لە ڕاگەیەنراوەکەدا ئاماژە بەوەکرا، لەگەڵ ئەوەی ڤایرۆسی کۆرۆنا لە هەموو جیهان بڵاوبووەتەوە، ئاکەپە دەستی بەسەر شارەوانیەکانی گەلی کورددا گرت، هەڵدەکوتێتە سەر ماڵی هاوسەرۆکی شارەوانیەکان، دەستگیریان دەکات. هەروەها دامەزراندنی قەیومەکانی لە شارەوانیەکان لە کاتێکدا کە ڤایرۆسی کۆرۆنا بڵاوبووەتوە شەڕمەزار کرد.
'دوژمنی مرۆڤایەتی'
کەجەدە ڕاشیگەیاند، لە کاتێکدا کە ژیانی مرۆڤ لە هەموو جیهان لەژێر مەترسیدایە، ئەوانەی کە لە خەیاڵی دوژمنایەتی کورد دەخەون و هەڵدەستن، بڕیارێکی دژی مرۆڤایەتیان مۆر کرد و ناویان وەک دوژمنی مرۆڤایەتی چووە لاپەڕەکانی مێژووەدا.
هەروەها باسی ئەوەکرا، گەلی کورد چۆن لە کۆچگری، #دەرسیم#، زیلان لەبەرانبەر ڕژێمی کەمالیست سەری دانەنەواند، ئەمڕۆش لەبەرانبەر فاشیزمی ئاکەپە – مەهەپە و عوسمانی نوێ سەری دانانەوێنێت و لەدژی فاشیزم بەرخۆدان دەکات.
لە ڕاگەیەنراوەکەدا بانگ لە پارتە ئۆپۆزسیۆنەکانی تورکیا کرا کە ڕژێمی قەیوم بە ڤایرۆسی کۆرۆنا هەموو وڵات بە تەواوی دیل دەگرێت. ئێمە، گەلی کورد و دۆستەکانمان بە تەنها پارێزەری بەهای دیموکراسی نین. مافی هەڵبژاردن، بەهای دیموکراسی و گەردوونی دووسەد ساڵە و بەهای هاوبەشی مرۆڤایەتین. ئەگەر بەهای هەموومان بێت، پێویستە بە هاوبەشی پارێزگاری لێبکەین.
لە ڕاگەیەنراوەکەدا بۆ ئاکەپە – مەهەپە باسی ئەوەکرا، بە زودترین کات دەستیان لە بەها، ئیرادە و شارەوانیە کوردیەکان بکێشنەوە.
کەجەکە داوای لە گەل کرد، لەسەر بناغەی یەکێتی نەتەوەیی بە بریارەوە خاوەنداری لە دەزگاکانانی سیاسەتی دیموکرات و سیاسەتمەدارانی خۆیان بکەن.[1]
#25-03-2020#

کۆنگرەی کۆمەڵگەی دیموکراتیک (#کەجەدە#) بە بۆنەی 8ی ئادار ڕۆژی جیهانی ژنانی زەحمەتکێشەوە ڕاگەیاندراوێکی بڵاوکردەوە. لە ڕاگەیاندراوەکەی کەجەدە دا هاتووە، ژنان لە مێژوودا هەموو کات لە دژی عەقڵییەتی پیاو بەرەنگارییان کردووە و ڕاپەڕیوەن.
راشیگەیاندووە ژنان لە مێژوودا بە سەرهەڵدان و ڕاپەرینەکانیان لە دژی عەقڵییەتی پیاو ئەوەیان سەلماندووە، کە هەرگیز سەریان دانەناواندووە و هەرگیزیش سەر داینانەوێنن.
کەجەدە سەرنجی خستە سەر گۆشەگیریی سەر #عەبدوڵڵا ئۆجەلان# ڕێبەری گەلی کورد و ڕایگەیاند گۆشەگیریی قورس لەسەر ئۆجالان، لە کەسایەتیی ئەودا بەسەر هەموو گەلانی ڕۆژهەڵاتی ناوەڕاست، تورکیا و کورستاندا سەپێنراوە. لەبەر ئەوەش دەبێت هەموو کەس لە دژی ئەو گۆشەگیرییە دەنگی خۆی بەرز بکاتەوە. بۆ ئەوەی گۆشەگیری تێکبشکێت دەبێت سیستمی ئیمراڵی هەڵبوەشێنرێتەوە. ئێمە تێکۆشانمان بۆ ئازادی بە پێشەنگایەتیی کلارا، سارا، سێڤێ، ئارین میرکان و ئاڤێستا خابور بەرەو پێش دەبەین و هەموو ڕۆژێک گەشتر و گەورەی تری دەکەین. ئێمە وەک کەجەدە لە دژی زوڵم، گوشار، کۆمەڵکوژی و سیاسەتی شەڕخوازانەی هەمەلایەنە بە ڕۆحی بەرخودانەوە بەرەنگاری دەکەین و بە دڵنیاییەوە سەردەکەوین. بەو بڕوایەوە ئێمە 8ی ڕۆژی جیهانیی ژنان پیرۆز دەکەین.[1]
#08-03-2020#

کۆنگرەی کۆمەڵگای دیموکراتیک (کەجەدە) بە بۆنەی مانگی ڕەمەزانەوە ڕاگەیەنراوێکی بڵاوکردەوە.
