$باکووری کوردستان$
- لە چوارچێوەی لێپرسینەوەی قڕکردنی سیاسیدا لەبارەی ئەندامانی کۆنگرەی کۆمەڵگای دیموکراتی (#کەجەدە#) لە مەلەتی دوێنێ پۆلیس هەڵیکوتایە سەر ژمارەیەک ئەندامی #هەدەپە# و نزیکەی 6 کەسی دەستگیرکردبوو. ئەمڕۆش پۆلیسی داگیرکەری تورک هەڵیکوتایە سەر ماڵی ئەندام و بەڕێوەبەرانی هەدەپە و لە ئەنجامدا 5 کەس دەستگیرکران. لە دوێنێوە لە مەلەتی 11 کەس دەستگیرکراون.[2]
$رۆژهەڵاتی کوردستان$
- #کۆڵبەر#ێکی کورد بە ناوی ڕەحمەت ئەمینی خەڵکی گوندی دارمەکۆنی بەشی وەزنێی #سەردەشت#، بە تەقەی هێزە نیزامییەکانی حکوومەت پێکرا.[6]
- چالاکێکی مەدەنیی کورد بە ناوی ئەفشار فەتحی کوڕی ئەحمەد خەڵکی گوندی تەنگیسەر سەر بە ژاوەرۆی #سنە#، بۆ تێپەڕاندنی ماوەی زیندانییەکەی ڕەوانەی زیندانی ناوەندیی سنە کرا.[6]
$باشووری کوردستان$
- هۆزانەوان و نووسەر #ع. ع. شەونم#، خاوەنی سروودی جەژنە جەژنی کوردستانە جەژنی نەورۆز، ئەمڕۆ لە #سلێمانی# بەهۆی ڤایرۆسی کۆڕۆناوە گیانی لەدەستدا. تەرمەکەی برایەوە بۆ زێدی خۆی لە #هەڵەبجە# و لەوێ نێژرا.[1]
- وەزارەتی تەندروستی حکومەتی هەرێمی کوردستان ئاماری 24 کاتژمێری ڕابردووی بڵاوکردەوە و تۆمارکردنی 769 حاڵەتی نوێی ڕاگەیاند. بەگوێرەی ڕاگەیەندراوەکە، لە ماوەی 24 کاتژمێری ڕابردوو 19 کەس بەهۆی ڤایرۆسی کۆرۆنا لە هەرێم گیانیان لەدەستداوە.[1]
- بەڕێوەبەرایەتی ئاسایشی گشتی/ #هەولێر# ڕاگەیێندراوێکی لەبارەی کوژرانی بەڕێوەبەری ئاسایشی سەرزێڕی بڵاوکردووەتەوە و دەڵێت لەلایەن #پەکەکە#وە تیرۆر کراوە و پێشتریش هەڕەشەی تیرۆرکردنیان لێکردبوو.[3](بڕوانە فایلی پەیوەندیدار)
- ئەمڕۆ پڕۆسەی خوێندن لە هەرێمی کوردستان دەستپێدەکاتەوە و دەرگای قوتابخانەکانیش بۆ قوتابیانی پۆلەکانی یەک و دووی بنەڕەتی دەکرێتەوە.[5]
- لە سلێمانی لە ڕێورەسمێکدا تەلاری نوێی جان کۆفی کرایەوه و هەمان کات یەکەم براندی قاوەی کوردی بەناوی (قاوەی جان کۆفی) ڕاگەیەنرا.[4]
$دەرەوەی کوردستان$
- وەزارەتی دەرەوەی تورکیا پێشوازی لە ڕێککەوتنی نێوان حکومەتی عێراق و حکومەتی هەرێمی کوردستان لەبارەی #شنگال#ەوە دەکات.[3]
- وەزارەتی دەرەوەی ئوردن پێشوازی لە ڕێککەوتنی نێوان حکومەتی عێراق و حکومەتی هەرێمی کوردستان کرد بۆ ڕێککەوتنیان لەسەر ئیدارەدانی شنگال.[5]
- لە بەیاننامەیەکدا وەزارەتی دەرەوەی کۆماری میسر پێشوازی لە ڕێکەوتنەکەی نێوان هەولێر و بەغدا کرد، کە لەبارەی ئاساییکردنەوەی دۆخی شنگال لەنێوان هەردوولادا واژۆکراوە.[5]

یەکینەکانی تۆڵەی شەهید ساڤاش ئامەد ڕاگەیەنراوێکی بڵاوکردەوە و وتی، فاشیزمی ئاکەپە و مەهەپە کە تەنگەتاو دەبێت گۆشەگیری سەر ڕێبەرمان قوڕستر دەکات و بەم شێوەیە دەیەوێت ئیرادەی گەلەکەمان بشکینێت. لە هەر شوێنێک بێت گەلەکەمان لەدژی هێرشەکانی سەر ڕێبەرمان و بەهاکانی، بەرگری ڕەوا دەکات. ئەو چەتانەی کە وادەزانن گەلەکەمان بێخاوەنە، ڕۆژێک دێت لە بەرانبەر تۆڕەیی گەل تێکدەشکێن.
