نیعمەت عەبدوڵا سەرۆکی یەکێتی پەرلەمانتارانی کوردستان
بۆ بەڕێزان هاوسەرۆکان
بەڕێزان ئەنجوومەنی سەرکردایەتی
بەڕێزان ئەندامانی مەکتەبی سیاسی
ئەم ڕەوشە نەخوازراوەی کە یەکێتی نیشتمانی کوردستانی پێدا تێدەپەڕێت نەک هەر یەکێتیەکان بەڵکوو خەڵکی سەرتاسەری کوردستانی تووشی شۆک کردووە لەوەی کە بە چ هەقێک دوور لە پرەنسیپەکان و پەیڕەو پەنا ببردرێتە بەدەر لەو شەرعیەتە پەسندکراوانەی کۆنگرە بووەتە هۆی ئەوەی کە یەکێتی پشکی شێری گەندەڵی بەرکەووتووە لە حیزبێکی تۆکمەی خاوەن جەماوەری بەهێز بەرەوهەڵوەشانەوە بچێت ئەمەش بێگومان جێبەجێکردنی نەخشەو خەونی دەیان ساڵەی ناحەزەکانیەتی
بۆیە وا چاوەڕوان دەکرا لە پێش یەکێتیەکان سەرکردایەتی و مەکتەبی سیاسی هەڵوێست و دەستپێشخەریان هەبووایە سنوورێک بۆ بارودۆخە ناڕەواکە دابنێن ئەگەر ئەوان بێ دەنگی بنوێنن
ناچار دەیان هەزار ئەندام و لایەنگران بە جواب بێن بەرگری لە حزبی شەهیدان و هەزاران کەم ئەندا م و زیندانیانی سیاسی و دۆست لایەنگرو تێکۆشەران بکەن..
بە ئەرکی خۆمان دەزانین کە ئەم پێشنیارو ڕوونکردنەوانە بخەینە بەردەم کۆبوونەوەکانتان :
یەکەم : ئەو نەگبەتیەی ئەم جارە بەرۆکی یەکێتی گرتووە لەوانی پێشووتر مەترسیدارترە لێرەدا خودی یەکێتی بە ئامانج گیراوە بۆیە خوێندنەوەی دیکە هەڵناگرێ
دووەم : بمانەوێ و نەمانەوێ نەخشەو پلانی جەهەننەمی هەمەلایەنەی لە پشتە بە ئاگاو بێ ئاگایانە دەستی نێوخۆی یەکێتێ تێدایە کە دەبێت باجی هەڵوێستەکانی بدات
سێیەم : بۆیە کات و ئوسلووبی ڕووداوەکان خۆیان سەلمێنەرن کە نەخشەداڕێژڕاوە تەنیا شەڕی ئامۆزاکان نیە
چوارەم : چارەسەر تەنیا پاراستنی یەکێتیە نەک شین بۆ کەسەکان ڕێزگرتنی خوێنی زیاتر لە بیست هەزار شەهید و دەیان هەزار ئەنفالکراو ژەهر خواردوو و قوربایانی دیکە لە ئەستۆتانە کە بە دیاڵۆک و هەڤاڵانە کێشەکان تاوتوێ بکرێت
پێنجەم : ڕۆژی قسەوقسەلۆکی پەناو پەسێو و تۆمەت هەڵبەستن نیە هەڵوێست گرنگە بۆ هێورکردنەوە
شەشەم : شکستی یەکێتی زیان بە حزبەکانی دیکەش دەگەیەنێ لە پێشی هەمووان دیموکراسی
حەوتەم : ئەم ڕووداوانە مۆدیلێکی تازەن دوورن لە بەرنامەو بڕوای دامەزرێنەکانی لەسەرووی هەمووانەوە خوالێخۆشبوو #مام جەلال#....
هەشتەم : ًیەکێتیەکان هەردەم سیستەمی بنەماڵەیی قبوول ناکەن ئەمە نەریتی مام جەلال بوو بەڵام بەهەرحاڵ قبوول کرا لە پێناو پاراستنی حزبەکەیان
نۆیەم : کەسانی زۆر دڵسۆز و شارەزا هەیە بۆ هاوکاری و دۆزینەوەی ڕێگە چارە....
