ناڤ: زەردەشت
ناڤێ بابی: جەبار محەمەد
ساڵا ژدایکبوونێ: 1989
جهێ ژدایکبوونێ: #دەربەندیخان#
$ژیاننامە$
ل ساڵێن نۆهەد ئێن سەدساڵا بیستەم پشکدارییا چەندین شانۆگەری و ئۆپەرێتێ زارۆیان و درامایێن تەلەفیزیۆنی کرییە دگەل ستافێ دەستەیا هونەری یا گەرمیان.
ساڵا 2004 دەست ب نڤیسینێ کرییە ل بوارێ ئەدەبیاتا چیرۆک و ڕۆماناندا و ل ڕوژنامەیان بەڵاڤ کرییە ژبەر هۆگرییا زور ژبو خوەندنێ نیڤیا پارەیێ ڕوژانەیا کرێکارییا خوە ب پەرتووکان دایە.
ساڵا 2005 پەیوەندی دکەت ب دەستەیا چالاکڤانێن دەربەندیخان و پشکدارییا زورینەیا خوەپیشاندان و ناڕەزایەتیێن دەڤەرێ دبیت ب ڕییا مەدەنی و دوویر ل حزبایەتی.
ساڵا 2010 پشتی خولەکە یەک مەهی دبیتە کارمەندێ ڕێڤەبەرایەتییا دەزگەهێ مین ل کوردستانێ و بو ماوێ پێنج ساڵان ل کێڵگەهەکە میناندە کار دکەت ل تەڤا سنوور و دەڤەرێن کوردستانێ.
ژبەر حەزا وی بو خاک و نشتیمان و یەک پارچەییا خاکا کوردستان دگەل دوو هەڤاڵێن خوە ساڵا 2014 بەیاننامەیا ئاشتی و هەماهەنگیێ دگەهیننە پەرلەمانێ کوردستانێ بو پاڵپشتییا #کۆبانی# ب ڕییا چالاکییەکە ب پێ چوونێ ل باژێڕێ دەربەندیخان بو #سلێمانی# و کۆمبوونێ دگەل ئەندامێن پەرلەمان و پشترە ئەڤ داخوازییە کەتە بوارێ جیبجی کرنێ و هێز بەرەڤ کۆبانێ ب ڕێ کەت.
ساڵا 2018 ژبەر خرابییا ژینگێ دەڤەرێ گرووپا (ژیانەوەی سرووشت) ژبو ژینگە و پەروەردەیێ دادمەزرینیت دگەل دەستەیەک ل هەڤاڵێن ژینگە پارێزێن دەربەندیخان ل هەردوو ڕەگەز و کۆمەک خوەبەخش ماوێ پێنج ساڵان ب بەردەوامی کار دکەن ل بوارێ کەسک کرن و پاککرنا جهێن گشتی و سیمینارێن پەروەردەیی و کەمپینێن بەخشینا هەزار پەرتووکێن خوە بوو خەلک و پەرتووکخانەیان و هاریکاری کرنا زارۆیێن خوەدی پێدڤیێن تایبەی و کارێ خێرخازی و چاندنا هزاران نەمامان ژبو جهێن گشتی و هەوڵدان ژبو ب کلتوور کرنا پەرتووک و خوەندن و بەرەڤ پێشبرنا بەرهەمێن ناڤخوەیی.
ل بوارێ نڤیسیندا خوەدی سەدان گوتار و چیروک و بابەتێن پەروەردەیی و هوشیارییە و بەرهەمێ نڤیسینا وی دوو پەرتووکێن چاپ نەکرینە.
ساڵا 2019 پشکداری دکەت ل خولەکە چەند هەفتەیی یا ڕێکخراوا مەها سوور یا ئیراقی ب مەرەما فێربوون و پەرەپێدان ب بوارێ فریاگوزاریێن سەرەتایی و ئامادەکرنا تیما تەنگاڤییا کارەساتان.
ساڵا 2017 ئێکەم پێگەها فەرمی و لاپەڕەیا ئینسایکلۆپیدیا ل تۆڕێن جڤاکی دادمەزرینیت ب ناڤێ (مێژووی دەربەندیخان) ژبو پاراستن و ئەرشیفکرنا دیرۆکا دەڤەرێ و ب هزاران بابەتێن ئەرشیفی و دیروکی بەڵاڤ دکەت ئەو لاپەڕەیێ کوو هەیا نها 2025ێ یا بەردەوامە.
ساڵا 2020-2023 زورترین چالاکیێن مەیدانی هەبووینە ل چارەسەرکرنا کێشەیێن باژێڕێ دەربەندیخانێ ب مەیدانی و کرداری ل ڕییا ئیدارەیا باژێڕێ ژبو باشترکرنا خزمەتگوزاریێن سەرەتایی.
ساڵا 2022 دەستەیێ چالاکڤانێن سەربەخوە ئێن دەربەندیخانێ درووست کرییە دگەل دەهان چالاکەڤانێن باژێڕێ و تایبەت ب بوارێن خزمەتگوزاریێن سەرەتای و چێکرنا ڕییا مەرگ و تمام کرنا پاڵاوگەهێن ئاڤا دەربەندیخان و نیژەنکرنا هۆڵێن نەشتەرگەریێ ل دەربەندیخان و کەرتێ کارەبێ و ب دەهان چالاکییان فشار لسەر دەسەڵاتێ درووست کر.
هەمان ساڵێ بیروکەیا ڤەکرنا پیشانگەهێ قوربانیێن ڕییا مەرگ ژبو ماوێ شەش ڕوژان و ڤەگوهاستنا ئەڤان چالاکییان لسەر قوماشەکێ سەد مەتری بو باژێڕێ سلێمانی و ئەنجوومەنا وەزیران و بانگهێشتکرنا وەزیرێ دارایی ژبو دەربەندیخان و کۆمبین دگەل کاربدەستێن حکومەت و گرتنا تونێلا دەربەندیخان وەک دەربڕینا ناڕەزایەتییەکێ.
پشترە ل ساڵا 2023 مانگرتنا مەزن ڕاگهاند و دگەل دەستەیێ چالاکڤانان، شەقامێ گشتیێ باژێڕێ گرت و خیڤەت هەڵدان بو ماوێ 33 ڕوژان ب چالاکیێن مەدەنی ب مەرەما تمام کرنا خزمەتگوزارییان.
سەرەنجام پشتی هەژدە ساڵان ل کارێ چالاکی و شەڤنخوونی و هەوڵدان و قوربانییا ژیانێ ل مەهە 10یا ساڵا 2023 ل بەیاننامەیەکێدا ب ئێکجاری ماڵئاڤایی ل تەڤا بوارێن چالاکییان کر، ژ دەربەندیخانێ دەرکەت و نها 2025 ل سلێمانیێ ئاکنجییە. [1] [2]