عیزەدین فەیزی کەسایەتییەکێ مەزنێ نشتیمانی و ڕووناکبیرەکێ کوردستانێ یە و ل چەند ئالییەکێن جودا دە خزمەتا زور ب گەل و نشتیمانا خوە کرییە.
عیزەدین فەیزی عەبدوڵڵا عەبدولباقی ناڤێ وی یێ تمامی یە و ئەڤ کەسایەتیێ مەزن ب عیزەدین فەیزی یێ بەرنیاسە. ب بنەجهی دچنە سەر زانایێ ئایینی یێ ناڤدار، مەلا جەرجیس ئەربیللی.
ساڵا 1917 ل باژێڕێ #هەڤلێر# ژدایک بوویە.
قویناغێن خوەندنێ ل باژێڕێن هەڤلێر و بەغدا تمام کرینە و ساڵا 1939 خانەیا ماموستایان ل بەغدا تمام کرییە و هەر هەمان ساڵ ل باژێڕێ هەڤلێرێ ب ماموستایی هاتییە دامەزراندن و ل بوارێن خوەندن و پەروەردەیێ وەکە ماموستا و ڕێڤەبەر و سەرپەرشتیار خزمەتەک مەزن ب خوەندەکاران کرییە.=KTML_Photo_Begin=https://www.kurdipedia.org/files/relatedfiles/2012/74103/0001.JPG=KTML_Photo_Alt=عیزەدین فەیزی ئەفەندی=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2012/74103/0001.JPG=KTML_Photo_End=
ل ساڵێن چلاندە سەرکردەیەکێ دیارێ حزبا هیوا و بەرپرسیارێ باژێڕێ هەڤلێرێ یێ ئەڤێ حزبێ بوو.
ژبەر هەڵویستێن خوە ئێن نشتیمانی توویشی زیندان و دوویر خستنێ ل کارێ خوە بوویە.
ماموستا عیزەدین فەیزی حەژێکەرێ کارێ نڤیسین و ڕوژنامەگەریێ بوو و ل ساڵێن 1950- 1953 ل روژنامەیا هەڤلێرێ کار کرییە و ئەندامێ دەستەیا نڤیسەران و بەرپرسیارێ پشکا کوردی یا ئەڤێ ڕوژنامەیێ بوو.
هەروەسا سەروکێ دەستەیا نڤیسەرێن گوڤارا نووسەری نوێ بوویە کو ل دەستپێکا ساڵێن حەفتێ یێن سەد ساڵا بووهری ژ ئالیێ لقا هەڤلێرێ یا یەکێتی نڤیسەرێن هەڤلێرێ ڤە دەردچوو.
ماموستا عیزەدین ئەندامێ یەکێتی ماموستایێن کوردستان و یەکێتی نڤیسەرێن کورد بوو و پۆستێن بڵند دناڤا ئەڤان دوو سازیێن پیشەیی دە هەبوون.
ماموستا فەیزی خوەدیێ چەندین گوتارو لێکۆڵینێن ب پێتە کو ل روژنامە و گۆڤارێن سەردەمێ وی بەڵاڤ ببون.
خووەدیێ دوو پەرتووکانیشە ب ناڤێن ( یەکێتیی نووسەران و دوو کۆڕ و ئەلفبێی کوردی بۆ نەهێشتنی نەخوێندەواری) .
هەروەسا چەند پەرتووکەکێن پڕۆگراما خوەندنا قوتابخانەیان ژبو سەر زمانی کوردی وەرگێڕاینە.
وەکە ڕێزلێنانێک ژبو خزمەتێن ئەڤی کەسایەتیێ مەزن ل ساڵا 1998 پەیکەرەک لسەر شەقامێ شێستی یێ باژێڕێ هەڤلێر ل نزیک وەزارەتا ڕەوشنبیری و لاوان ژبوی هاتییە دایین و ئەو چوارڕییانەش کو ل نزیک ئەوێ وەزارێتیە لسەر ناڤێ وی هاتییە دەینان.
ماموستایێ پایەبەرز عیزەدین فەیزی ل #22-12-1985# وەغەرا داویێ کر و ل گۆڕستانا ئیمام محەمەدێ باژێڕێ ھەڤلێرێ هاتە بخاک سپاردن.[1]