کاروانێ جیهاز ل ساڵا 1960 ل #سلێمانی# ژدایک بوویە، ساڵا 1983 چەکێ بەرگری ل شەرەفێ هەلگرت و پشتی چارساڵ ل خەبات، ڕوژا #21-03-1988# ل #شاناخسێ# ب چەکێ کیمیایی ب سەختی بریندار بوو، وی دەمەی ڕە ناسناڤێ جیهاز ژێ ڤەبوو و بوویە کاروان کیمیایی، ژبو وەرگرتنا چارەسەر، گەهەندنە نەخوەشخانەیێن تەهران ل ئیرانێ و پشترە ساڵا 1990، وەکە پەنابەر گەەشتە هۆڵەندا. کاروانێ جیهاز ژبلی کوو ل خانەوادەیەکە تێکۆشەر و شۆڕشگێڕا باژێڕێ سلێمانیێ بوون، هەر زوو د ژیێ چەند ڕوژی دە بابێ وی شەهید بوویە و ئەو ب خوە ژی هەر زوو تێکهەڵی خەباتا نهێنی و ڕێکخراوەیی بوویە دگەل کۆمەڵەیا ڕەنجدەرێن کوردستانێ و پشترە بووەیە پێشمەرگەهێ #یەکێتیی نیشتمانیی کوردستان# ل مەڵبەندا دوو، ژبەر کوو پێشمەرگەکێ ژیربوو، ل سەرکردایەتیێ کارێ بێتەل و جیهاز ژێڕە هات سپاردن هەیا ڕوژا کوو برینداربووی، کاروان هەمیشە پێشمەرگەکێ خونەویست و دڵسۆز بوو، دایکا وی ل کۆڕەوا ڕاپەڕینا ساڵا 1991 شەهید بوو . کاروانێ جیهاز ل هۆڵەندەش، ئەندامەکێ چالاکێ (کۆمیتەیا ڕێکخستنا بەنەلۆکس) یا (ی.ن.ک)ێ بوو و ماوەیەک ژی وەکە لێپرسراوێ کەرتێ ڕێکخستنا ئەمستردام و ئەرکێ کارگێڕییا کۆمیتێ پێ هات سپاردن، هەروەسا کاروانێ جیهاز ڕوڵەک بەرچاڤ هەبوو دگەل ڕێکخراوێن کوردی ئێن کۆمەڵگەها مەدەنی، ماوەیەک ئەندامێ لیژنەیا سەرپەرشتیی مەڵبەندا ڕەوشنبیری یا کوردی یا ئەمستردام و یانەیا کوردی یا میدیایا ئەمستردام بوو، هەیا ڤەگەڕیانا ب ئێکجاری ل #14-03-2005# ژبو کوردستانێ.
کاروانێ جوانەمەرگ، ل دادگەها باڵایا تاوانێن ئیراقێ ، ئێکەک بوو ل شاهیدێن زندی ئێ بکارئانینا چەکێ کیمیایی ژئالێ ڕژێما ئیراقێ و بەرکەتی و شاهیدحاڵەکێ کو ژبو هەنبەری عەلی حەسەن مەجید بەرنیاس ب عەلی کیمیایی بو ئیدانەکرنێ ئامادەی رونیشتنا دادگاهێ بوو.
هەروەسا کاروان شاهیدەکێ، دادگەهی کرنا بازرگانێ هۆڵەندی (فرانس ڤان ئانرات) بوو، کوو کو پێکهاتەیا چەکێ کیمیایی ب ڕژێما سەدام حسێن فرۆتبوو، ل دادگەها نێڤدەوڵەتییا لاهای، پڕۆسەیا دادگاییکرنا فرانس ئەنرات و د حوکمدانا ئێکەمجار یا ڕوژ #23-12-2005# ب 15 ساڵان هات حوکمدان.
پشترە ل دادگاییکرنا دووهەمجاردا ڕوژێن 02 و 04 و11 و 16 و 25-04-2007 و 09-05-2007 کاروانێ جیهاز ئامادە بوو، کاروان ل ڤێ دادگایکرنێ دژبەری فرانس فان ئەنرات شاهیدی دا و ئەو بوو وکوو زیندانا 15 ساڵی بوویە 17 ساڵ. کاروان ل دەستپێکا ساڵا 2015 بارێ تەندرووستییا وی ڕوژ بو ڕوژێ بەرەڤ خرابیێ دچوو، لەوما ژبو چارەسەریێ ڤەگەڕیا هۆڵەندا، ل باژێڕێ لیواردن ئاکنجی بوو، ب مخابنی ڤە ڕوژ #26-11-2015# ل نەخوشخانەیا باژێڕێ خرۆنیگن وەغەرا داویێ کر. [1] [2]