لە پەیامەکەدا باسی ئەوەکرا، هیوادارین مانگی ڕەمەزان بۆ کۆمەڵگای ئیسلامی ببێتە مایەی تەندروستی و بەرەکەت.
پەیامی کەجەکە بەم شێوەیەیە:
مانگی ڕەمەزانی پیرۆز، مرۆڤەکان ڕووبەڕووی بەهای سەرەکی ئیسلام دەکاتەوە و دەبێتە هۆی ئاشتی، خۆشک – برایەتی و پشتگیری. بەداخەوە هەندێک دەسەڵاتدار سەدان ساڵە بەهای ئایینی ئیسلام دەکەنە ئامێرێک بۆ سیاسەتەکانی زوڵمی خۆیان و بەم شێوەیە ڕۆژهەڵاتی ناوەڕاستیان بۆ گۆمی خوێن گۆڕیوە. ئەوانەی زوڵم دەکەن کێ دەبێ با ببێ، بە چ هۆکارێک سیاسەتی زوڵم ئەنجام دەدەن و چ ناوێکی لێدەنێن جیاواز نییە و پێویستە موسوڵمان لەدژی ئەو زوڵمە بووەستنەوە.
بە ناوی کەجەدە ئێمە وەبیریدەهێنینەوە کە ئایینی ئیسلام ئایینی ئاشتی، خوشک و برایەتی و گەشبینیە. بانگەوازیمان بۆ هەموو عالەمی ئیسلام ئەوەیە، پێویستە لە ئێستا بەدواوە ڕێگا نەدەین بەهای ئایینی ئیسلام بۆ بەرژەوەندیەکان خۆیان وەک ئامێرێک و ستەمی خۆیان بەکاربهێنن. دەتوانین بە فەلسەفەی ئاشتی و خوشک و برایەتی و گەشبینی ئایینی ئیسلام لە بەرانبەر عەقلی دەسەڵاتداری کە موسڵمان لەدژی موسڵمان، کورد لەدژی کورد و ئایینەکان لەدژی ئایینەکانی تر بەکار دەهێنێت، تێبکۆشین.
هیوادارین مانگی ڕەمەزان بۆ گەلەکەمان ببێتە هۆی ئاشتی و پشتگیری و تەندروستی. پێویستە ئێمە هەژارەکان لە ژمارەیان دەگاتە سەدان ەهزار کەس، مرۆڤی برسی لەبیرنەکەین و لەم مانگە پیرۆزەدا خۆمان لە جێگەی ئەوان دانێین و بێ ئەوەی کەسێک ئازار بدەین پشتگیری ئەوان بکەین. بەهیوای ئەوەی هاوکاری ئەو کەسانە دەکرێت کە پێویستیان بە هاوکاریە و هیوادارین مانگی ڕەمەزان ببێتە هۆی ئاشتی و ئارامی بۆ هەموو عالەمی ئیسلام.[1]
#24-04-2020#

کۆنگرەی کۆمەڵگای دیموکراتیک (کەجەدە) بە بۆنەی ساڵیادی کۆمەڵکوژی #دەرسیم# ڕاگەیەنراوێکی بڵاوکردەوە.
ڕاگەیەنراوەکە بەم شێوەیەیە:
کۆمەڵکوژی دەرسیم بە بنیاتنانی نەتەوە دەوڵەت دەستیپێکرد و سیاسەتی تواندنەوە و قڕکردنە و خوێناویترین هەنگاوە. کۆمەڵکوژی دەرسیم لە مێژووی کۆماردا هەنگاو بە هەنگاو پلانی بۆ داڕێژرا. لە ڕاپۆرتەکاندا ڕایانگەیاند، کە دەرسیم ڕۆژ بە ڕۆژ کوردیتر دەبێت و زۆر جار پیشنیاز بۆ دەستپێکردنی ئۆپەڕاسیۆن کرابوو. دوای ئەوەی ناوی دەرسیمیان بۆ تونجەلی گۆڕی، ڕادەستی موفەتیشی تایبەتی ئومومیە و ڕژێمی زۆردەستی فاشیت کرا. دوای ئەوە لە ساڵی 1937 بۆ 1938 کۆمەڵکوژی و نەفیکردن دەستیپێکرد.
