$باکووری کوردستان$
- لە دژی بنکەی سەربازیی زەمینیی گوندی ناڤیان لە شرنەخ چالاکییەک ئەنجامدرا. لە چالاکییەکەدا بە لانیکەمەوە 4 سەرباز و 3 جەردەوان برینداربوون.[2]
$رۆژهەڵاتی کوردستان$
- دوو #پێشمەرگە#ی #پژاک# بەناوەکانی هۆشمەند عەلیپور و محەمەد ئوستاد قادر لە شاری #سەقز# لەلایەن داگیرکەری ئێرانەوە دەستگیرکران.[5]
$باشووری کوردستان$
- ژمارەیەک پارێزەری خۆبەخش و ڕێکخراوی سەردەم کە تایبەتە بە جووتیاران، سکاڵایان لەسەر وەزیری بارزگانی عێراق تۆمارکردووە بەرامبەر بە پێنەدانی پارەی گەنمی جووتیارانی هەرێمی کوردستان، ئەمڕۆ یەکەم دانیشتنی دادگایی لە دادگای ئیداری لە بەغدا بەڕێوەدەچێت.[1]
- سەر لە بەیانی ئەمڕۆ لە شارەدێی #چوارقوڕنە#ی سەر بە ئیدارەی ڕاپەرین، کاسبکارێکی 44 ساڵان بەناوی سالار ئەرسەلان ئاگری لەجەستەی خۆی بەردا و پاشان گەیەندرایە نەخۆشخانە.[3]=KTML_Photo_Begin=https://www.kurdipedia.org/files/relatedfiles/2018/152201/0008.JPG=KTML_Photo_Alt=سالار ئەرسەلان=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152201/0008.JPG=KTML_Photo_End=
- لەسەر بڕیاری پارێزگاری سەڵاحەدین، ئەمرۆ پۆستی قایمقامیەتی دوز#خورماتوو# بە شێوەیەکی ڕەسمی درایە تورکمانێک کە لە بنەرەتدا پشکی کوردە، بە پێی زانیارییەکانیش تانەی قایمقامە کوردەکەی خورماتوو لە لایەن دادگای ئیدارییەوە ڕەتکراوەتەوە.[4]
- لە گوندی #زارگەلی# بە مەراسیمێک یادی شەهیدانی زارگەلی کرایەوە، کە سێ‌ ساڵ لەمەوبەر بەهۆی بۆردوومانەکانی تورکیاوە شەهید بووبوون.[3]
$رۆژئاوای کوردستان$
- سەرلەبەیانیی ئەمڕۆ چەتەکانی سەربە دەوڵەتی تورک، هەڵیانکوتایە سەر بازاڕی میللی لە #عەفرین#، دەوری بازاڕەکەیان گرت و پاشان دەستیان کرد بە تاڵانکردنی بازاڕەکە، هەروەها سێ هاوڵاتیاشیان ڕفاند.[3]
$دەرەوەی کوردستان$
- #کۆچەر بیرکار#، خەڵاتی فیڵدزی بواری بیرکاری، کە بە نۆبڵی ئەو بوارە دادەنرێت لەگەڵ سێ پڕۆفیسۆری دیکە لە بەرازیل بەدەستهێنا.[5]
- بەگوێرەی ئەنجامی ڕاپرسیەک کە ڕۆژنامەی (Die Welt)ی ئەڵمانی بڵاویکردۆتەوە بەشی زۆری ئەڵمانەکان دژی ئەوەن #ڕەجەب تەیب ئەردۆغان#، سەرۆک کۆماری تورکیا سەردانی وڵاتەکەیان بکات.[4]
- ئەمڕۆ وەزارەتی گەنجینەی ویلایەتە یەکگرتووەکانی ئەمریکا سزای لەسەر دوو وەزیری حکومەتی تورکیا سەپاند بەهۆی دۆسیەی دەستیگرکردنی قەشەیەکی ئەمریکی لە لایەن تورکیاوە.[4]
