارەی داوە. یەکەمەکانی سەر ئاستی زانکۆ و پەیمانگاکان لە 2015-2016 خوێندنیان تەواو کردووەو ژمارەیان هەزار و 300 کەسە.[3]=KTML_Photo_Begin=https://www.kurdipedia.org/files/relatedfiles/2018/152214/0006.JPG=KTML_Photo_Alt=لە چالاکییەکانی ئەمڕۆ: 14-08-2018=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152214/0006.JPG=KTML_Photo_End=
- لە گەرلەری زاموا-ی شاری #سلێمانی# بۆ یەکەمجار پێشانگەی فۆتۆگرافی هاوچەرخ و دیجیتاڵ ئارت کرایەوە.[3]
- فڕۆکە جەنگیەکانی تورکیا بۆردومانی ژمارەیەک گوندی شارەدێی #سیدەکان#یان دەستپێکردەوە و بەوهۆیەوەش ئاگرێکی گەورە لە نزیک گوندێکی شارەدێکە کەوتۆتەوە.[3]
- دانیشتنی دادگای فیدراڵی بۆ بڕیاردان لەبارەی یاساییبوونی بەرهەمهێنانی نەوتی هەرێمی کوردستان و فرۆشتنی، دواخرا بۆ 29ی ئاب.[1]
- لەچوارچێوەی کۆبونەوەیەکی نێوان وەزیری کشتوکاڵ و وەفدێکی هاوبەشی کورد و تورکمان بڕیاردرا بەڕاگرتنی پێدانەوەی زەوییە کشتوکاڵییەکانی #کەرکووک# بە عەرەبی هاوردە.[3]
$رۆژئاوای کوردستان$
- پۆلیسی دەوڵەتی تورکیای داگیرکەر، دوێنی شەو لە #عەفرین# هەڵیان کوتایە سەرماڵی کوردەکان و 2 ژنی کوردیان ڕفاند.[2]
- تیمێکی تایبەتی هێزەکانی سوریای دیموکرات، خانەوادەیەکی ئێزدی لە چنگی چەتەکانی #داعش# ڕزگارکرد.[4]
$دەرەوەی کوردستان$=KTML_Photo_Begin=https://www.kurdipedia.org/files/relatedfiles/2018/152214/0008.JPG=KTML_Photo_Alt=لە گاڵتەوگەپەکانی ئەمڕۆ: 14-08-2018=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/152214/0008.JPG=KTML_Photo_End=
- بەگوێرەی ئاژانسە هەواڵە ناوخۆکانی ئێران، شەوی ڕابردوو عەلی خامنەیی، لە کاتی پێشکەشکردنی وتارێکدا، بۆ یەکەم جار لە سەردەمی ڕێبەرایەتییەکەیدا، دانی بە هەڵەبوونیدا نا. خامنەیی وتی: ڕێککەوتنە ئەتۆمییەکان هەڵە بوو، لەو بارەویەوە بەندە هەڵەم کردووە، بەهۆی پێداگری چەند کەسێک، ڕێگەم پێدان کە ئەزمونی بکەن، هەرچەند ئەوان هێڵە سوورەکانیان تێپەڕکرد.[4]
- لە ئۆپەراسیۆنێکی پۆلیسی تورکیا لە شاری ئەنکارا دەیان ئەندامی #هەدەپە# دەستگیرکران. لەو هێرشەدا بەڕێوەبەری شاری ئەنکارا مەحموود ئەمین ئاڤجی، نامزەدی پارلمانتاری هەدەپە و وتەبێژی پێشووی مەجلیسی ژنان-ئ ئەنکارا ئیپەک گور، هاوسەرۆکی ناوچەی چانکایا-ی هەدەپە ڕەمەزانکاراکوچ، بەڕێوەبەری ناوچەی کەچێورەنێ-ی هەدەپە فێگەن ئونجو وگولهان ئاکنجی، دایکی ئاشتی قەدریە ئوزگەن و مونیب کۆچ دەستگیر کران.[2]
