مەکتەبی سیاسی یەکێتیی نیشتمانیی کوردستان، وێڕای ئیدانەکردنەوەی تیرۆرکردنی ڕۆژنامەنووس کاوە گەرمیانی و سەرجەم کارە تیرۆریستییەکانی هاوشێوەی و سەرلەنوێ دەربڕینی هاوخەمی بۆ کەسوکارو خانەوادەکەیان، بەپێزانین و ستایشێکی زۆرەوە چوونی هەڤاڵ مەحمود سەنگاوی ئەندامی مەکتەبی سیاسی بۆ بەردەم دادگا بەمەبەستی وەرگرتنی وتەکانی لە کەیسی تیرۆرکردنی ڕۆژنامەنووس کاوە گەرمیانیدا دەنرخێنێت کە سەرلەنوێ ئەو ڕاستییەی بۆ هەموولایەک سەلماندەوە یەکێتیی نیشتمانیی کوردستان پەرۆشی سەروەریی یاساو بەدامەزراوەییکردنی دەسەڵاتی دادوەرییە، بەکردەوە نەک تەنیا بەقسە.

ئەو هەڵوێستە بوێرانەیە کە خۆی لەخۆیدا وەڵامێکی بەجێیە بۆ ئەو هەڵمەتە ئیعلامییە ناڕەواو دوژمنکارانەیەی دەکرێتە سەر یەکێتیی نیشتمانیی کوردستان و بەردەوام لەبۆسەدایە بۆی، لە لایەکی دیکەشەوە خەمخۆری و دڵسۆزی هەڤاڵێکی تێکۆشەرو پێشمەرگەو خەباتگێڕێکی دێرینە بۆ چەسپاندنی یاساو پتەوکردنی حوکمی قانون لە هەرێمی کوردستان کە یەکێتیی نیشتمانیی کوردستان سەردەقشکێنیەتی و لە ئەولەویەتی ئامانجەکانیدا دایناوەو پێشتریش چەند ئەندامێکی مەکتەبی سیاسی و سەرکردایەتی لە کێشەی جیاجیادا چوونەتە بەردەم دادگا کە ئەوەش باوەڕبوونە بە سەروەریی یاسا.

بەناوی مەکتەبی سیاسییەوە دەستخۆشی لە هەڤاڵ مەحمود سەنگاوی دەکەین و ئەو هەنگاوەی بەرزدەنرخێنین کە جێگای ستایشە، چونکە سەلماندی ڕەوشت و هەڵوێستی پێشمەرگانە لەم سەردەمەدا تەنیا خۆی لە پارێزگاریکردن لە سنوورەکانی خاکی کوردستاندا نابینێتەوە، بەڵکو هاوتەریب بەم سەروەرییە پارێزگاری لە سەروەری یاساو ڕاگرتنی ئارامی و ئاشتەوایی کۆمەڵایەتیش لە هەر شوێن و جێگایەکی ناو خاکی کوردستاندا پێشمەرگایەتییە.

مەکتەبی سیاسی
یەکێتیی نیشتمانیی کوردستان
2014/1/8

ماڵئاوا پیاوە سەنگینەکەی شۆڕش و کوردایەتی و هاوڕێی بەئەمەکی ڕابەری کۆچکردومان هەڤاڵ #مام جەلال#...
بەداخ و پەژارەیەکی زۆرەوە هەواڵی کۆچی لە ناکاوی کەڵە شۆڕش گێڕی دیاری گەلەکەمان و هاوڕێی بە ئەمەکەی ڕابەری کۆچکردوومان جەنابی مام جەلال خولێخۆشبوو (مام #حەمید ڕەشاش#)م بیست. بۆ ئەم بۆنە خەمناکە لە ناخی دڵمەوە پرسە و سەرەخۆشی خۆم ئاراستەی تەواوی ئەندامانی بنەماڵە بەڕێز و تێکۆشەرەکەیان و هاوڕێ و هاوسەنگەرانی خوالێخۆشبووو دەکەم و بۆ ئەم خەمە لە ناخی دڵمەوە هاوبەشی خەمیانم.
خوالێخۆشبوو مام حەمید بە هەق تێکۆشەری سەر ڕاست و دیاری گەلەکەمان و دەڤەری #هەولێر# بوو. دڵسۆزێکی ڕاستەقینەی شۆڕش و گەل، پڕاوپڕ لە شکۆ و هەڵوێست و خۆنەویستی، سەربازێکی ونی ڕێگای ڕزگاری خاکی کوردستان بوو.
مام حەمید، بۆ گەلەکەی درێغی نەکرد و بۆ (ی.ن.ک)ش سەروەری زۆری بەجێهێشت، بۆ ئەم کۆچەی کۆڵێک خەم و پەژارە دایگرتین، برینیکی تر لە ناخماندا سەری کردەوە، بەڵام ڕێگای خەباتی ئەو، گەورەی بیر و ئامانجەکانی ئەو، دڵسۆزی و پاکی کەسێتی ئەو وامان لێدەکات هێندەی تر لەسەر ڕێبازی کوردایەتی بە جۆش و خرۆشتربین.
لە کۆتایدا، هەزاران سڵاو لە ڕۆحی بەرزە فڕت مام حەمید گیان، ڕێبازت ڕوون و پڕ ڕێبوار بێت، بەلێن بێت کێلی بەرزی مەزارتان دوورنمای خەباتمان بێت.[1]
انا للە و انا الیە ڕاجعون
برای دڵسۆزتان
مەحمود سەنگاوی
#21-01-2022#

