$باکووری کوردستان$
- دانیشتنی دادگاییکردنی ڕەمزیە توسون پەرلەمانتاری #هەدەپە#ی #ئامەد# بە تۆمەتی ئەندامێتی ڕێکخستن لە 5مین دادگای سزا قوڕسەکانی ئامەد بەڕێوەچوو. لە دانیشتنەکەدا دادگای تورک 10 ساڵ سزای زیندان بەسەر ڕەمزیە توسون پەرلەمانتارێکی هەدەپەدا سەپاند.[1]
$رۆژهەڵاتی کوردستان$
- کۆمەڵەی مافی مرۆڤی کوردستان ڕایگەیاندووە کە ڕۆژی 10-09-2020 لقی 38ی دادگای باڵای ئێران بۆ جاری سێیەم سزای سێدارەی بۆ حەوت زیندانی ئایینی – سیاسی کورد بە ناوەکانی (فەرهاد سەلیمی، قاسم ئابەستە، داوود عەبدۆڵڵایی، ئەیوب کەریمی، ئەنوەر خزری، خوسرۆ بەشارەت و کامران شێخە) پشتڕاست کردەوە، پشتراست کردنەوەی حوکمی لە سێدارەدانی ئەو کەسانە لە کاتێکدایە کە لە کاتی لێپرسینەوەدا ئەشکەنجە دراون و مافی پارێزەریان لێ سەندرابوەوە، ئەم حەوت زیندانیە 11ساڵ پێش ئێستا دەستگیر کراون و ئێستاکە لە زیندانی گەوهەردەشتی کەرەج بەندن.[1]
$رۆژئاوای کوردستان$
- بەپێی سەرچاوە خۆجییەکان چەتەکانی سەر بە دەوڵەتی داگیرکەری تورک بە ناوی 'پۆلیسی سەربازی' کە خاکی کوردانیان داگیرکردووە، لە ناوچەی مابەتا نیوەی شەو هەڵیانکوتاوەتە سەر ماڵی هاوڵاتیان. داگیرکەرانی دەوڵەتی تورک لە کاتی هێرشەکەدا بە لێدان بە دەیان خەڵکیی مەدەنیان ڕفاندووە. چارەنووسی ڕفێنراوەکانیش نادیارە.[1]
کوردیپێدیا، ڕۆژانە بێلایەنانە مێژووی کوردستان تۆماردەکات...
Kronolojiya bûyeran
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 7,963 car hatiye dîtin
Raya xwe li ser vî babetî binivîsin!