سەرۆکێ هەرێما کوردستانێ #نێچیرڤان بارزانی# ئێرشا درۆنی یا ل سەر خانیێ وەلاتیەکی ل گوندێ زەرگەزەوی یێ هەولێرێ شەرمەزار کر و داخواز ژ بەغدایێ کر کو سینۆرەکی ژ بۆ ڤان ئێرشان دەینە.
سەرۆکێ هەرێما کوردستانێ نێچیرڤان بارزانی ئیرۆ 7ێ نیسانێ د پەیامەکێ دە راگهاند: “ئەز ب توندی ڤێ ئێرشا تەرۆریستی شەرمەزار دکم کو دەرەنگیا شەڤا بۆری ب درۆنی ل سەر مالا وەلاتیەکی ل گوندێ زەرگەزەوی یێ سەر ب پارێزگەها هەولێرێ پێک هات و مخابن د ئەنجامێ دە دو هەڤژین شەهید بوون.”
نێچیرڤان بارزانی د پەیاما خوە دە سەرساخی ژ مالبات و کەسووکارێن شەهیدان رە خواست و گۆت: “ئەز ب دل و جان هەڤپارێ خەما وانم. ژ خوەدایێ مەزن داخواز دکم کو جانێ وان ب رەحم و مهرابانیا خوە شاد بکە و ئارامیێ بدە مالباتا وان.”
سەرۆکێ هەرێما کوردستانێ تەکەز کر، ئەڤ جورە ئێرش ب چ ئاوایی نایێن قەبوولکرن و ب تەمامی تێن رەدکرن. هەروها نێچیرڤان بارزانی بانگ ل حکوومەتا فەدەرالا ئیراقێ کر کو ئەرک و بەرپرسیاریا خوە یا ژ بۆ رێگرتنا ل ڤان تاوان و ئێرشێن تەرۆریستی بجی بینە.
نێچیرڤان بارزانی د داویا پەیاما خوە دە دەستنیشان کر کو دڤێ ئەڤ دەستدرێژیێن ل سەر خەلکێ سڤیل و بێگونەهێ هەرێما کوردستانێ ئێدی نەیێن دوبارەکرن. [1]
$تێبینی:$ بابەت ب ژێدەرێ ئاماژە پێکری هاتیە نڤیساندن و کوردیپێدیا توو دەستکارییەک نەکرییە.