#کانیا زمزم#
زمزم جهەکێ پیرۆزێ ئاینێ ئێزدیانە دکەڤیتە لالشا نوورانی و ئاڤا وێ پیرۆزە ژبۆ هەموو ئێزدیان، هەر کەسەکێ ئێزدی ل دەمێ سەرەدانا لالش بکەت پێتڤیە سەرەدانا زمزمێ بکەت و خێزانا خۆ و دۆست و هەڤالا سەڵا بکەت و هیڤی و دوعایا ژ خودێ بخوازت. د باوەریا ئێزدیان دا نا چێبت کچ و کوڕ یان ژن و مێر پێکڤە بچن زمزمێ چنکو دبنە خوشک و برا. ئاڤا زمزمێ پێرۆزیەکا تایبەت هەیە بۆ هەموو ئێزدیان هەر کەسەکێ بچت لالش ئاڤا زمزمێ دگەل خۆ د ئینت مال و لسەر جینار و دۆستا بەڵاڤ دکەت، ل گۆر پەیڤێن کەسانێن شارەزا یێن ئێزیان زمزم بەری پتر ژ پێنچ هزار ساڵا هەبوویە و بەری هاتنا شیخادی ژی ب دوو هەزار ساڵان زمزم هەر هەبوویە ژبەر هندێ کانیا زمزم پیرۆزیەکا تایبەت هەیە لدەڤ ئێزدیان و کانیەکا هەرە کەڤنارە و هەر وەسا جهەکێ پیرۆزێ هەرە کەڤنارە ل لالش و پێرۆزیەکا گەلەک هەیە و فەرزە هەر کەسەکێ ئێزدی ساڵێ جارەکێ بچت زمزمێ، هەروەسا زمزم دهێت ناسین حەجا ئێزدیان و هەر کەسێ قەستا لالش بکەت فەرزە لسەر وی قەستا زمزم بکەت و دەست و جاڤێن خۆ ب ئاڤا کانیا زمزم پاک و خاوێن بکەت هەر وەکی دهێت گۆتن ئیمانا خۆ نوو بکەت ڤە جارەکا دی و بیر و باوەرێن خۆ بهێز بکەت ژبەر هندێ لدەمێ کچ و کورێن ئێزدی ژ دەستێ داعش هاتن ڕزگار کرن ژ لایێ بابێ شێخ و جۆقەتا ویڤە ل کانیا زمزم و کانیا سپی هاتن مۆر کرن. سەبەقەکا قەولی ژی یا هەی تێدا دیار دکەت کو زمزم حەجا ئێزدیانە و کانیا سپی مۆرا وانە و لالش قوبلەتا وانە.
کانیا سپی مۆرا منە
زمزم حەجا منە
لالش قوبلەتا منە
و کانیا زمزم چەندین پیرۆزی و تایبەتمەندیێن خوە یێن تایبەت هەنە لدەڤ ئێزدیان ژبلی ئەڤێت هاتین گۆتن. [1]
خودانێ ڤی بابەتی مافا وەشانێ بابەتی دانە کوردیپێدیا، سوپاس!
تایبەت ژبۆ کوردیپێدیا هاتیە نڤیساندن!
ئەڤ بابەتە ژ لایێ: (
ڤەژەن کشتۆڤ.ک.) ل:
13-08-2023 هاتیە تومارکرن
ئەڤ بابەتە ژ ئالێ: (
ئەمیر سیراجەدینئـ.س.) ل :
15-08-2023 پێداچوون ژبوو هاتییە کرن و ڕەها بوویە
ئەڤ بابەتە بو دویماهیک جار ژ لایێ: (
ڤەژەن کشتۆڤ.ک.)ڤە:
22-01-2024 هاتیە ڕاست ڤەکرن
ناڤ و نیشانێن بابەتی
ئەڤ بابەتە ب
ستانداردی کوردیپێدیا هێشتا نە دروستە و پێدڤی ب داڕشتنەکا بابەتی و زمانی هەیە!
ئەڤ بابەتە 720 جار هاتیە دیتن
QR Code