ئێمە وەک کۆنگرەی کۆمەڵگای دیموکراتیک یادی بە دەیان هەزار عەلەوی دەکەینەوە کە لە ساڵەلانی 1937 و 1938 دا لە کۆمەڵکوژیەکدا، کوژران و جارێکیتر کۆمەڵکوژیەکە ئیدانە دەکەین. وەک هەموو کاتێک لەم کۆمەڵکوژیەدا گەلی کورد ئێش و ئازارێکی زۆری چێستووە. بۆیە پێویستە لێپرسینەوە بکرێت.
هیچ کۆمەڵکوژیەک نەیتوانیوە ڕێگری لە هێزی ئازادی و بەرخۆدانی گەل بگرێت. لەگەڵ ئەوەی ئەم کۆمەڵکوژیە بە تایبەتی بۆ کۆمەڵگای عەلەوی تراژیدیایەکی گەورەیە، بەڵام دەرسیم هەموو کاتێک بووەتە ئابڕۆی گەلی کورد.
بەم بۆنەیەوە ئێمە وەک کەجەدە بانگ لە ڕای گشتی دەکەیەن، ئەم کۆمەڵکوژیە کە بەرانبەر کۆمەڵگای عەلەوی ئەنجامدرا، لەدژی هەموو مرۆڤایەتی بوو. بۆ ئەوەی ئەنجامدەران کۆمەڵکوژیەکە ئاشکرا ببن، پێویستە لێکۆلینەوە لە ئەرشیفی کۆمەڵکوژیەکە بکرێت و پێکەوە دەنگمان بەرز بەینەوە. لە دەرسیم تاوانی مرۆڤایەتی ئەنجامدرا. نە تەنها ڕۆژی کۆمەڵکوژیەکە، بەڵکو تا ئەرشیفەکان و گۆڕستانەکان ئاشکرا نەکرێن، ئێمە بێدەنگ نابین.
بە بۆنەی کۆمەڵکوژیەکەی دەرسیم ئێمە وەک کۆنگرەی کۆمەڵگای دیموکراتیک داوا لە گەلەکەمان دەکەین، کۆمەڵکوژیەکەی دەرسیم لە بەرانبەر هەموو گەلی کورد ئەنجامدراوە. تا کورد وەک عەلەوی، سونی، ئێزدی، هاوکاری یەکتری نەکەن و یەکێتی نەتەوەی خۆیان بەهێز نەکەن، لەم جۆرە کۆمەلکوژیانە ڕزگاریان نابێت. لەبەر ئەوەش لەبەرانبەر سیاسەتی کۆمەڵکەژی، کۆچبەری، هەژاری و تواندنەوە، ئەرکی سەرەکی ئێمە دروستکردنی یەکێتی نەتەوەیی یە.[1]
#04-05-2020#

21ی شوبات ڕۆژی نێونەتەوەیی زمانی دایک لە هەموو گەلان و گەلی کورد پیرۆز بێت. ڕۆژی زمانی دایک بۆ گەلان ڕۆژی خاوەندارێتیکردنە لە زمان و کلتوریان.
کۆمەڵگا ژێردەستەکان لە چوارچێوەی پارادیگمای نەتەوەدەوڵەتدا بە ساڵان حسابیان بوونەکرا و بە ڕێبازی تواندنەوە هەوڵدرا لەناوببرێن. کۆمەڵگاکان ئەم ڕۆژە وەک جەژن، بەردەوامی هەبوونی خۆیان و گەڕان بەدوای مافی خۆیان و ڕۆژی بەرخۆدان دەبینن.
لە کوردستاندا سەد ساڵە جگە لە زمانی فەرمی تورکی، بەکارهێنانی زمانی کوردی قەدەغەکراوە. هەروەها لەگەڵ زمانی کوردی، زمانەکانی لازی، ئەرمەنی، عەرەبی و چەرکەزیش حسابیان بۆنەکراوە. بەم شێوەیە هەوڵدراوە ڕێگری لە پێشکەوتنی زمان بکەن. عەقلیەتی سەردەست لە سەر بناغەی لەناوبردندا سیاسەتی تواندنەوەی بەکارهێناوە.
زمان هۆکاری هەبوونی گەلان و کلتورەکانە. هەموو هێرشەکان لەدژی زمان بە واتای هێرشی سەر گەلان دێت.
