ناڤ: پۆڵا
ناسناڤ: نانەوازادە
ناڤی بابی: هاشم نانەوازادە
ناڤێ دایک: حەلیمە حەبیبپەنا
ساڵا ژدایکبوون: ساڵا 1955
جهێ ژدایکبوون: #مەهاباد#
ڕوژا وەغەرا داویی: #25-02-2024#
$ژیاننامە$
ماموستا پۆڵا نانەوازادە ساڵا 1955 ل باژێڕێ مەهاباد، ل ڕوژهەڵاتێ کوردستانێ ژدایک بوویە. خوەندنا خوە یا سەرەتایی و ناڤەندی ل مەهاباد تمام کرییە، پشتڕە ل بەشا کیمیا یا زانینگەها تەهرانێ هاتییە وەرگرتن، لێ ژبەر کاروبارێن سیاسی نکاری لسەر خوەندنا خوە یێ بەردەوام بیتن ل زانینگەهێ.
ساڵا 1979 دگەل پازدە کەسێن دن ل ئێکەم سەرهڵدانا ڕوژهەڵاتێ کوردستانێ، ژ ئالێ حکوومەتا شایێ ئیرانێ ڕە دهێتە دەستەسەر کرن و داخوازا حوکمێ سێدارێ ژێڕە دهێتە کرن لێ ژبەر پەرەسەندنا شوڕەشا گەلێن ئیرانێ پشتی چارمەهو نیڤان ل زیندانێ دهێتە ئازاد کرن. ڕوژا 22ێ ڕێبەندانا ساڵا 1979 کو ب ڕوژا سەرکەتنا شوڕەشا گەلێن ئیرانێ تێ نیاسین ل چەککرنا پێنج پێگەهێن سەرەکە یێن هێزێن ڕژێما شایێ ئیرانێ دناڤا باژێڕێ مەهاباد و دەردۆرا وێدە ڕوڵەک سەرەکە هەبوویە و ئەڤ کارە بوویە دەستپێکا ژیانا پێشمەرگاتییا پۆڵا و ماوێ 15 ساڵان ل هەردوو حزبێن دێمۆکڕات و پارتا ئازادی یا کوردستان دا چالاکیێن سیاسی هەبووینە.
پۆڵا کوڕی هاشمێ نانەوازادە شاعیرێ بەرنیاسێ دەڤەرا موکریانە و زور درەنگ و ل ژیێ 55 ساڵێدە دەست ب نڤیسینا هەلبەستان کرییە، لێ ژبەر تۆمار کرنا هەلبەستێن خوە و بەڵاڤ کرنا وانا ل ڕییا توڕێن جڤاکی زور زی کەتییە بەر دلێ خەلک و جڤاکا کوردستانێ و ل ئەدەبیاتا بەرگری یا نەتەویی دا بوویە خوەدی جهو پێگەهەک تایبەت ب خوە.
پۆڵا ماوێ 37 ساڵان ل وڵاتی سوید دژیا و هەر لوی وڵاتەی ژی خانەنشین بوو و ئاواتا ڕزگارییا کوردستانێ و ڤەگەڕیانا وی ژبو زێد و نشتیمانێ نەهاتە دی و ئەڤ چەندە ل زەربەیا هەلبەستێن ویدە ب ڕوونی یا دیارە.
پۆڵا ساڵا 1993 بەشەک ل هەلبەستێن بابێ خوە بناڤێ لال بەدەستان ل وڵاتێ سویدێ چاپ کر و هاوارا سەربەخۆیی ناڤێ دیوانا هەلبەستێن وی بخوەیە کو ساڵا 2021 ل پەرتووکخانەیا زانکۆ ل #هەڤلێر# هات چاپ کرن. [1]