ئەنداما دەستەیا دامەزرێنەرا #پارتی کرێکارانی کوردستان# ل ساڵا 1957 ل باژێڕێ #دێرسیم# ژدایکبوویە. پشتی کودەتایا سەربازی یا تورکیا ل #13-03-1971# دچیتە ڕیزا تەڤگەرا گەنجێن شۆڕشگێڕ.
پاشان لناڤ ڕیزا شۆڕشگێڕێن کورددا دەمینیتڤە.
ساکینە جانسز وی دەمەی لناڤ گرووپا ئاپۆچیاندە درێژە ب خەباتێ ددەت کو ل شۆڕشگێڕێن کوردستانێ و تورک پێکهاتبوون و ژ ئالێ ڕێبەرێ بەندکری یێ #پەکەکە# عەبدوڵڵا ئۆجالان ڕە دهاتە سەرۆکایەتی کرن.=KTML_Photo_Begin=https://www.kurdipedia.org/files/relatedfiles/2013/74786/0018.JPG=KTML_Photo_Alt=ساکینە جانسز=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2013/74786/0018.JPG=KTML_Photo_End=
پشترە ل باژێڕێ #ئەلعەزیز# دژبەری چەتەیێن وی باژێڕەی چالاکییان دکەت، وێرێ ل تاخێن (فەوزی چاکماک، یڵماز باغڵەر) کو زوربەیا وانا کوردێن عەلەوینە خەباتێ دکەت و گرنگییا نەتەوەیی یا کوردان ب بنەما دادنێت و ڕۆڵەک بەرچاڤ دبیت ل رێکخستنا لاواێن کورددە.
ساکینە جانسز ل ساڵا 1978دا خەباتا ڕێکخستنا گەنجان بڕێڤەدبەت. ل باژێڕێ دێرسیم و دەردۆرێ وێ بەشدارییا خەباتا ڕێکخستنێ دکەت. هەڤدەم ل دامەزراندنا پارتییا کرێکارێن کوردستانێ PKK دا وەکە شۆڕشگێڕەکە ئاکتیڤ و پڕۆفسیۆناڵ ئەرکێن خوە ڕادپەڕینیت.
ژنە شۆڕشگێڕا کورد ساکینە جانسیز ل #27-11-1978# دا پشکدارییا ئێکەمین کۆنگرەیا دامەزراندنا پارتیا کرێکارێن کوردستان PKK دەبیت و ل ساڵا 1979 دا ل باژێڕێ ئەلعەزیز دچیت ڕیزا هەڤاڵێن خوە.
ل کودەتایا #12-09-1980# دا ل زیندانی #ئامەد# دژبەری هەموو ئەشکەنجە و گوشارێن ناڤا زیندانێ سازش ل ناسنامەی ئاپۆچێتیو PKK بوونا خوە ناکەت. ل بەندیخانەیێن ئەلعەزیز، ماڵاتیا، ئامەد، بورسا، چەناککه، هەیامەک زور دەمینیت و ل ساڵا 1991دا ل زیندانێ ئازاد دبیت.
پشترە ب ئالییەک چالاک پشکدارییا ڕێزێن تەکۆشەرێن کورد دبیتت. دچیتە ئەکادیمایا مەعسوم کۆرکماز و پەروەردەیا ئایدۆلۆژی و سەربازی وەردگریت کو ژ ئالێ ڕێڤەبەرایەتیا PKK دهات سەرپەرشتی کرن. هەر لوێرێ بەشدارییا ئێکەمین کۆنفرانسا زیندانیێن سیاسی دبیت. ماوەیەک ل فەڵەستین، سووریا و ڕۆژئاڤایێ کوردستانێ دمینیت. پشترە دچیتە چیایێن کوردستانێ و بەشدارییا تەکۆشینا گەریلایەتیێ دکەت و ل کۆنگرە و کۆنفرانسێن تەڤگەرا گەنجێن و PKKدە پشکدار دبیت و پشترە دچیتە ئەوروپا و کار و خەباتا ڕێکخستنی ل وڵاتێن ئەوروپا ڕێڤە دبەت.
ژنە تەکۆشەرا خەباتا ئازادیخوازا ژنێن کورد و ئەنداما دەستەیا دامەزرێنەرا PKK ساکینە جانسز دگەل دوو هەڤاڵێن خوە ب ناڤێن (فیدان دۆغان و لەیلا سۆیلەمەز) ل #09-01-2013# ل پاریس و ل ئەنجاما ئێرشەک چەکداری هاتن تەرۆر کرن.[1]