مافی زمانی دایک مافێکی گەردوونیە و بناغەی ژیانە. هەرچەندە هێرش لە بەرانبەر زمانی کورد زیاد دەبێت، بەو ئەندازەیە بەرخۆدانیش گەورەتر دەبێت. تێکۆشان بۆ زمان بە واتای ژیانەوە دێت.
ئێمە لەسەر ئەم بناغەیە جگە لە زمانی فەرمی، ژیانێکمان دەوێت کە بتوانین بە زمانی خۆمان، دەلالەت لە خۆمان و کلتوری ئازادی خۆمان و بێ سیاسەتی تواندنەوە بکەین.
بەم هۆیەوە بانگ لە هەموو گەلانی خۆمان دەکەین لە گۆڕەپانی ژیانی سیاسی، کۆمەڵایەتی و هەموو ڕووەکانی ژیاندا بە زمانی کوردی قسە بکەن، لە بەرانبەر سیاسەتی لەناوبردن و ڕەتکردنەوە بەرخۆدان بکەن و بە هەڵوێستێکی نەتەوەیی ئاستی زمانی دایک بەرز بکەنەوە.
بەو بیر و بۆچوونەی کە ئێمە تێکۆشانی ئازادی خۆمان بخوڵقێنن، ڕۆژی زمانی دایک پیرۆز دەکەین.[1]
#21-02-2020#

لە مێژووی سەد ساڵەی ڕابردودا بۆ گەلی کورد پڕ بووە لە کۆمەلکوژی و ژینۆسایدی بێ حەساب کە هەمویان لەلایەن دەوڵەتانی داگیرکەرەوە لەهەمبەر گەلی ئێمە ئەنجامدراوە.
لەهەمانکاتدا ئەم سەدسالە بۆ ئیمە کە گەل هەوڵی ئەوەی داوە هەبونی خۆی بچەسپێنێت پیرۆزە و تا ئازادی خۆی مسۆگەر بکات،هەر بۆیە بووەتە مێژوێک پڕ لە قەهرەمانی وبەرخۆدانی.
لە سەر کۆمەڵکوژی #هەڵەبجە# کە بووەتە پەلێکی ڕەش لە نێو مێژوودا وهیچکات ئەم کۆمەلکوژییە لە بیرناکرێت.
ئەو کۆمەڵکوژییەی تەنها لە بەرانبەربەرانبەر گەلی کورد نەکرا بەلکو لە بەرانبەر هەمو مرؤڤایەتی و بەها مرۆییەکاندا کرا.
ئەو تاوانە مرۆییە هەتاهەتایە لە ناو مێژووی مرۆڤایەتیدا بمێنیت.
کۆمەلکوژی هەڵەبجە بە قڕکردنی #عەفرین# قووڵتر بووەتەوە
دیکتاتۆری سەردەم بە بەکار هێنانی هەمو جۆرە چەکی کیمیایی زیاتر لە 5 هەزار هاووڵاتی کوردی مەدەنی بە شیوازیکی نامرۆڤانە کوشت.
لە دوای دەرباز بونی 30 ساڵ بەسەر ئەو کارەساتە مرۆییەدا هێشتا برینەکانی هەڵەبجە هەمو جەستە و ویژدانی مرۆڤایەتی دەهەژینێت وبە قڕکردنی عەفرین ئەمکۆمەلکوژییە قوورستر بووەتەوە.
$کۆمەڵکوژی هەڵەبجە نە یەکەمی کۆمەلکوژییە ونە دوایین کۆمەلکوژی دەبێت بۆ گەلی کورد$
کۆمەلکوژی هەڵەبجە یەکەمین کۆمەلکوژی نییە و دوایین کۆمەلکوژیش نابێت کە لەلەیەن وەڵاتە داگیرکەرەکانەوە لە هەمبەر گەلی کورد ئەنجام دەدرێت.
ئەو پلانە لە چوارچێوەی پرۆژەی سەدەی 20دا دەستی پێکردووە،و ئیستاکە لە ئاستێکی هەرە سەختدا بەردەوام دەکات.
ئەو سیاسەتە بە ئامانجی قڕکردنی گەلی کوردئەنجام دەدرێت و بەردەوام خۆی نوی دەکاتەوە.
کۆچگرێ، ئاگری، زیلان، داراحێنێ، گورگۆم، قامیشلو، گازی، ڕۆبۆسکی، شەنگال،سوور، جەزیر، نسەیبین، سڵۆپی، شێرناخ و زۆرێکی دیکە لە شارەکانی کوردستان بە ئامانجی قڕکردنی گەلی کورد خاپور کراوون.