دەقی پرسەنامەکەی مەحمود سەنگاوی:
بەداخ و پەژارەیەکی زۆرەوە هەواڵی کۆچی لەناکاوی هاوڕێ و هەڤاڵ و هاوسەنگەرمان، فەرماندە و تیکۆشەری دێرین، کەڵە شۆڕشگێڕی دیاری شۆڕشی نوێ، کادری سەنگین و بەویقاری (ی.ن.ک) خوالێخۆشبوو کاک(مستەفا سەرگەڵویی)م یست. بۆ یٔەم بۆنە خەمناکە لە ناخی دڵمەوە پرسە و سەرەخۆشی خۆم یٔاراستەی تەواوی یٔەندامانی بنەماڵە بەڕێز و تێکۆشەرەکەیان و هاوڕێ و هاوسەنگەرانی خوالێخۆشبووو دەکەم و بۆ یٔەم خەمە لە ناخی دڵمەوە هاوبەشی خەمیانم.
خوالێخۆشبوو کاک مستەفا، بە هەق تێکۆشەری سەر ڕاست و دڵسۆزێکی ڕاستەقینەی شۆڕش و گەل، پڕاوپڕ لە شکۆ و هەڵوێست و خۆنەویستی، تەیارێکی گۆڕەپانی نەبەزین و سەربازێکی ونی ڕێگای ڕزگاری خاکی کوردستان بوو.
کاک مستەفا، بۆ گەلەکەی درێغی نەکرد و بۆ (ی.ن.ک) و ئێمەش وەک هاوڕێ و هەڤاڵانی سەرەوەری زۆری بەجێهێشت، چەندە سەختە نوسینی من باسی مەزنی و گەورەیی و سەروەریەکانی کاک مستەفا بکات، بۆ ئەم کۆچەی کۆڵێک خەم و پەژارە دایگرتم، برینیکی تر لە ناخما سەری کردەوە، بەڵام ڕێگای خەباتی ئەو، گەورەی بیر و ئامانجەکانی ئەو، دڵسۆزی و پاکی کەسێتی ئه و وامان لێدەکات هێندەی تر لەسەر ڕێبازی کوردایەتی بە جۆش و خرۆشتربین.
لە کۆتایدا، هەزاران سڵاو لە ڕۆحی بەرزە فڕت کاک مستەفا گیان، ڕێبازت ڕوون و پڕ ڕێبوار بێت، بەلێن بێت کێلی بەرزی مەزارتان دوورنمای خەباتمان بێت.
انا للە و انا الیە ڕاجعون
برای دڵسۆزتان
مەحمود سەنگاوی [1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

شوێن: گوندی شێنی
رۆژ یان ساڵی گیرانی وێنەکە: 1980
کەسایەتییەکانی ناو وێنەکە: حەمید بچکۆڵ، شەهید #قاسم فەقێ عەلی#، #مەحمود سەنگاوی#.[1]

