بەیتا بلبلا

شاخێ ئێکێ

ب دەستوری خودێ

سبحانه ژ ته سبحانه
چ حوکمەکی هۆیی گرانە
وێ هاتیە سەر بلبلی و طەیرانه
* * *
وەختەکی طەیر جەما بوون
لسەر دەرەجەکێ راوستا بوون
ل بەندا بلبلێ مسکین داما بوون
* * *
وه دبێژت مەزنێ طەیرانه ؛
دابچینه با میر سلێمانه
دا بگرین وەکی طاڤێت بارانە
* * *
دا بگرین و ببارینین
چەنگ و باسکا ژ خوناڤا بەرێ سبێ وەشینینن
ل بهندا بلبلێ مسکین بگاڤینین
* * *
ب خێر بێت بەهارە
بلبل دخونت هه زاره
ب شەڤێ ڤەدکەت دەفتەرا مارە
* * *
بخێر بەهار بێیو
بلبلکەفته خەوێ یۆ
رۆژێ بدەستێ خۆ دسترێیۆ
* * *
وە دبێژیت مەزنێ طەیرانه
بێژنە میر سلێمانە
ئەڤە چییە؟ ژطەیرا بلبل نه ل ڤرانە ؟!
* * *
وە دبێژت قوومسێ طەیرانه ؛
میرێ من! ئەڤە چیه ژ طەیرا بلبل نه هاتیه ؟!
* * *
میر سلێمان ڤەدکەت گۆتنە
ئه و طەیرێ هۆیێ کوباری مەزنه
یەقین نەیی ل بەر حوکمێ منه
* * *
میر سلێمان وە دبێژییه
ئه و طەیرێ هۆیێ کوبارێ ئاغییە
خۆزی من زانیبا مەسکەن وی ل کی چییە؟
* * *
وه دبێژت قوما طێیرانە :
ل با من وه عەیرانە
مەسکەنێ بلبل ، وێ ل ناڤ باغێ گولانە
* * *
مەزنێ طەیرا وە دبێژییە :
عەردێ بلبل ، مەسکەن لێ گرتییە
وێ ل ناڤ باغێ گولا سۆر و سپییە
* * *
سلێمان پێغەمبەر وە دکەت فروارە
ژ طەیرا بازی ڤەدژواره
بازی کر قاسد ، با بلبل دا د هناره
* * *
سلێمان پێغەمبەر دبێژتە بازی :
هەڕە بلبل بۆ من بینە
وحا شرین لێ نه ستینه
ب ساغی بگره و بۆ م بینە !
* * *
بازی وێ فریە
وەلات و بەر وەلات گەڕییە
مەسکەنێ بلبل نە دییە
* * *
بازی فڕی ژ هنداڤە
چۆ وی ئالی هەردوو ئاڤە
رێنی بلبل تەختێ وی دانایی ناڤ باغێ گولاڤا
* * *
بازی ژ هنداڤدا فڕییە
وەلات و بەر وەلات گەرییه
دیت مەسکەنێ بلبل گولا سۆر و سپییە
* * *
بازی فڕی چۆ جیێ بەستی
رێنی بلبل تەختێ دانایی سۆر گول ب سەردا شکەستی
بلبلێ مسکین د ناڤ دا یێ نڤستی
* * *
بازی فڕی چۆ جیێ خالی
رێنی بلبلی تەختێ وی دانایی
سۆر گول ب سەردا ، بلبلێ مسکین ل ناڤ دا دنالی
ئەم د کێمن خودێ یێ تەمامە. [1]