لە ئەمڕۆشدا لە عەفرین لە سەر هەمان ڕێچکە هێرشی هەمە لایەنە دەکەن بۆ کۆمەلکوژکردن و قڕکردنی گەلەکەمان.
بۆ هەمووان ئاشکرا بووە کە وەڵاتە داگیرکەرەکان سیاسەتی قڕکردنی گەلی کوردیان گردووەتە پێش و بە پاڵپشتی هێزە ئەمپڕیالیستییەکان خەریکی لەناو بردنی نەتەوەی کوردن.
هێزە ئیمپریالیستیە نێودەوڵەتییەکان دوێنێ لە هەڵەبجە و ئەمڕۆ لە عەفرین بونەتە شەریکی قڕکردن وکۆمەلکوژکردنی گەلی کورد.
هەمو مرۆڤایەتی شایەتی ئەوە دەدەن کە گەلی کورد لە مێژووی خۆیدا توشی دەیان کۆمەلکوژی و ژینۆساید بووەتەوە، بەڵام هیچکات بۆ وەدیهێنانی مافە ڕەواکانی پاشەکشێی نەکردووە.
بەرخۆدانی عەفرین سەلمێنەری ئەوەیە کە گەلی کورد بۆ پاراستنی ناسنامە و شۆناسی خۆی تا دوا هەناسە بەرخۆدان دەکات.
$بانگەوازی بۆ نەتەوە یەکگرتووەکان وڕێکراوە نێودەوڵەتییەکان: خاوەنداریەتی لە عەفرین بکەن$
لە سەر ئەو بیرو باوەرییەدا ئێمە جاریکی دیکە 30هەمین ساڵیادی کۆمەڵکوژی هەڵەبجە شەرمەزاردەکەین.
بۆ ئەوەی کە لە عەفرین کۆمەڵکوژیێکی دیکە وەک هەڵەبجە ڕوونەدات، لە سەرەتادا بانگەوازی ئاراستەی گەلەکەمان، هەمو کۆمەڵگەی نێودەوڵەتی، نەتەوە یەکگرتووەکان، یەکیەتی ئەورووپا و ڕێکخراوە نێودەوڵەتییەکان دەکەین خاوەنداریەتی لە عەفرین بکەن و هەمو هەوڵی خۆتان بخەتە گەڕ بۆ ئەوەی پێش لە کۆمەڵکوژی گەلی عەفرین بگرن.
دەبێت کۆمەڵگەی نێودەوڵەتی ئیزن نەدات هەڵەبجەێکی دیکە لە عەفرین ڕووبدات.
کۆنگرەی کۆمەڵگەی دیموکراتی- #کەجەدە#
#16-03-2018#

دیوانی سەرۆکایەتی کەجەدە-ئەوروپا ڕاگەیێنراوێکی بڵاو کردەوە وتی:فڕۆکە جەنگییەکانی دەوڵەتی تورکی داگیرکەر ئەمڕۆ گوندی دیگووری سەربە شارۆچکەی سنوونی سەر بە شەنگالی بۆردومان کرد. دەوڵەتی تورک کە سەرتاسەری کوردستان دەکاتە ئامانج، چەند جارێکی دیکە شەنگالی کردبووە ئامانج و خەڵکی مەدەنی کۆمەڵکوژ کردبوو.
دەوڵەتی تورکی فاشیست کە دەیەوێت ئەو قڕکردنانەی #داعش# ئەنجامی نەدا، تەواوی بکات و گەلی ئێزدی قڕ بکات.
ئەم کۆمەڵکوژییەی دەوڵەتی تورک لە دژی شەنگال کە دوژمنی مرۆڤایەتی، کلتوور، مێژوو و بیر و بڕواکانە، ئیدانە دەکەین.
ئێمە وەکوو کەجەدەکە-ئەوروپا بانگەوازییەک ئاڕاستەی گشت گەلەکەمان دەکەین کە بە ڕوحی یەکێتی نەتەوەیی هەڵ#سنە# سەر پێ و خاوەنداری لە شەنگال بکەن. ئێمە وەکوو کەجەدەکە-ئەوروپا و ناڤ-یەک ڕۆژی 18ی کانونی دووهەمی 2020 بە مەبەستی شەرمەزارکردنی کۆمەڵکوژی شەنگال کە لەلایەن دەوڵەتی تورکەوە ئەنجامدراوە و بۆ خاوەنداریی لە شەنگال، لە هەموو ناوچەکان چالاکی و ڕێپێوانی کاریگەر ساز دەکەین و بانگەوازی ئاڕاستەی گەل دەکەین کە بەشداری چالاکییەکان ببن.[1]
#15-01-2020#