ناڤ: وەیسی
ناڤێ بابی: ئاخر
ساڵا ژدایکبوونێ: 2002
ڕوژا برینداربوونێ: #24-03-2026#
ڕوژا شەهیدبوونێ: #07-04-2026#
جهێ ژدایکبوونێ: گوندێ سەردەریا سەر ب ناحیا گردەسێن
جهێ برینداربوونێ: چیایێ سپیلک سەر ب ئیدارەیا سەربخۆیا #سۆران#
جهێ وەغەرا داویێ: #هەڤلێر#
$ڕاگهاندنامەیا وەزارەتا پێشمەرگە$
وەزارەتا پێشمەرگە یا حکوومەتا ھەرێما کوردستانێ ب داخویانیەکێ راگھاند کو ئیرۆ، سێشەمبێ 07-04-2026ێ، پێشمەرگەیەکی دن یێ کو د ئێریشا مووشەکی یا ئیرانێ دە بریندار ببوو، پشتی 15 رۆژان ل نەخوەشخانەیێ شەھید بوو.
ل گۆری داخویانیا فەرمی یا وەزارەتێ، پێشمەرگەیێ ب ناڤێ وەیسی ئاخر سەعید شێروانی، کو ئەندامێ فرقەیا پێنجێ یا پەیادە یا فەرمانداریا دەڤەرا یەکێ بوو، ژ بەر گرانیا برینێن خوە ل نەخوەشخانەیەکا ھەولێرێ ژیانا خوە ژ دەست دا. شێروانی یەک ژ وان برینداران بوو کو د ئێریشا 24ێ ئادارا 2026ێ دە ل سینۆرێ سۆرانێ ھاتبوو ئارمانجگرتن.
د بەربانگا رۆژا 24ێ ئادارا 2026ێ دە، ھێزێن ئیرانێ ب شەش مووشەکێن بالیستیک ئێریش بربوون سەر دو بنگەھێن جودایێن ھێزێن پێشمەرگە (فرقەیا حەفتێ و فرقەیا پێنجێ) ل دەڤەرا سۆرانێ.
د رۆژا ئێریشێ دە 6 پێشمەرگە شەھید بووبوون و 03 پێشمەرگە ژی بریندار ببوون. لگەل شەھیدبوونا وەیسی شێروانی، ھەژمارا شەھیدێن ڤێ ئێریشێ گھیشت 7 کەسان.
وەزارەتا پێشمەرگە د داخویانیا خوە دە، تەڤی سەرساخیا ژ بۆ مالباتا شەھید و گەلێ کوردستانێ، جارەکە دن ب توندی ئێریشێن ب ڤی رەنگی شەرمەزار کرن. وەزارەتێ ئەڤ ئێریش وەکی کریارێن “نەرەوا” ل دژی ھێزێن پێشمەرگە و خەلکێ سڤیلێ ھەرێما کوردستانێ بناڤ کرن و تەکەز کر کو ئەڤ دەستدرێژی ئارامیا ھەرێمێ دخە مەترسیێ. [1] [2]