ئەمرۆ 10 ڕۆژ بەسەر بریاری دادگای کەلاردا بۆ دەستگیرکردنی تۆمەتبار مەحمود سەنگاوی تێدەپەرێ. ئەم بڕیارە لە پەیوەند بە تیرۆرکردنی کاوە گەرمیانیەوە لەلایەن دادگای ناوبراوەوە دەرکراوە. ئەو کە فەریقی سوپا و بەرپرسی مەلبەندی گەرمیانی یەکیتی نیشتمانی کوردستانە، دەبوو لەگەڵ دەرچوونی بڕیارێکی لەو جۆرەدا و ڕوبەڕوکردنەوەی ئەو تۆمەتە وەک هەموو تۆمەتبارێکی تر لەهەر شوێنێک ببینرێ دەست بەچی دەزگا ئەمنیەکان دەستگیری بکەن، نەک ئاوا بەئازادانە بسورێتەوە و لێداون بدات و پاساوی سەیر وسەمەرەی بۆ بدۆزریتەوە بۆ چونی بۆبەردەم دادگا. بە داخەوە جارێکی تر لە کوردستان دەردەکەوێت کە خودی یاساکان یەکسانی نێوان هاوڵاتیان لەبەردەم یاسادا پێ شێل دەکەن و مافی زۆرتر بە کاربەدەستانی حکومەت دەدەن. ئەم یاسایانە پێچەوانەی بنەما سادەکانی مافی هاوڵاتی بوونی یەکسانن و پێویستە لەکار بخرێن.
هەربۆیە ئیمە ئەو ڕێکخراوانەی لەخوارەوە ناومان هاتووە داوادەکەین کە:
１- دەستبەچێ فەریقی سوپای پێشمەرگە مەحمود سەنگاوی دەستگیربکرێ،و ڕێکاری یاسایی وەک هەموو خەلکێکی تر لە بەرانبەریدا بگیریتە بەر.
２- پێویستە حەسانەی بەرپرسیارێتی لەمەحمود سەنگاوی بسێندرێتەوە تا دواساتەکانی دادگاییکردنی، هاوکات پێویستە وەزارەتی پێشمەرگە ڕادەستی یاسای بکات چونکە لەلایەن دادگای بەرایی کەلارەوە وەک تۆمەتبار بەکوشتنی کەسێک ناوی هاتووە، یەکێتی نیشتیمانی کوردستان پێویستە بە کردەوە نەک بە گوفتار بیسەلمێنێت کە ڕێز لە یاسا دەگرێت و بەرپرسەکانی خۆی لەسەروو یاساوە دانانێت.
３- بەهۆی نەبونی هیچ پێشینیەکی جیبەجێ کردنی یاسا بەسەر بەرپرسانی پارتی و یەکیتی، هاوکات بەجیهانیبونی کەیسی شەهید کاوە و گرنگی لای ئەو هەزاران خەلکە ئازادیخوازەی 20 ڕۆژە نارەزایەتی بۆ دەردەبڕن داوا دەکەین دۆسیەی تیرۆری شەهید کاوە دادگایی کردنی تۆمەتباری ناوبراو بە تەواوی بە ڕووی میدیادا کراوە بێت.
４- داوا دەکەین خەلکی کوردستان بەگشتی و دەڤەری گەرمیان بەتایبەتی پشتگیری و بەشداری خۆپیشاندانی بنەمالەی شەهید کاوە بن کە لە ڕۆژی 29ی ئەم مانگە لەبەردەم دادگای کەلاردا ئەنجامی دەدەن.
هەروا لیرەدا ڕای دەگەیەنین کە ئیمە لەگەل چەندین ناوەندو ڕیکخراو و کەسانی چالاکی داکۆکیکار لە ئازادی و مافی مرۆڤ ناڕەزایی سەرتاسەری لە ئەورپا و کوردستان بریار وایە لە5ی مانگی جانیوەری لەیادی یەک مانگەی تیرۆری شەهید کاوە دا بە بەشداری هەموو لایەک ئەو نارەزاییانە لە پێناوی وەستاندنی تیرۆر لە کوردستان، کە ماوەی 22ساڵە بە دەیان دەنگی ناڕازی و ئازادیخوازیان لێ دابڕیوین، بەرفراوان و گەورەتر بکرێن.
با لە ئەورپاوە لە گۆڕەپانی پایتەختەکان تا کوردستان لەبەردەم دادگا و مەکتەب سیاسی و ئاسایشی یەکیتی، بە دەنگی یەکگرتوومان تیرۆرکردن و سەرکوت ئیندانە و ڕیسوا بکەین.
ئیمزاکان
1/گروپی 17 شوبات / ستۆکهۆلم
2/کوردستان فۆرم لەبەلجیکا
3/دەستەی کەمپینی ئازادی بۆ سەید ئەکرەم / بادینان
4/رێکخراوی تێکۆشان بۆ هوشیارئ و کەلتوری میدیا /دهۆک
5/رێکخراوی کەسکا / ئەورپا
6/رێکخراوی ڕەنگەکان بۆ ئازادی / هەولیر
7/ گروپی کوردانی بەلجیکا بۆ داکۆکی لەماف و ئازادئ خەلکی کوردستان
8/رێکخراوی ماد / سوید
9/چاودیری کوردۆساید / چاک
10/خانەی ئازادی / هۆلەندا
11/سەنتەری کورد/ ئەمەریکا بۆ ئازادی ڕادەربرین K.A.C.F.E فێرجینیا
12/رێکخراوی گەشەپیدانی خەلک (کوردستان) PDO
13/کۆمەڵەی کورد لەسکۆنە/ سوید
14/کەمپینی بەرگری لە ئازادی و خواستەکانی خەڵکی کوردستان_دانیمارک
15/گروپی داکۆکی لە مافە مەدەنیەکانی خەڵکی کوردستان/ کەنەدا
16/ ڕێکخراوی ڕزگاری ژن لە عێراق
17/ڕێکخراوی کۆمەلگای کورد لەلەندان
- 28-12-2013