دەیەم ؛ وازهئنان لە دەرپەڕاندنی یەکئتیەکان لە پلەو پۆستە جیاوازەکان چونکە یەکێتی کەسی لێ زیاد نیە
تکایە با ویژدانتان حەکەم بێ..لەگەڵ ڕێزدا
وێنەیک بۆ یەکێتیکان بۆ پشتگیری
2021/8/3
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

لە ڕێککەوتی 17-10-2016 دەستەی باڵای یەکێتی پەرلەمانتارانی کوردستان هەڵوێست و چەندین پێشنیاری لەسەر پرسی ئەمرۆی کوردستان بۆرای گشتی خستە ڕوو.
یەکەم : پێشوازی گەرمی لە دەستپێکردنی ئۆپەراسیۆنی ڕزگارکردنی مووسل ی لە تیرۆرستانی داعشی کردو دەستخۆشی لە سەرکەوتنەکانی هێزی پێشمەرگەی کوردستان و سوپای عێراق کرد پرسە و سەرخۆشی ئاراستەی بنەمالەی شەهیدان و ڕێز و نەوازش بۆ شەهیدان و هیوای چاکبوونەوەی بۆ بریندارەکان خواست.
دووەم : لەم بارودۆخە ناسک و هەستیارەدا هەموو لایەنە سیاسیەکان هان دەدات کە ئەم قۆناغە بقۆزنەوە و سوود له و دەرفەتە وەربگرن بۆ ئەوەی بیر و بۆچوونەکانیان یەک بخەن و بەره و ئاشتەوایی هەنگاو بنێن لەپێناو بەرژەوەندی گەلەکەمان کە تاکە ڕێگایە بۆ گەیشتن بەسەرکەوتن سوود لە ئەزموونی یەکهەڵوێستی هێزی پێشمەرگەی کوردستان وەربگرن.
سێیەم : جارێکی تر داوادەکات لایەنە سیاسەکان پێکەوە کۆببنەوە و ڕەچاوی پێشهات و ئه و ئەگەرانە بکەن بۆ ڕووبەروو بوونەوە و ئامادەکاری پێویست ئەمەش بەوە ئەنجامی باشی لێ دەکەوێتەوە بۆ متمانە دروست کردن و لەرێگەی کارکردن بەپەلە بۆ کارا کردنەوەی پەرلەمانی کوردستان و ڕێکخستنەوە کاروباری حوکومەتی هەرێم پەککەوتنی دەزگای شەرعی کوردستان هیچ پاڵپشتیەکی یاسایی بۆ دەزگاکانی تری هەرێم نامێنێ دەکرێ دووای کاراکردنەوەی پەرلەمان لەرێگەی سازان و ڕێککەوتن پرسەکانی تریش چارەسەر بکرێن هێشتنەوەی ئەم بارودۆخە خزمەت بەگەلەکەمان ناکات.
چوارەم : سەبارەت بە قەیرانی دارایی یەکێتی پەرلەمانتارانی کوردستان جەخت لە سەرپرۆژە و پێشنیارەکانی دەکاتەوە کە خستووییتە بەردەم حوکومەتی هەرێم..
پێنجەم : دەربارەی چارەسەری مووچەی فەرمانبەران لە ڕێگەی کەمکردنەوەی پاشەکەوت و خەرج کردنی مانگانە بەبێ دوواکەوتن سەبارەت بە مووچەی خانەنیشان کە توێژێکی بەرفراوانی کۆمەڵگە دەکرێتەوە کە دووای سالانێکی زۆری خزمەت لەبری پاداشت بکرێنەوە ناکرێت پەراوێز بخرێن و مووچەکانیان بەرێژەی زۆر پاشەکەوت بکرێت کە ئەم مووچەیە تاکە ڕێگایە بۆ ژیان و گوزارانیان یەکێتی پەرلەمانتارانی کوردستان داوا دەکات خەرجکردنی مووچەکانیان مانگانە و پێش وەختی بۆ خەرج بکرێت و پاشەکەوتەکەشی کەمتر بکرێتەوە پشت گوێ خستنی مافی خانەنیشان ناهەقیەکی گەورەیە.