- تورکیا بە فەڕمی بایکۆتی خستەسەر کەرەستە ئەلەکترۆنییەکانی ئەمریکا.[5]
- #حەیدەر عەبادی# سەردانی تورکیای کرد و لەگەڵ #ڕەجەب تەیب ئەردۆگان# کۆبووەوە، بەپێی سەرچاوەکان کۆبوونەوەکەیان تایبەت بووە بە پرسی ئاو، ناردنی نەوتی کەرکووک لە ڕێی تورکیاوە و هەروەها پرسی بوونی #پەکەکە# لە باشووری کوردستان.[5]

ناوەندی ڕاگەیاندنی هێزەکانی پاراستنی گەل - هەپەگه ئەمڕۆ‌ ڕاگەیەندراوێکی بڵاوکردەوە و ڕایگەیاند، هێزەکانی گەریلا لە گردی خەرەگۆلی چەلێ 2 جار چالاکییان ئەنجامداوە. #هەپەگە# ئاماژەی بۆ ئەوەش کردووە کە لە چالاکییەکدا لایەنی کەم 7 سەرباز کوژراون و ڕوونیش نەبووەتەوە لە چالاکییەکەی دیکە چەند سەرباز کوژراون و بریندار بوون. هەپەگە لە ڕاگەیەندراوەکەیدا ئاشکرای کردووە کە لە ئەنجامی چالاکییە نیشانە شکێنییەکانی گەریلادا لە شرناخ و سێرت 3 سەرباز کوژراون و یەکێکی دیکەش بریندار بووە.
ڕاگەیەندراوی هەپەگە:
(لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری-دا، هێزەکانمان ڕۆژی 12ی ئاب کاتژمێر 12:30 لە دژی سوپای کۆماری تورکیای داگیرکەر کە لە گردی خەرەگۆلی ناوچەی چەلێی جۆلەمێرگ جێگیربووبوون، چالاکییەکیان ئەنجامدا. سەرکەوتوانە لە سەنگەر و بارەگەکانی دوژمن درا، بەڵام ژمارەی کوژراو و بریندارەکان ڕوون نەبووەتەوە.
لە خەرەگۆل 7 سەرباز کوژران
ڕۆژی 13ی ئاب کاتژمێر 19:30 هێزەکانمان لە چوارچێوەی هەڵمەتی شۆڕشگێڕیدا جارێکی دیکە لە دژی سەربازانی سەر گردی خەرەگۆل چالاکییان ئەنجامدا. سەرکەوتوانە لە سەنگەر و بارەگەکانی دوژمن درا و بارەگەیەک ڕووخێندرا. ئەوەندەی ڕوون بووەتەوە لە چالاکییەکەدا 7 سەرباز کوژراون.
لە چوارچێوەی هەڵمەتی شۆڕشگێڕیی شەهید دەلال #ئامەد# و شەهیدانی بەستا-دا، هێزەکانمان ڕۆژی 13ی ئاب لە دژی سوپای کۆماری تورکیای داگیرکەر زنجیرەیەک چالاکییان ئەنجامدان. زانیاری بەرفرەوان دەربارەی ئه و چالاکییانە وەهایە:
لە گردی سۆرخوین-ی هەرەکۆل 2 سەرباز کوژران
هێزەکانمان کاتژمێر 12:30 لە گردی سۆرخوین-ی ناوچەی هەرەکۆل لە سێرت دژی سەربازانی دوژمن زنجیرەیەک چالاکیی نیشانەشکێنییان ئەنجامدان. له و چالاکییانەدا 2 سەرباز کوژران و یەکێکی دیکە بریندار بوو.
لە شرناخ سەربازێک کوژرا
هێزەکانمان کاتژمێر 16:30 لە ناوچەی ئاڤنێ بەنات-ی چیای گابار لە سنووری شرناخ دژی یەکینەیەکی شاراوە کە ویستبوویان ناوچەکە بخەنە ژێر کۆنتڕۆڵی خۆیان، چالاکییەکانی نیشانەشکێنییان ئەنجامدا. لە چالاکییەکەدا سەربازێکی دوژمن کوژرا.