شوێن: نەزانراو
رۆژ یان ساڵی گیرانی وێنەکە: هەشتاکامی سەدەی بیستەم
کەسایەتییەکانی ناو وێنەکە: سەمەد ئۆمەربلی، شەهيد #حوسێن مەنسور#، #مەحمود سەنگاوی#، فارس گەڵاڵی، کوردۆ قاسم.[1]

لەسەر سکالای خانەوادەی ڕۆژنامەنوس کاوە گەرمیانی وبە تۆمەتی تیرۆرکردنی کوڕەکەیان، دادگای بەرایی کەلار لە ڕۆژی (19\12\2013) بەپێی مادەی (406) لەیاسای سزادانی عێراقی بڕیاری دەستگیرکردنی بۆ مەحمود سەنگاوی دەرکردوە، لەگەڵ ئەوەی ناونیشان و شوێنی نیشتەجێبوونی تۆمەتبارەکە دیارە، بەڵام تا ئێستا دەستگیر نەکراوە و خۆشی نەچۆتە بەردەم دادوەر. لەسەر ئەمەش لێدوان و بیانوی جیاجیا چ لەلایەن تۆمەتبارەکە و چ لەلایەن یەکێتی نیشتمیانی و لایەنە پەیوەندیدارەکانەوە لە ڕێی میدیاکانەوە گوێبیست دەبین.
ئێمە لە سەنتەری کورد-ئەمریکا، نیگەرانین لەوەی دەسەڵاتی جێبەجێکردن خەمساردانە مامەڵە لەگەڵ بڕیاری دەستگیرکردنی تۆمەتباری تیرۆرکردنی ڕۆژنامەنوس کاوە گەرمیانی دا بکات، هەروەها نیگەرانیشین بەهەر بیانوێکەوە بێت، یەکێتی نیشتیمانی تەگەرە بخاتە بەردەم دەستگیرکردنی مەحمود سەنگاویەوە، کە ئەندامی مەکتەبی سیاسی حزبەکەیانە، بیانوی بەدەستنەگەیشتنی بڕیاری دادگاش بە تۆمەتبار، بیانوێکی بێبنەمایە و وەک هەڵاتن لە یاسا حسابی بۆ دەکەین، چونکە دەقی بڕیارەکە سەرباری ناردنی بۆ تۆمەتبار، هاوکات لە زۆربەی میدیا نێوخۆیەکانیشدا بلاوکراوەتەوە.
دەستگیرنەکردنی تۆمەتباران و دادگایی نەکردنی بکوژانی ڕۆژنامەنوس کاوە گەرمیانی، بەر لە هەرشتێک بێبایەخکردنی یاسا و دەسەڵاتی دادوەریە لە هەرێمی کوردستان، هاوکات پێشێلکاریەکی گەورەی ئازادی کار و سەلامەتی ڕۆژنامەنوسان و ئازادی بیرورادەربڕینە، ئەمەش لە ناوەندە نێودەوڵەتیەکانی مافی مرۆڤ بەشێوازێکی خراب بەسەر حکومەتی هەرێم و لەنێو حزبە سۆسیال دیموکراتەکانیشدا بەسەر یەکێتی نیشتیمانیدا دەشکێتەوە.
ئێمە لە سەنتەری کورد- ئەمریکا، ڕایدەگەیەنین، لە هەوڵەکانمان بەردەوامین بۆ ئاگادارکردنەوەی ناوەندە بڕیاربەدەستە نێودەوڵەتیەکان و ڕێکخراوە تایبەتمەندەکانی ڕۆژنامەوانی و مافی مرۆڤ و ئازادی ڕا دەربریِن، لە تیرۆرکردنی کاوە گەرمیانی و هەموو فشارێکیش دەگرینەبەر بۆ دادگایی کردنی پلاندانەر و بڕیاردەر و بکەری تیرۆرکردنەکە لەبەردەم دادگایەکی سەربەخۆی ناوەخۆ یان دەرەکیدا.
