$باکووری کوردستان$
- لە ناوچەی قۆسەر، نوسەیبین و ئەرتوکلوی مێردین پۆلیسی تورک هەڵیکوتایە سەر ماڵان و ژمارەیەک کەسیان دەستگیرکرد. لە ناو دەستگیرکراوەکاندا ساڵح کودای هاوسەرۆکی #هەدەپە#ی ئەو شارە، دەریا ئەتهەم سەرۆکی ژووری پزیشکانی مێردین و نەدا ئالپەر و ئەمەل ئۆرهان ئەندامانی هەدەپە هەن.[4]
- سەربازانی تورک لە گوندەکانی چەمێ ئەلیکا و سپێنیی ناوچەی لیجەی #ئامەد#، 4 کەسیان دەستگیرکرد کە یەکێکیان باوکی ڕۆژدا نازلیئەر هاوسەرۆکی شارەوانی کارازە. سەربازان لە گوندی چەمێ ئەلیکا فەرمان نەرگیز و هارون ئۆیونلو و لە گوندی سپێنیش ئادەم نازلیئەر باوکی ڕۆژدا نازلیئەر هاوسەرۆکی شارەوانی کاراز و کەسێکی تریان دەستگیرکرد. دەستگیرکاوەکان بۆ فەرماندەیی جەندرمەی ئامەد گواسترانەوە.[4]
- هونەرمەند #یلماز چەلیک# کە لە شاری دێرسم دەستگیر کرابوو، سزای زیندانی بەسەردا سەپێنرا.[4]
$رۆژهەڵاتی کوردستان$
- کۆڕی پەردەلادانی کتێبی چریکەی دڵ، دووهەمین بەرهەمی مەهدی فەللاحی ڕۆستەمان، ناسراو بە سەرمەس، بە بەشداریی مامۆستایان، شاعیران، نووسەران و ئەدەبدۆستانی شارەکانی #سەقز#، #بۆکان#، #مەهاباد#، #پیرانشار#، #بانە#، #مەریوان#، #سنە# و ساحێب و دەوروبەری بەڕێوە چوو.[6]
- سمکۆ مەعروفی، چالاکی ئەدەبیی خەڵکی بۆکان، لەلایەن لقی 101ی دادگای کەیفەریی ئەو شارەوە بە 2 ساڵ زیندان مەحکووم کرا.[6]
$باشووری کوردستان$
- شەشەمین فێستیڤاڵی نێودەوڵەتی شانۆ لە #هەولێر# دەستیپێکرد و لە ماوەی شەش ڕۆژدا 12 کاری شانۆیی کورستان و چەندین وڵاتی بیانیش تیایدا نمایش دەکرێ.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/374859/0009.JPG=KTML_ImageCaption_Title=شەشەمین فیستیڤاڵی نێودەوڵەتیی شانۆ لە هەولێر=KTML_ImageCaption_CaptionStyle=000000=KTML_ImageCaption_Caption=شەشەمین فیستیڤاڵی نێودەوڵەتیی شانۆ لە هەولێر=KTML_ImageCaption_End=
- بەهۆی دواکەوتن و تەواو نەکردنی پرۆژەکەیان، بەشداربووانی پرۆژەی لانە سیتی لە شارۆچکەی #کەلار#، گردبونەوەیەکیان ئەنجامدا و داوای دیاریکردنی کاتی تەواوبوونی پرۆژەکە و دابیەکێتیی نیشتمانیی کوردستانردنی پرۆژەی خزمەتگوزاری دەکەن.[3]
- لە سنووری #گەرمیان# کارەبای نیشتیمانی هەرسێ شارەدێی مەیدان و پێباز و شێخ تەویل و نزیکەی 300 گوند دەپچڕێت و لایەنی پەیوەندیداریش دەڵێت: کەوتنی تاوەرێکی 33 کەی ڤی هۆکاری پچڕانی کارەباکەیە. [5]
$رۆژئاوای کوردستان$
- فەرماندەی سوپای سووریا لە #حەسەکە# ڕایگەیاند، گرووپە چەکدارەکانی سەر بە تورکیا لە ڕێگەی ئێم 4 پاشەکشەیان کرد و سوپای سووریا تەواوی ڕێگەی نێودەوڵەتی ئێم 4 کۆنترۆڵ دەکات.[2]
$دەرەوەی کوردستان$
- لە پەرلەمانی ئەوروپا کۆنفڕانسی پشتگیری لە ڕۆژئاوا و لەدژی داگیرکەری دەوڵەتی تورک دەبەسترێت.[4]=KTML_Photo_Begin=https://www.kurdipedia.org/files/relatedfiles/2019/374859/0013.JPG=KTML_Photo_Alt=وێنەی ڕۆژ: 11-12-2019=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2019/374859/0013.JPG=KTML_Photo_End=
- بەهای تومەنی ئێرانی بەرامبەر دۆلاری ئەمریکی بۆ کەمترین ئاستی شەش مانگی ڕابردووی دادەبەزێت، دەگاتە ئاستی 13 هەزار و 800 تومەن بەرامبەر دۆلارێک.[1]
- کۆمیتەی پاراستنی ڕۆژنامەنووسان (سی پی جەی-CPJ) لە ڕاپۆرتێکی تایبەتدا ڕایگەیاند، زۆرترین ڕۆژنامەنووس لە چین، تورکیا، سعودیا و میسر لە زیندان دان.[4]
- نوێنەرایەتی #نەتەوە یەکگرتووەکان# لە عێراق هێزە ئەمنییەکان و میلیشیاکان بەدەستگیرکردنی هەڕەمەکی خۆپیشاندەران و چالاکوانانی مەدەنی تۆمەتبار دەکات.[1]
- مایک پۆمپێیۆ، وەزیری دەرەوەی ئەمەریکا ئاشکرایکرد، کۆشکی سپی سزای نوێی بەسەر ژمارەیەک بەرپرسی ئێراندا سەپاند و گوتیشی: هەر کۆمانیایەک مامەڵە لەگەڵ ئێران بکات، سزای دەدەین. سەبارەت بە عێراقیش دووپاتیکردەوە، بە وردی چاودێری خۆپێشاندانەکان دەکەین هەوڵیش بۆ کەمکردنەوەی ڕۆڵی ئه و وڵاتانە دەدەین، کە هەژموونیان بەسەر عێراقەوە هەیە.[1]
- لێژنەی کاروباری دەرەوە لە کۆنگرێسی ئەمەریکا پڕۆژە بریاری سەپاندنی سزای بەسەر تورکیادا پەسەند کرد، ئەمەش بەهۆی هێرشی ئه و وڵاتە بۆ سەر باکووری سووریا و کڕینی دژەمووشەکی S-400ی ڕووسی.[1]
- فەرماندەی هێزی دەریایی لیبیا، ڕایگەیاند: فەرمانمان پێکراوە، هەر کەشتییەکی تورکیا نزیک کەناراوەکانمان بێتەوە، نوقمی ئاوی بکەین.[3]

ئەم گەلە پێویستیی بە سێ شتە.
