تاخەکێ زورینە کوردە، ل باژێڕێ حەلەب
$ناڤ$
ناڤێ وێ ڤەدگەڕێت ژبو زانایەکی ئیسلامی ئێ کورد کو ماڵباتا وی ل چیایێ سیدە (گرەکە کو ئەو تاخ لسەر هاتییە بنیاد نان) ئاکنجی بوون. وێ ماڵباتێ دوو کوڕ ھەبووینە، ناڤێ ئێک ژ وانا مەقسوود بوو و ئەوێ دن ناڤێ وی تەھا بوو. مەقسوود لسەر گرێ شێخ مەقسوود ئاکنجی بوو، لەوما ئەو ناڤ کەتە سەر. کوڕێ دن ل دەڤەرەکە نزیکی وێ ئاکنجی بوو کو نها ب شێخ تەھا تێ نیاسین، کو تاخەکێ جیرانێ شێخ مەقسوودە.
$هەڵکەفتییا جوگرافی$
تاخێ شێخ مەقسوود دکەڤیتە باکوورێ حەلەبێ، لسەر بڵنداهییەکێ کو تەڤا باژێڕی لێ دیارە، کو ل دۆڵەکە کویردا لسەر ھەردوو کەنارێن ڕووبارێ قوەیق درێژ بوویە، کو ل باکوور ب ئالییەکی دوورپێچ ب وی باژێڕەیدا تێدەپەڕیت و بەرەڤ باشوور دچیت. ل ڕوژھەڵات ب ھێڵا شەمەندەفەر تێ دیاری کرن کو باژێڕێ حەلەب ب خاکا تورکیا و ل باشوورڤە ب گۆڕستانا کریستیان و گۆڕستانا سەربازێن فەڕەنسی ڤە دبەستیت.
$دیرۆک$ $شەڕێ ناڤخۆیێ سووریا$
ل دەمێ شەڕێ ناڤخۆیی ئێ سووریادا، یەکینەیێن پاراستنا گەل (#یەپەگە#) کۆنترۆڵا ئەوی تاخەی گرتە دەست. دوویر ل وی تاخێن کو کورد تێدا دژیان، شێخ مەقسوود کەتە بەر ئێرشێن بەرەی نووسرە و گرووپێن ئیسلامی ئێن ئۆپۆزسیۆن، کو ئەو تاخ ل تەڤا ئالیان ڤە هاتبوو دورپێچ کرن ژبلی باشوور و ڕوژئاڤا، هەیا کوو ل حوزەیرانا 2016 ژ ئالێ ھێزێن لایەنگرێن حکوومەتا ئەسەد ڤە هاتنە دەرکرن، سەرباری ھەبوونا شەڕی دگەل گرووپێن ئیسلامی ئێن ئۆپۆزسیۆن ل ڕوژھەڵات.
گرووپێن ئیسلامی ئێن ئۆپۆزسیۆن، چەندین جاران شێخ مەقسوود بۆردوومان کر، کو بوویە سەدەما وێرانبوونا موڵک و ماڵ و برینداربوون و مرنا وەڵاتییان. ل مەها ئایارا 2016، ڕێڤەبەرێ ھەرێما سازییا لێبورینا نێودەوڵەتی ئیماژە ب وێ چەندێ کر کو ئێرشێن سەر شێخ مەقسوود «تاوانێن جەنگینە». ل ناڤەڕاستا حوزەیرانا 2016، ھێزێن سووریا دەموکرات ،کو (یەکینەیێن پاراستنا گەل) ئێکە ل پێکھاتێن وانا کو ژ ئالێ ئەمریکا و ڕووسیاڤە دهاتە پشتەڤانی کرن، ھێزێن ئۆپۆزسیۆنا سووریا تۆمەتبار کرن ب کوشتنا پتر ل 40 وڵاتیێن مەدەنی ل وێ مەهێدا و ب گشتی 1000 وەڵاتیێن مەدەنی، ب ڕییا بۆردوومان کرنا شێخ مەقسوودڤە. [1] [2]