- وەزارەتی دەرەوەی تورکیا لە بەیاننامەیەکدا وەڵامی بڕیارەکەی ئەمڕۆی وەزارەتی گەنجینەی ئەمریکا دایەوە کە سزای دوو وەزیری حکومەتی ئەنقەرەی داوه و ڕایگەیاند ئیدانەی ئه و بڕیارەی ئەمریکا دەکەن و دەشڵێت لە بڕیارە هەڵەکەت پەشیمان بەرەوە.[4]

ناوەندی ڕاگەیاندنی هێزەکانی پاراستنی گەل - #هەپەگە# دەربارەی دوایین چالاکییەکانی گەریلا ڕاگەیەندراوێکی بڵاوکردەوە کە ئەمە دەقەکەیەتی:
(سوپای کۆماری تورکیای داگیرکەر ڕۆژی 25ی تەمووز لە هەرێمی چەمی کارێی ناوچەی بەرواریی سەر بە سێرت دەستی بە ئۆپەراسیۆنێکی بەرفرەوان کرد. ئۆپەراسیۆنەکە هێشتا بەردەوامە. هێزەکانمان لە دژی یەکینەکانی دوژمن کە دەستیان بە ئۆپەراسیۆن کردبوو چالاکییان ئەنجامدا. چالاکییەکە لە چوارچێوەی هەڵمەتی شۆڕشگێڕیی شەهید دەلال #ئامەد# و شەهیدانی بەستادا ئەنجامدرا. بەم شێوەیە:
29ی تەمووز کاتژمێر 15 گەریلاکانی یەژا ستار (یەکینەکانی ژنی ئازاد) لە دژی سەربازانی دوژمن لەسەر گردی شەهید سۆرخوین، چالاکییەکیان ئەنجامدا. گورزی توندیان لە سەربازانی دوژمن دا و لە ئەنجامدا 3 سەرباز کوژران. سوپای تورکیای داگیرکەر هەمان ڕۆژ کاتژمێر 22:30 تەرمی سەربازەکانی خۆی بە کۆپتەری جۆری سکۆرسکی لە ناوچەکە هەڵگرتنەوە.
گەریلاکانی یەژا ستار ڕۆژی 30ی تەمووز کاتژمێر 17:30 لە سەربازانی سەر گردی شەهید سۆرخوینیان دا. گورزی کوشندە لە سەنگەرەکانی دوژمن وەشێندرا و سەربازێک کوژرا.
لە شرناخ سەربازێک کوژرا
هێزەکانمان لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری-دا، 31ی تەمووز کاتژمێر 21:30 لە دژی سوپای کۆماری تورکیای داگیرکەر لە ناوچەی دەروازەی #پێشمەرگە# لە هەرێمی گۆڤەندی دەڤەری #شەمزینان#ی جۆلەمێرگ چالاکییەکیان ئەنجامدا. لە چالاکییەکەدا سەربازێک کوژرا.
ئۆپەراسیۆنی سەربازی لە مۆتکی
سوپای تورکیای داگیرکەر ڕۆژی 28ی تەمووز لە هەرێمی خاچەرەشی ناوچەی مۆتکیی بەدلیس بە بەشداری ژمارەیەکی زۆری کۆتراکان (هێزەکانی دژە گەریلا) دەستی بە ئۆپەراسیۆن کرد. ئۆپەراسیۆنەکە ڕۆژی 31ی تەمووز بەبێ ئەنجام کۆتایی هات.
بۆمباران لە گارە
ڕۆژی 31ی تەمووز کاتژمێر 12:15، فڕۆکە جەنگییەکانی سوپای تورکیای داگیرکەر بۆمبارانی مەیدانی حەوتی تەباخی هەرێمی گارە-ی سەر بە هەرێمەکانی پاراستنی مەدیای کرد.[1]
#01-08-2018#