پێنجەم : دووپاتی پشتگیریکردن لە بارەی ڕێکخستنەوەی پەیوەندیەکانی هەرێم و حکومەتی فیدرال کرایەوە بەمەبەستی چارەسەرکردنی کێشەکان و هەماهەنگی لەرووی سیاسی و ئابووری و کۆمەلایەتی و پاراستنی بەرژەوەندی باڵای هەرێم کە یەک هەلویستی لایەنە سیاسیەکان گرەنتیە بۆ ئەوەی حوکومەتی فیدرال بەشێوەیەکی کاریگەرتر هەلسوکەوت لەگەل هەرێمی کوردستان بکات تا دەگاتە بڕوا بوونیان بە مافی چارەی خۆنووسینی گەلەکەمان.
یەکێتی پەرلەمانتارانی کوردستان
17-10-2016

کۆکردنەوە و ئامادەکردنی: عەلی توفیق هەورامی
لە بڵاوکراوەکانی یەکێتی پەرلەمانتارانی کوردستان

کۆکردنەوە و ئامادەکردنی: عەلی توفیق هەورامی
لە بڵاوکراوەکانی یەکێتی پەرلەمانتارانی کوردستان

سڵاو و ڕێز.
ئەم ڕەوشەی ئێستا عێراق پێیدا تێ دەپەڕێت لە دەرئەنجامی شکستخواردووی پرۆسەی سیاسیە بە تایبەتی لە ڕووی چارەسەرنەکردنی کێشە و گیروگرفتەکان و هەڵپەساردنی بۆ ماوەیەکی درێژ وای کرد ناڕەزایی و ڕق و کینە و ڕکابەری پەرەبسێنێ ناسەقامگیری ئەم ووڵاتە بگرێتەوە. سەرەڕای ڕووبەڕووبوونەوەی هێزە عێراقیەکان و هێزەکانی پێشمەرگە و پشتیوانانی هاوپەیمانی نێودەوڵەتی بەرامبەر بە تیرۆرستانی داعش هەرێمی کوردستان لە ڕێزی پێشەوەی ئەم بەرەنگاریانەیە کە هەڕەشەن لەسەر عێراق بە تایبەتی و جیهانیش بە گشتی لەم نێودانەدا هەرێمی کوردستان هەزاران شەهید و برینداری بەخشیوە لە بڕی ئەوەی حوکومەتی عێراق هاوکار و پشتگیری حوکومەتی هەرێمی کوردستان بکات لە ڕووی سەربازی کەچی نەک وەک پێویست هەر وای نەکردووە بەڵکوو ئەوە بۆ زیاتر لە دوو ساڵ دەچێ بەمەبەست بودجە و مووچەی هەرێمی کوردستانی بڕیوە و ئەمە پێشێلی ڕوونی دەستووری عێراقە سەرەڕای ئەوانەش جێ بەجێ نەکردنی مادەی 140ی دەستوور کە کلیلی چارەسەری زۆربەی کێشەکان، لەگەڵ ئەوەشدا واخەریکە شەراکەت و تەوافقی سیاسی پەکی بکەوێت لەم حالەشدا گەلی هەرێمی کوردستان بۆ ئەوەی دەرباز بێ لە قەیرانانە کە بەسەریدا سەپێنراوە، لە ڕێگەی پرۆسەیەکی دیموکراسی و شارستانی پەنا دەباتە بەر ئەنجامدانی ڕیفراندۆم، ئەم پڕۆسەیە پەیوەستە لەگەڵ پرینسپەکان و میساقی UN و یاسا نێودەوڵەتیەکان و بنەماکانی مافی مرۆڤ ئەم کارەی هەرێمی کوردستان، کوردیش میلەتێکە تایبەتمەندی کەلتور و شارستانیەت و زمان و ئەدەب و هونەری بیناسازی و ناو و زاراوەی تایبەت بۆخۆمان هەیە، تێگەیشتنی تایبەت بەخۆمان هەیە لە ژیان بۆ ژیان بە پێی هەموو پێوەر و بنەمایەکی یاسای نێودەوڵەتی کوردیش گەلە (شعب)، چاوەڕوان دەکرا کە UN پشتگیری بکردایە هەروەکو لە زۆربەی ووڵاتان ڕیفراندۆم بۆ سەربۆخۆی ئەنجامدراوە بۆ گەلی کوردستان لەم مافە بەدەر بێت، ئەم پرۆسەیە هەرێمی کوردستان لە ڕووبەڕووبوونەوەی مەترسیەکانی جینۆساید دەپارێزێت و کۆتایی دێنێ بە پشتگوێ خستنی داوا ڕەواکانی لە لایەن حوکومەتی عێراقی بۆیە #یەکێتی پەرلەمانتارانی کوردستان# داوا دەکات و چاوەڕوانین کە UN ڕۆڵ و ئەرکی خۆی بەجێ بهێنێ بۆ پشتگیری ڕیفراندۆم و هەر ڕێگا چارەیەک ئومێدبەخش بێت بۆ ویست و خواستی گەلی کوردستان و لە ژێر سەرپەرشتی UN.