ڕاگەیەنراوەکە بەم شێوەیەیە:
ئەستەنبوڵ
8ی تشرینی یەکەم لە ناوچەی کادکۆی ئەستەنبوڵ دوو ئۆتۆمبێڵی فاشیستەکان، لە فیکیرتەپە ئۆتۆبۆسێک، لە 9ی تشرینی یەکەم لە بۆستانجی ئۆتۆمبێڵێک، لە شیرینئەڤلەر کارگەیەک و لە ساریەریش ئۆتۆمبێڵێک سووتێنران.
لە 9ی تشرینی یەکەم کارگەیەک لە ناوچەی پیشەسازی سوڵتان بەیلی و لە سانجاکتەپەش مارکێتێک سووتێنران.
لە 10ی تشرینی یەکەم لە کادکۆی، شیشلی، ئاڤجلار بە بۆمبی دەستی چالاکی ئەنجامدران.
ئامەد
لە 8ی تشرینی یەکەم لە مەلیئەحمەدی ئامەد هێزەکانمان تەقەمەنی دەستیان دروست کرد و خاڵێکی پۆلیسیان کردە ئامانج.
8ی تشرینی یەکەم لە دەرگای مێردینی سووری ئامەد ئۆتۆمبێڵی پۆلیسێک سووتێنرا.
9ی تشرینی یەکەم لە فارقینی ئامەد لە دوو شوێن بە بۆمبی دەنگی چالاکی ئەنجامدران.
وان
لە 9ی تشرینی یەکەمدا لە کەناری دەریاچەی وان لە ناوچەی ئەدرەمیت بە بۆمبی دەنگی چالاکی ئەنجامدرا. لە تووشباش لە سێ شوێن چالاکی ئەنجامدران.
لە ناوچەی ناوەندی وان چالاکی نووسین لەسەر دیوارەکان و هەڵواسینی ئاڵاکان ئەنجامدرا.
8ی تشرینی یەکەم دوو کەس سزادران کە خزمەتی دوژمنیان دەکرد.
ئەدەنە – مێرسین
9ی تشرینی یەکەم لە گەڕەکی مەرکەزی ئەدەنە بە دوو بۆمبی دەستی چالاکی ئەنجامدران.
9ی تشرینی یەکەم لە ناوەندی مێرسین و تەرسووس بۆ بۆمبی دەستی چالاکی ئەنجامدران.
ئێلح
8ی تشرینی یەکەم لە هەردوو گەڕەکی تەکەر چالاکی سووتاندن و داخستنی ڕێگا ئەنجامدرا.
9ی تشرینی یەکەم لە دوو شوێن بە بۆمبی دەستی چالاکی ئەنجامدران.
بەدلیس
9ی تشرینی یەکەم لە تەتوانی بەدلیس چالاکی بۆمبەیی ئەنجامدرا.[1]