ناڤی وی یێ تمامی ڕەفیق تۆفیق مەحمود ڕەسوڵ ە و ژبەر زیرەکی و ژێهاتی یا وی، ناسناڤێ چالاک ژبو وی هاتە دەینان. ل ساڵا 1923 ل تاخێ پیرمەسوور یا باژێڕێ #سلێمانی# یێ ژدایک بوویە، خوەندنا خوە یا سەرەتایی ل باژێڕێ #کۆیە# و باژێڕوکێ #سەنگەسەر# و باژێڕێ سلێمانی یێ تمام کرییە و ساڵا 1937 ل خانەیا ماموستایان ئانکو دار اللمعلمین ڕیفي هاتییە وەرگرتن و ساڵا 1941 خوەندنا خوە تمام دکەت و دبیتە ماموستا .
ل ساڵا 1944 ل پشکا کوردی یا ئیزگەهێ بەغدایێ هاتییە دامەزراندن و پشتی مەهەکێ لسەر نڤیسین و بەلاڤوکێن شوڕشگێڕی ب ناڤونیشانێ گۆرانی ئازادی چین ل وی ئێزگەی هاتە دەرکرن و ژبو باژێڕێ سلێمانی یێ ڤەدگەڕت و دبیتە مامۆستا. ل ساڵا 1947ئان دە و پشتی تێکچونا کومارا #مەهاباد# و ل سێدارەدانا چار ئەفسەران ل پیشەیا خوە یا مامۆستایەتی دهێتە دویرخستن لبەر وێ گوتارا کو ل سەر قەبران ژبو خەڵکێن ئامادەبوو ڤەخوەند بوو.
ل ساڵێن 1950 بو 1956 ژبو جارا ددویان ل پشکا کوردی یا ئیزگەهێ بەغدا کارێ خوە کرییە ل ساڵا 1957 داو تەڤی کومەکا هەڤال و هونەر دۆستان دە ڕەزامەندییا دامەزراندنا کۆمەڵەیا هونەرێن جوان وەردگریت و ب ئێکەمین سەروکێ ئەو کۆمەڵەیا هونەرێن جوان هاتییە هەلبژاردن.
ل 9 ێ حوزەیرانی ساڵا 1963 دا تەڤی جەماوەرێ باژێڕی ل حامیەیا سلێمانی یێ دهێتە دەستەسەر کرن و پشتڕە ب کەفالەتا 500 دیناران هاتییە ئازاد کرن. ل ساڵا 1973 دا و سەرباری نەخوەشییا خوە یا دلی، ئەخیر سترانا خوە بناڤێ شوێن کەوتن تومار کرییە کوژ هۆزانێن مستەفا بەگی کورد ینە. ل ڕوژا ئینێ و ل ڕێکەفتا #30-11-1973# ل باژێڕێ بەغدا وەغەرا دوایی کرییە و لسەر وەسییەتا وی ل گردێ سەیوان یێ باژێڕێ سلێمانی هاتییە بخاک سپاردن.[1]