فیستیڤاڵی زستانی کوردستان لە قوتابخانەی وایزی ناحکومی شاری #سلێمانی# بە شێواز و کلتوری کوردەواری بەڕێوەچوو، ئەم قوتابخانەیە سێ لقی سەرەکییە و لە باخچەی منداڵان تاوەکوو ئامادەیی تێدا دەخوێنرێت، ساڵانە لە مانگی 12 ئەم فیستیڤاڵە لە سەرجەم بەشەکان دەکرێتەوە، وەک زیندووکردنەوە و هێشتنەوەی نەریتی باب و باپیرانمان و ئاشناکردنیان بە نەوەکانی داهاتوو، فیستیڤاڵەکە پێک هاتووە لە بەشی جلوبەرگ و ڕازاندنەوەی شوێنەکان بە شێوازی فۆلکلۆری وەک دیوەخانی کۆن و حوجرەی کۆن، و چایخانە و شوێنی وشکە فڕۆشی و چەندین خواردەمەنی کوردەواریی پێشکەش بە میوانەکان دەکرێت وەک: کەلانە و ترخێنە و گەنمەکوتراو و پاقلەی کوڵاو و شێلمی کوڵاو و دۆی کوردی و چەندین چالاکی پێسکەش دەکرێت وەک، بوکەبەبارانە بە شێوازی کۆن و هۆنراوە و هەڵپەڕکێ کوردەواریی و ناساندنی شاعیران و مەتەڵ و پەند و بەشی خەنەبەندان و چەندین چالاکی دیکە.
هەروەها بەشێک لە فیستیڤاڵەکە تەرخان دەکرێت بۆ وێنە و کارە دەستییەکانی قوتابییان و بەهەمان شێوە بە شێوازی فۆلکلۆری دیزاین دەکرێت و دەڕازێنرێتەوە.
ئەمساڵ 2024 بۆ شەشەمین ساڵ فیستیڤاڵەکە بەڕێوەچوو لە ڕۆژی #22-12-2024# [1]