لەگەڵ ئەوەی سەنتەری کورد – ئەمریکا پێشتر تەواوی ناوەندو ڕێکخراوە نێودەوڵەتیەکانی جیهانی لەدۆسیەی تیرۆرکردنی کاوە گەرمیانی ئاگادار کردەوە، ئێستاش لەپەیوەندی بەردەوامدایە لەگەڵ هەریەک لەڕێکخراوەکانی "هیومان ڕایتس ۆچ "HRW"، کۆمیتەی بەرگریکردن لە ڕۆژنامەنوسان "CPJ"، ڕێکخراوی ئەمنیستی ئەنتەرناشناڵ"AMNESTY"، و ڕێکخراوی پەیامنێرانی بێسنوور"RSF"، پەیمانگای ڕاگەیاندنی نێودەوڵەتی "IPI" و چەندیدنی تریش، بەدەنگەوە هاتنیشیان بۆ بانگەوازی سەنتەرەکەمان لە ئەمریکا، جێی ئومێدە و چاوەڕوان دەکرێت لە ڕۆژانی داهاتوودا کاردانەوەی ئەو ناوەند و ڕێکخراوانە دژ بە تیرۆرکردنی ڕۆژنامەنوس کاوە گەرمیانی و دەستگیرنەکردنی تۆمەتباران و دادگایی نەکردنیان ڕابگەیەنرێت.
بەو هیوایەی سەرۆکایەتی هەرێمی کوردستان و ئەنجومەنی وەزیران و داواکاری گشتیش، ڕۆڵی ئیجابیانە و بەرپرسیارانەی خۆیان لە بێلایەنی لێکۆڵینەوەکان و سەربەخۆیی دادگا و پرۆسەی دەتسگیرکردنی تۆمەتباراندا ببینن، بەر لەوەی لە ژێر فشاری نێودەوڵەتیدا ئەم داوایەیان لێبکرێت، یان دۆسیەکە بگاتە (راپۆرتی خولی گشتگیر) کە بڕیارە لە مانگی مارسی داهاتودا لە شاری ژنێف بە ئامادەبوونی زیاتر لە 100 وڵاتی جیهان نمایش بکرێت.
سەنتەری کورد - ئەمریکا بۆ ئازادی ڕادەربڕین (K.A.C.F.E)، سەنتەرێکی سەربەخۆی قازانج نەویستە، لەلایەن نوسەران و ڕۆژنامەنوسان و چالاکوانانی کورد لە هەرێمی ڤێرجینیای ئەمریکا دامەزاروە، ئامانج لەکارەکانی ئەم سەنتەرە بەرگریکردنە لە ئازادی ڕادەربڕین و ئازادی کاری ڕۆژنامەنوسی و گەیاندنی هەر پێشێلکاریەک دژ بە تاکی کورد لەو ڕوەوە بە ناوەندە نێودەوڵەتیەکان، ئەم سەنتەرە لەلایەن چەند ناوەندو ڕێکخراوێکی ئەمریکی و نێودەوڵەتی پشتیوانی دەکرێت.
سەنتەری کورد-ئەمریکا بۆ ئازادی ڕادەربڕین (K.A.C.F.E)
ڤێرجینیا – ئەمریکا
26\ 12\ 2013

ئەڤ بابەتە ب ستانداردی کوردیپێدیا هێشتا نە دروستە و پێدڤی ب داڕشتنەکا بابەتی و زمانی هەیە!

[1]

- 1967 بووەتە ئەندامی پارتی
- 1976 پەیوەندی بەشۆڕشی نوێوە کردووە
- 1977 بووەتە پێشمەرگەی یەکێتی
- ئەندامی مەکتەبی سیاسیی یەکێتی و سەرپەرشتیاری مەڵبەندەکانی #گەرمیان#ە. [1]