- سەر لەبەیانی ئەمڕۆ فڕۆکە سەربازییەکانی تورکیا چەند پێگەیەکی سنوری قەزای #سیدەکان#ی سەر بە ناوچەی #سۆران# بۆردەومان کرد و ئاگرێکی گەورەی لێکەوتووەتەوە.[1]
- هێزە ئەمنییەکانی تورکیا هاوڵاتییەکی ڕوسی-یان دەستگیر کرد بەتۆمەتی ئەندام بوون لە ڕیزەکانی گروپی #داعش# و پیلان گێڕان بۆ هێرشکردنە سەر بنکەی سەربازیی #ئەنچەرلیک#ی #ئامەد# کە لەلایەن هاوپەیمانی نێودەوڵەتییەوە بۆ هێرشکردنە سەر بنکەکانی داعش لە سوریا و عێراق بەکاردەهێندرێن.[2]
- لە شارۆچکەی وێرانشاری سەربە شاری #ڕوحا#ی باکوری کوردستان، لەلایەن چەند کەسێکی نەناسراوەوە هێرش کراوەتە سەر گۆڕی شەهیدانی یەکینەکانی پاراستنی گەل- #یەپەگە# و یەکینەکانی پاراستنی ژنان- یەپەژە و کێلەکانیان شکێندراون.
- لە شاری #مەریوان#ی ڕۆژهەڵاتی کوردستان، نووسینگەی سەرەکی ناوەندی فەرهەنگی - هونەری #ڤەژین# لە لایەن کەسانی نەناسراوەوە سوتێندرا.
- درەنگانی شەوی ڕابردوو، تۆپخانەکانی ئیران، جارێکی دیکە ناوچە سنوورییەکانی دەڤەری #باڵەکایەتی# تۆپباران کردەوە، بەوهۆیەشەوە زیانێکی زۆر بە ژینگەی ناوچەکە پوش و پەڵاشی شوێنەکە گەیاندووە.[3]
- داواکاری گشتی شاری بورسەی تورکیا، جارێکی دیکە داوای پارێزەرانی، بۆ بینینی #عەبدوڵڵا ئۆجەلان# ڕەتکردەوە، تائێستا 678 جار داوای بینینی ڕەتکراوەتەوە.[4]
- کۆمیسیۆنی باڵای سەربەخۆی هەڵبژاردن و ڕاپرسی بڕیاریدا کە کوردستانیانی نیشتەجێی وڵاتانی دەرەوە بەشێوەی ئەلیکترۆنی دەنگ بدەن.[5]