چالاکی لە دژی سەربازگەی سەردەف
هێزەکانمان کاتژمێر 21:00 لە دژی سەربازگەی سەردەف-ی ناوچەی کەربۆران-ی مێردین چالاکییەکیان ئەنجامدا و سەرکەوتوانە لە سەنگەر و خانووەکانی نێو سەربازگەکە درا. ژمارەی کوژراو و بریندارەکانی دوژمن ڕوون نەبوویەوە.
هێرشی ئاسمانی
فڕۆکە جەنگییەکانی سوپای کۆماری تورکیای داگیرکەر ڕۆژی 13ی ئاب کاتژمێر 15:30 بۆردومانی ناوچەی هۆلکا-یان کرد لە هەرێمی مەتینانی سەر بە هەرێمەکانی پاراستنی مەدیا. ڕۆژی 14ی ئاب(ئەمڕۆ)ش کاتژمێر 8 دەوروبەری گوندی بێپالانی هەرێمی #قەندیل# بۆردومان کرا. لە بۆردومانەکەدا زیان بە ڕەز و باخی هاوڵاتییان گەیشت.)[1]
#14-08-2018#

ژووری چالاکییەکانی غەزەبی زەیتوون دەربارەی چالاکیی هێزەکانیان لە دژی چەتەکانی گرووپی سولتان موراد لە گوندی گۆلیی سەر بە #عەفرین#، ڕاگەیەندراوێکی بڵاکردەوە.
غەزەبی زەیتوون ڕایگەیاند، 13ی ئاب لە گوندی گۆلیی عەفرین دژی چەتەکانی گرووپی سولتان موراد چالاکییەکیان ئەنجامداوە.
دەقی ڕاگەیەندراوی ژووری چالاکییەکانی غەزەبی زەیتوون:
(هێزەکانمان لە ژووری چالاکییەکانی غەزەبی زەیتوون ڕۆژی 13ی ئاب لە گوندی گۆلیی عەفرین لە دژی چەتەیەکی سولتان موراد چالاکییەکی کاریگەریان ئەنجامدا و چەتەکەیان کوشت. ئه و چەتانە لە سەرەتای داگیرکردنی عەفرینەوە ماڵ و موڵکی هاوڵاتییانی سیڤیل تاڵان دەکەن و هەموو جۆرە ئەشکەنجەیەک لە بەرانبەر گەلی ئێمە لە عەفرین بەکاردێنن. پێشتر ئێمە هۆشداریمان بە هەموو ئه و چەتانە داوە کە عەفرینی پیرۆزیان داگیرکردووە. با بزانن کە هۆشداریی ئێمە تەنیا قسە نییە. عەفرین خاکی زەیتوون، سەبر بکە تۆڵە نزیک بووەتەوە.)[1]
#14-08-2018#

ناوەندی ڕاگەیاندنی #یەپەگە# بەیاننامەیەکی بڵاوکردەوە ودەربارەی چالاکی #شەڕڤان#انی یەپەگە لە ماوەی یەک هەفتەی ڕابەدوودا زانیاری بڵاوکردەوە.
لەبەیاننامەکەی یەپەگەدا هاتووە:
هێزەکانی ئێمە لە هەفتەی دوویەمینی مانگی تەباخدا لەدژی سوپای تورکیای داگیرکەروچەتەکانی لە ناوچەکانی ماباتا وشەرا چالاکییان ئەنجامدا. ئەو زانیارییانەی کە دەربارەی ئەو چالاکییانەوە بڵاوکراوەتەوە ئاوەهایە؛
لە ڕێکەوتی 8ی تەباخ/17ی گەلاوێژدا هێزەکانمان لە ناوچەی ماباتا لەدژی ئۆتۆمبێلی سەرچەتەیەک بە ناوی عەبدولڕەزاق بەکرچالاکییان ئەنجامدا. لەئەنجامی ئەوچالاکییەدا ئەو سەرچەتە کوژرا.
لە 11ی تەباخ/20ی گەڵاوێژ یەکینەکانی پاراستنی گەل لەدژی کاروانێکی سەربازی سوپای تورکیا وچەتەکان چالاکییان ئەنجامدا. لەئەنجامی ئەوچالاکییەدا سەربازێک وژمارەیەکی زۆرچەتە کوژران. ژمارەیەک چەتە برینداربوون.[1]
#14-08-2018#