ناوی تەواوی سارا سەردار حەمەبەگە، لە #04-04-1985# ، لە شاری شیراز لە وڵاتی ئێران لەدایکبووە. خوێندنی ئامادەیی (وێژەیی) لەوێ تەواو کردووە و لە ساڵی 2004 گەڕاوەتەوە کوردستان و لە بەشی مێژووی گشتی #زانکۆی سەڵاحەدین# وەرگیراوە و بڕوانامەی باکالۆریۆسی بەدەست هێناوە. لە ساڵی 2015ەوە دەستی کردووە بە کاری رۆژنامەنووسی لە بواری مێژوو و شوێنەوار و کەلەپوور.
لە سەرەتادا نووسینەکانی زیاتر لە چوارچیوەی ڕاپۆرت لەسەر گرفتەکانی بواری شوێنەوار بووە، بەڵام دواتر بە مەبەستی زیاتر ناساندنی شوێنەوار و مێژووی کورد بە تاکی کورد، دەستدەکات بە توێژینەوەی مەیدانی و زانستی لەسەر مێژووی کۆنی کورد بە پشت بەستن بە هەبوونی شوێنەوار و بەڵگەی مێژووی و سەرچاوە، لە ئەنجامی زنجیرە توێژینەوەیەک کتێبی #ناسینەوەی کورد لە شوێنەواردا# دەنووسێت.
سارا سەردار لە ساڵی 2018 لەگەڵ چەند کەسێکی شارەزا و پسپۆڕ لە بواری شوێنەوار و ڕاگەیاندن و کاری ڕێکخراوەیی دەست دەکەن بە دامەزراندنی ڕێکخراوی کەونار بۆ پاراستنی شوێنەوار و کەلەپوور، کە مەبەستیان هاندانی خەڵکە بۆ زیاتر پاراستنی شوێنەوار و کەلەپوور. و چەندین پرۆژە جێبەجێ دەکەن. لە ئێستادا سارا سەردار بەردەوامە لەسەر کار و چالاکییەکانی لە بواری شوێنەوار و مێژووی کۆنی کورد و لە ماڵپەڕی باسکورد درێژە بە کارەکانی دەدات وە هەروەها ئەندامی ڕێکخراوی کوردیپێدیایە و لە سایتی کوردیپێدیاش بەردەوامە لە کارە ئەرشیڤوانەکانی.
[1]
ეს ელემენტი დაწერილია (کوردیی ناوەڕاست) ენაზე, დააწკაპუნეთ ხატულაზე
ელემენტის ორიგინალ ენაზე გასახსნელად!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ეს ელემენტი ნახულია 111,145 ჯერ
დაწერეთ თქვენი კომენტარი ამ საკითხთან დაკავშირებით!