یەکێتی پەرلەمانتارانی کوردستان
19-09-2017

راگەیاندنێکی بەپەلە
ئەمڕۆ هەرێمی کوردستان لە هەموو کاتێکدا بە ڕەوشێکی ناسک و هەستیاردا تێپەڕ دەبێت باشترین چارەسەر لەوەدایە کە پێویستە هەموو لایەک بەرپرسانە بێنە پێشەوە بۆ چارەسەری گیروگرفتەکان لە چوارچێوەی سازانی نیشتیمانی و سیاسی و یاسایی بە دیالۆگ دوور لە توند و تیژی و کاردانەوەی نا دروست لەو چوارچێوەدا پەنابردنە بەر هەر ڕێگایەکی تر جگە لە نەهامەتی و ناسەقامگیری هیچی تری لێ ناکەوێتەوە، خوڵقاندنی ئاڵۆزی و قەیران لە بەرژەوەندی میللەتەکەمان دانیە ڕووداوەکانی ئەم دوواییە ئەوە دەسەلمێنێ کە لێکترازان دەبێتە هۆی زیاتر شێواندنی دۆخەکە و ئاڕاستەیەکی نەخوازراوە و ناشارستانیە بە تایبەتی لە پەرلەمانتاران لە ڕێگەی سایتی ئەلیکترۆنیەکان و ڕێگرتن لە هاتوچۆیان مایەی ناڕەزایی یەکێتیەکەمانە و بارودۆخەکە زیاتر بەلاڕێ دەبات بەوەی پەرلەمانتاران بکرێنە ئامانج لە بری ئەوەی هەمووان ببینە بەشێک لە چارەسەر.
یەکێتی پەرلەمانتارانی کوردستان داوا دەکات و ئاواتە خوازە هەموو لایەک کە تەنیا دیالۆگ و تەبایی و یەکڕێزی دەمان گەیەنێتە ئامانجی گەلەکەمان بە تایبەتی لەو بارودۆخەی کوردستان و ناوچەکە پێیدا گوزەر دەکات.
یەکێتی پەرلەمانتارانی کوردستان
16-08-2015

ئاگاداریەکی بە پەلە بۆ ڕای گشتی
یەکێتی پەرلەمانتارانی کوردستان بەسەر سوڕمانەوە بڕیاری وەزارەتی خوێندنی باڵای پێگەیشت سەبارەت بە ئەژمارنەکردنی پلەی وانەی کوردی لە تاقی کردنەوەکانی پۆلی دوازدەی زانستی بۆ وەرگرتنی قوتابی لە کۆلێژەکانی (ئەندازیاری و پزیشکی و... هتد) کە بە بڕوای یەکێتیەکەمان لێدانە لە زمانی کوردی سەبارەت بە نزم بینینی زمانی دایک و ڕێ خۆشکردنە بۆ فەرامۆشکردنی وانەی کوردی هەر لە قۆناغی سەرەتاییەوە. لە کاتێکدا زمانی کوردی هەنگاوی زۆر چاکی بڕیوە لە زاراوەکانی زانستی و یاسایی و ئەدەبیدا.
جگە لەوەی بڕیارەکە سەرپێچیە لە دەستووری عیراق و یاسای زمانە فەرمیەکان، بۆیە یەکێتی پەرلەمانتارانی کوردستان ئەم بڕیارە ڕەتدەکاتەوە و داوا لە لایەنە پەیوەندارەکان دەکات فەرمانی پوچەڵ کردنەوەی بریارەکە بدەن.
لەگەڵ ڕێزدا...
یەکێتی پەرلەمانتارانی کوردستان
16-03-2017