ئابڕووی ژنیشە، نیشتمان
جاران ، هەر پیاو دەچوو بۆ شەڕ
ئیستا ژنیش؛
- چەند دژوار تر بووە،
جەنگ.
جاران کە لەماڵ دەهاتە دەر، ژن،
گوڵی بەبەرۆکەوە بوو.
هەنووکە؛
قەناصێکی بەسەر شانەوەیە.
- چەند سەخت تر بووە،
کارەسات.
جاران ژن،
لەسێبەری شەودا ، لانکی رادەژاندو
لایلایەی دەکرد.
نها؛
مین دەچێنێت و کەمین دادەنێتەوە.
-چەند بێبەزەیی تر بووە،
مرۆڤایەتیی.
جاران ژن،
تەنیا دۆستی شەونم و هاورێێی پەپوولە بوو.
ئیستاکە؛
هاوەڵی کەڵەکێوی و دەستە خوشکی کەپکەشاخە.
- چۆن بووە بە پۆڵا،
لۆکەی نەرم و نیان.
جاران هەر شەرەفی پیاو بوو
نیشتمان.
ئیستا ئابڕوی ژنیشە.
- چەند ئالۆز تر بووە،
وجود.
لەگۆڕستانی شەهیدانا
ئیستاکێ؛
ئارامگەیەک هی ژنەو
مەزارێک هی پیاو.
ناوی نووسەر: #قوبادی جەلیزادە# [1]
ئەڤ بابەت ب زمانێ (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 447 جار هاتیە دیتن
ڕایا خو دەربارەی ڤی بابەی بنڤێسە!