یەکێتیی و یەکێتیی و یەکێتیی
دوای ئەوەی کە ئەنجومەنی سەرکردایەتی بڕیاریدا کە ڕۆژی 9/12/2019 لە سەرجەم مەڵبەندەکانی (#یەکێتیی نیشتمانیی کوردستان#) کۆنفرەنسی مەڵبەندەکان بە ئەنجام بگەیەندرێت تا لە ڕۆژی 21/12/2019 چوارەمین کۆنگرە ببەستین، بۆ ئه و مەبەستە لیژنەی بالای هەڵبژاردنەکان تەواوی پێداویستییەکانی پرۆسەی بەڕێوەبردنی کۆنفرەنسی ئامادەکرد لە ڕۆژی 9/12/2019 لە تەواوی مەڵبەندەکان بەڕێوەچوو، تواندرا لە کەشێکی ئازاد و هەست کردن بە بەرپرسیارێتی و تەواوکاری قۆناغەکانی دیکەی کۆنفرەنسەکە بە سەرکەوتویی ئەنجام بدرێت بۆیە جێگەی خۆیەتی دەست خۆشی لە هەموو ئەندامانی بەشداربووی کۆنفرەنسەکان بکەین و پیرۆزیبایی لە کاندیدە سەرکەوتووەکان بکەین کە دەرچوون و بوونە ئەندامی چوارەمین کۆنگرە هەروەها سوپاسی ئه و هەڤاڵانەش دەکەین کە کاندید بوون و سەرنەکەوتن بۆ ئەندامێتی کۆنگرە و بە گیانێکی هەست کردن بە بەرپرسیارێتییەوە و بە ڕۆحێکی هەڤاڵانەوە هاوکارمان بوون لە سەرخستن و سەرکەوتنی پرۆسەکەدا، تا ڕوویەکی جوانی ئازادی و دیموکراسی لەناو یەکێتیی دەربخەین مەڵۆیەکی دیکە بخەینە سەر خەرمانی مێژووی پڕ خەباتی یەکێتیی نیشتمانیی کوردستان، کە بووە کەرنەڤاڵێکی گەورە و توانیمان بۆ دۆست و نەیارەکانمان بسەلمێنین یەکێتیی نیشتمانیی کوردستان ئه و هێزە گەورەیەیە و کە هەمیشە پێشەنگ بووە بە بڕوابوون بە ئازادی و دیموکراسی و مافی تاک و سوپاسی تەواوی ئه و هەڤاڵانەش دەکەین کە بە درێژایی ئەم ماوەیە لە لیژنە باڵاکانی بەڕێوەبردنی کۆنفرەنسی کۆمیتەکان و مەکتەبەکان و مەڵبەندەکاندا ڕۆڵی گرنگیان هەبوە لە سەرخستنی ئەم پرۆسەیە هەروەها سوپاس و پێزانینمان ئاراستەی دەزگاکانی ڕاگەیاندنی یەکێتیی نیشتمانیی کوردستان بکەین کە ڕۆڵی بەرچاویان هەبووە لە ڕوماڵ کردنی پرۆسەکەدا، هەر بۆیە لێرەداناوی بەشێک لە کاندیدە سەرکەوتووەکان ڕادەگەیەنین کە وردبینی کۆتاییان بۆکراوە، ڕایدەگەیەنین لە کۆتایدا هیوامانە بتوانین بە هەوڵی هەموومان کۆنگرەیەکی سەرکەوتوو ببەستین کە لە ئاست پێگە و گەورەیی یەکێتیی نیشتمانیی کوردستاندابێت، لەسەر هەمان ڕێبازی سەرۆک #مام جەلال#.
سەرکەوتن بۆ چارەمین کۆنگرە
هەر شەکاوەبێت ئاڵای سەوزی یەکێتیی
رزگار عەلی حەمەجان
سەرۆکی
لیژنەی باڵای هەڵبژاردنەکان
11-12-2019