$باکووری کوردستان$
- سزای ساڵێک و 6 مانگ زیندانی کردن بەسەر پەرلەمانتارێکی پێشووی #هەدەپە#دا ئایجان ئیرمەز سەپێنرا.[1]
- پارێزەرانی ئۆجالان به مەبەستی بینینی ئۆجالان، بۆ جاری 795مین داواکارییەکیان پێشکەشی سەرۆکایەتیی داواکاری گشتیی شاری بوورسا کرد.[3]
- سەرچاوە هەرێمییەکان بەئاژانسی هەواڵی فورات-یان ڕاگەیاندووە چەند تیمێکی تایبەتی سوپای داگیرکەری تورکیا لە گوندی ڕەمۆی سەربە هەرێمی چیای جوودی لە ناوچە ودەشتاییەکانی شڕنەخ دەستیان کردووە بەئۆپەراسیۆنی سەربازیی. ڕاگەیەنرا کە ئۆپەراسیۆنەکە 3ڕۆژە دەستیپێکردووە و چەندین کەس بە جلی مەدەنییەوە بەشداری لە ئۆپەراسیۆنەلەدا دەکەن.[1]
$رۆژهەڵاتی کوردستان$
- شەوی ڕابردوو، 9 کەس لە هاووڵاتییانی خەڵکی شاری #بۆکان# بە هۆی خواردنەوەی ئەلکولی ناستاندارد و دەسکرد، تووشی ژەهراوی بوون هاتن و خرانە ژێرچاوەدێری پزیشکییەوە.[4]
$باشووری کوردستان$
- ئەمڕۆ لە ساڵیادی ڕاپەرینە مەزنەکەی 5ی ئاداری 1991، لە شاری #کەرکووک# پیشانگەیەکی شێوەکاری لە لایەن بەڕێوەبەرایەتیی پەروەردەی کوردی لە کەرکووک بۆ مامۆستایانی هونەری شێوەکاریی کورد کرایەوە. لە پیشانگەکەدا زیاتر لە 65 مامۆستای پسپۆڕ لە هونەری شێوەکاریدا بەشداریان کرد. تابلۆکان گوزارشتیان لە ئازادی، شەڕی کورد دژی #داعش#، بەرخۆدانی #عەفرین#، بەرخۆدانی گەلی کورد دژ بە داگیرکاران و پێکەوەژیانی نەتەوەکان دەکرد.[1]
- پارتی و یەکێتی لیژنەیەکی هاوبەش پێکدێنن بۆ ئاساییکردنەوەی کەرکووک، لیژنەکە لە سبەینێوە چوارشەممە 06-03-2019 دەستبەکار دەبێ و هەفتەی داهاتووش دەچێتە بەغدا.[2]
- لە ئەنجامی شۆرتی کارەبا، کارگەی غازی شارۆچکەی #خورماتوو# ئاگری گرت و دوای کاتژمێر و نیوێک ئاگرەکە کۆنترۆڵ کرا، هیچ زیانێکی گیانیشی لێنەکەوتەوە.[3]
- لە گوندێکی نزیک شارەدێی سەرگەڕان بەهۆی کێشەی کۆمەڵایەتی لە نێوان دوو بنەماڵەدا کەسێک کوژراو و سێ کەسی تریش برینداربوون.[5]
$رۆژئاوای کوردستان$
- ئاژانسی هاوار ئێوارەی ئەمڕۆ بڵاوی کردەوە، کە چەتەکانی داعش بەردەوامن لە تەسلیمبوون بە #شەڕڤان#ان و ئەمڕۆش نزیکەی دوو هەزار چەتە خۆیان ڕادەستکردووە.[3]

بە گوێرەی ڕاگەیەنراوێکی ژووری چالاکییەکانی تووڕەیی زەیتوون، لەئەنجامیی تەقینەوەیەکدا لەباب 5چەتەکوژران و6چەتەی تریش برینداربوون.
لەراگەیەنراوەکەداهاتووە، ئەوتەقینەوە لەچوارچیوەی چالاکی تۆڵەسەندنەوە لەدژی داگیرکەرانی دەوڵەتی تورکیا لە#عەفرین#، ئیدلب، عەزاز وهەرێمەکانی باکووری سووریا ئەنجامدراوە و ئاشکرای کردووە:
هێزەکانی ئێمە ڕۆژی 5ی ئاداری 2019 لە شاری باب مۆتۆرسیکلتێکی بۆمڕێژکراویان بە ئۆتۆمبیلێکی چەتەکانی تورکیا تەقاندەوە، لەئەنجامی ئەوچالاکییەدا 5چەتەکوژران و6چەتەی تریش برینداربوون.
ماوەیەک پیش ئیستا ئێمە خەڵکی مەدەنی-مان ئاگادارکردبووەوە کە خۆیان لەبارەگا وشوێنی چەتەکانی دەوڵەتی تورکیا دووربگرن، چوونکە هەرکۆبوونەوێکی چەتەکان دەکرێنە ئامانج.
هەروەها چەتەکان ئاگاداردەکەینەوە کە لەخاکی پیرۆزی ئێمە دەربکەون یان دەخرێنە ژێرخاک.
ئێمەوەک ژووری چالاکییەکانی تووڕەیی زەیتوون، دووپاتی دەکەینەوە کە چالاکییەکانمان لەدژی داگیرکەران بۆیەک چرکەش ناوەستێت.[1]
#05-03-2019#

هێزەکانی ڕزگاری #عەفرین# دەربارەی چالاکی #شەڕڤان#انی خۆی لە عەفرین ڕاگەیەنراوێکی بڵاوکردەوە و ئاشکرای کرد کە چالاکییەکانیان لەدژی سوپای داگیرکەری تورکیا وچەتەکانی لەعەفرین و دەورووبەری بەردەوامە.
لە ڕاگەیەنراوەکەی هێزەکانی ڕزگاری عەفرینداهاتووە:
لەهەرێمی عەفرین ودەورووبەری لەدژی سوپای داگیرکەری تورکیا چەتەکانی لەڕێگەی بۆسەنانەوە، هێرشی تایبەت وهەڵکوتانەسەرداگیرکەراندا گورزی سەختمان لەدوژمن وەشاندووە. لەم چوارچێوەیەدا، لە ڕێکەوتی 4ی ئادارلەناوچەکانی سەربەعەفرین 2چالاکیی تایبەت لەدژی داگیرکەران ئەنجامدرا.
ڕۆژی 4ی ئادارلەدژی بارەگایەکی سەربازی سوپای تورکیای داگیرکەرلە گوندی باسلێ-ی ناوچەی شێراوای عەفرین چالاکیی ئەنجامدرا. لەوچالاکییەدا سەربازێکی سوپای تورکیا کوژرا و2سەربازی تریش برینداربوون.هەروەها زرێپۆشێکی سەربازی تێکشکا.
لەهەمان ڕۆژدا هێزەکانمان لەگوندی مەریەمێن-ی ناوچەی شەرای عەفرین لە دژی چەتەکانی بەرەی شامییە چالاکییان ئەنجامدا و لەئەنجامی ئەوچالاکییەدا 2 چەتە کوژران و4چەتەی تریش برینداربوون.[1]
#05-03-2019#